|
مناقشه حول ماده المحاسبة 2
السلام عليكم
بالنسبة لمادة المحاسبة 2 كثييييييير مو فاهمين فيها وأنا من ضمنهم لذلك الله يجزاكم خير نبي الموضوع هذا للي فاهم نقطه أو قاعده يشرحها هنا لانها تعتمد على الفهم ونستفيد ويستفيد الجميع أصحاب الورش ما قصروا وجزاهم ربي كل خير لكن أحس أن الشرح البسيط افهم عليه فتحت المحاضرات وتابعتها وقريت الملخص كله عجزت استوعب شي ابد واكييييييد مثلي كثير لذلك الي فاهم شي يكتبه هنا ولكم خالص شكري وتقديري |
رد: مناقشه حول ماده المحاسبة 2
لويحطون هنا اسئلة المراجعة حق الدكتور يكون ااحسن على الاقل نستفيد من عشرين سؤال
تكفون اللي عندةأسئلة المراجعة ومحلولة ياريت مايبخل علينا والله يوفقة ويسهل امورة |
رد: مناقشه حول ماده المحاسبة 2
على الأقل لو شخص يسوي القواعد ويجمعها كلها ولو يعطينا بالمحاضرة واحد القاعده كذا وماشاب نكون شاكرين
مثلا صافي المشتريات = صافي ...... + ................... |
رد: مناقشه حول ماده المحاسبة 2
hahah:الي أنا فهمته
أن المبيعات تعتبر دائن ويتبعها(مردودات المشتريات -مسموحات المشتريات-الخصم المكتسب) المشتريات تعتبر مدين ويتبعها(مردودات المبيعات-مسموحات المبيعات-الخصم المسموح به) نحفظ هذي القاعدة عشان نقدر نحل وإذا جاب لي سؤال اوجد صافي المبيعات نحط اول شي المبيعات ثم نطرح منها الي يتبع للمشتريات كله وإذا طلب صافي المشتريات نحط اول شي المشتريات ثم نطرح منها الي يتبع للمبيعات كله يعني نحل كذا س- أوجد صافي المبيعات؟ المبيعات-مردودات مبيعات-مسموحات المبيعات- الخصم المسموح به أتمنى فهمتوا علي أجيب لكم مثال س- في منشأة السالم التجارية إذا علمت أن : الخصم المسموح به 2000 ريال – مسموحات المشتريات 6000ريال مردودات المشتريات 4000 ريال – المشتريات 40000 ريال , فإن قيمة صافي المشتريات هي: هنا جاب لي الخصم المسموح به وقبل نحل على طول نطلعه برى لانه مو من ضمنهن ونكمل حل بدونه ونفس الحكاية إذا طلب صافي المبيعات نتأكد قبل نحل لان اللخبطه هذي كتير تصير أنهم يطرحون كل شي وما يركزون إذا هن صح وإلا لا الجواب يكون المشتريات-مردودات المشتريات -مسموحات المشتريات فقط ونحذف الخصم المسموح به أتمنى أنكم فهمتو على طريقتي لأني أحل بالطريقة هذي الله ينجحنا بهالماده |
رد: مناقشه حول ماده المحاسبة 2
قاعده احفضوها ززززين :
قيد التسوية مايجي معه ملخص الدخل ابداً بس ملخص الدخل مع قيد الاقفال يعني بكره في الاختبار اذا جاكم اختيارات وذكر في قيد التسويه على طول نشووف اللي مافيه ملخص دخل ونختار حسب القيد من ح / ...... الى ح/ ...... |
رد: مناقشه حول ماده المحاسبة 2
ياجماعه اللي ابي اعرفه هو المسميات متى تكون دائه ومتى تكون مدينه
يعني المبيعات دائنة او مدينه أوراق القبض واوراق الدفع وشو المدين وشنو المدان أنا أذكر بالمستوى الاول كان فيه واحد مسويها في جدول وكنت حافضتها لكن من الفرحه اني نجحت بالمحاسبة 1 رميتها اللي عنده ه الورقه لايبخل علينها |
رد: مناقشه حول ماده المحاسبة 2
المدين : الطرف اللي ياخذ الدا ئن : الطرف اللي اعطى * في شيئين لازم تكونين عارفتهم وهم انك لو بعتي او اشتريتي لازم يكون فيه طريقتين للدفع إما ( بشيك ) او ( نقدا ) الشيك : معناتو من البنك النقد : معناتوا من صندوقك الخاص بالمنشأه اللي انتي تشتغلين فيها **************** فلو قلنا مثلا :اشترت منشأة فاضل أجهزة تكييف وحاسب الي من محلات الهدى بمبلغ 50 الف ريال وتم السداد بشيك اولا : الطرف اللي اخذ او انصرفت عليه الاموال هي ( الالات والمعدات ) اللي هي اجهزة التكييف والحاسب الالي معناتو انه هو الطرف اللي اخذ ولذلك راح نسميه الطرف المدين ثانيا : الطرف اللي اعطى هذه الاموال اللي هو ( البنك ) بما اننا قلنا بشيك مسحوب معناتو انه هو الطرف اللي اعطى ولذلك راح نسميه الطرف الدائن شرح beesho0o الله يجزاها خيرررر |
رد: مناقشه حول ماده المحاسبة 2
اسهل شرح دائن على وزن داخل دائن يعني اي شي + مدين طالع - شرح باسل. الله يجزاه خيررر |
رد: مناقشه حول ماده المحاسبة 2
بالنسبة للمدين والداىن
بالمستوى الأول فيه موضوع مثبت للاخت اشواق يشمل مواد المستوى الأول ومن ضمنهن ماده المحاسبه١ ومع المرفقات موجود ملف للمدين والداىن أبي اسأل عن المصطلحات الانجليزية أيش الي معنا وايش المحذوف؟؟؟؟ |
رد: مناقشه حول ماده المحاسبة 2
شوفي عزيزتي السمستر اللي فات ماجاب لنا الدكتور زياد ولا مصطلح واحد شكله ما يحبهم :) بس قال في المحاضرات المباشرة انو المصطلحات الأساسية هي اللي معكم بس واتوقع انها مصطلحات المحاضرة الأولى والثالثة الشائع منها فقط مو كلها كذا فهمت منه |
| All times are GMT +3. الوقت الآن حسب توقيت السعودية: 02:53 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه