الفزعة ياحلوين ...! مبادئ علم الاجتماع
 

السلام عليكم

مادة مبادئ علم الاجتماع

بالمختصر انا ابغى الفكة من هالمادة مو قصدي اعدي المادة ..لا.. قصدي ماختبرها بكرة

هل فيه طريقة اني ماختبر بكرة ولا احصل على صفر ... طبعا من غير عذر طبي لاني ماحب الفال على نفسي حتى لو حملتها ونزل المعدل

شوفوا لي اي طريقة افتك من اختبار بكرة بدون ماتنحسب علي المادة .. يعني اخذها الترم القادم او اخر ترم ماتفرق معي

مابي فلوس المادة حلال عليهم بس ابي السلامة منها لاني طالع من اختبار صعب وبعدها عندي اختبار اصعب وهالمادة لحست مخي ... قسم اني مادري وش سالفتها ولا ابي اعرف سالفتها بس ابفتك منها بكرة


اللي يعرف حل بالله يلحقني بسرعة

رد: الفزعة ياحلوين ...! مبادئ علم الاجتماع
 

والله اذا تبي نصيحتي ..
اول شي / ضروري تدخل او تدخلين الإختبار, وحظك ونصيبك .. عشان لو لا قدر الله وحملت المادة تعيدها السمستر القادم بدون عذر طبي وحوسه
وبنفسك قلت ماتحب الفال على نفسك ..
وبعدين يمديك وربي تحفظ بعض التعاريف باقي ساعات كثيرة على الإمتحان وبيمدي ان شاءالله .. عشرين سؤال صحيحممكن يخليك تنجح وتنسى شي اسمه حمل المادة نصيحه من شخص يتمنى لك ما يتمنى لنفسه أدخل الإختبار واعمل بالأسباب وذاكر لحد وقت الإختبار وبتدعي لي

رد: الفزعة ياحلوين ...! مبادئ علم الاجتماع
 

وهذا رابط ممكن يفيدك .. طريقة وحده الله يسعدها في حفظ بعض التعاريف .. بطريقة حلوه وسهله
http://www.ckfu.org/vb/showthread.php?t=587548
ولاتهمل الكويزات لآنها مهمه ومفيييييدة جدا عيدها مرة ومرتين وثلاث وبترسخ ببالك صدقني .. وكثير قالو انه يكرر الأسئلـة .. يعني كل شي الحين متوقف عليك
وهذا رابط ثاني لسى منزل بالمنتدى
http://www.ckfu.org/vb/showthread.php?t=588035

آتمــنى تدخل الإختبار وتجي زي ماتجي .. المهم تسوي اللي عليييييك .. وربي يسهلها علينـآ .. وربي كلنا حايسين

رد: الفزعة ياحلوين ...! مبادئ علم الاجتماع
 

الله يعطيك العافية ياختي الفاضلة ... لكن انا كنت باني آمال على عدة مواد اني ارفع المعدل فيهن وللاسف ان مبادئ علم الاجتماع من ضمنهن بحكم انها مادة عامة وعربية .... فلذلك ماقدر اختبرها بكرة او اليوم الجديد لانها فعلا فاجئتني كنت مركز على التخصص وقلت بخليها لقبل الاختبار بيوم لان الترم الماضي قالو لي ان الدكتور اعاد نفس الاسألة ... وطلعت مادة لاتنحفظ ولا تنفهم وتلحس المخ

الله يبيض وجهك على المساعدة والروابط .... لكن الاولى اني اشوف طريقة للفكة من المادة واذا ماحصل الشكوى لله بغامر واحضر

رد: الفزعة ياحلوين ...! مبادئ علم الاجتماع
 

ياخوي .. والله طالما احنا ندرس فـ شي طبيعي بنواجه مواد كثير صعبه .. وراح ننضغط او مايكون عندنا وقت . .
لكــن من الخطأ انك ماتدخل الإختبار حتى لو كنت حاط ببالك ترفع المعدل .. قدر الله وماشاء فعل
لكن من الأفضل انك تطلع بأقل الخساير .. لو ماحضرت بيطلع لك حوسه ثانيه تجيب عذر ويشوفون هل هو مقبول او لا الخ ...
أما لو حضرت فـ فيه احتمالين يا تنجح ان شاءالله او تحمل المادة وتعيدها بدون حوسه لآنها بتنزل دايركت
أدري انك بين خيارين آحلاهما مـر على قولتهم .. واتمنى تدخل الإختبار وعذرا على التطفل .. الله يكتب لك اللي فيه خير لك ولنا جميعـآ

رد: الفزعة ياحلوين ...! مبادئ علم الاجتماع
 

غامر واحضر ....

ركز على اسئلة الاختبارات اللي طافوا .. لانو على حسب ماوصلنا من الاعضاء
انو الدكتور يكرر الاسئله بكل ترم ....
وركز هنا على الكويزات كمااان تساعد في ترسيخ المعلومه

اطلع على موضوع ديم منزله جميع اسئلة الاعوام اللي طافت

وفالك الامتياز يارب

رد: الفزعة ياحلوين ...! مبادئ علم الاجتماع
 

مافي اي طريقه :(

انت اختبر مو خسران شي بس ذاكر من الكويزات واسماء العلماء في ناس الله يجزاهم خير موضحينها

رد: الفزعة ياحلوين ...! مبادئ علم الاجتماع
 

توكل على الله وأختبر وحط في بالك ناس كثير بتدخل الاختبار بدون مذاكره وأنا أولهم ذاكرت اسئلة العام وبعض الكويزات والتوفيق بيد الله عز وجل

رد: الفزعة ياحلوين ...! مبادئ علم الاجتماع
 

كلنا داخلين الاختبار مغامرة والله يجعل نهاية المغامرة سعادة