ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى المواضيع العامة (https://vb.ckfu.org/forumdisplay.php?f=3)
-   -   طلاب مستجدين وضايعين مع هالجامعة؟؟؟ (https://vb.ckfu.org/showthread.php?t=5791)

rony1000 2007- 8- 29 02:48 PM
طلاب مستجدين وضايعين مع هالجامعة؟؟؟
 
شباب أنا انقبلت في كلية العلوم الطبية وبخصوص الجدول دخلت على الجداول اللي حطوها الجامعة ما شفت فيها ولا مادة من اللي المفروض ندرسها حسب الخطة الي في موقع الجامعة في الكلية. كل المواد اللي موجودة من التخصصات لأن احنا المفروض ندرس سنة تحضيرية انجليزي وثقافة اسلامة وتربية بدنية ومهارات التعلم. ما في ولا مادة منهم .
وسمعت انا من قبل ان طلاب الكليات الصحية ما يقدروا من أول سنة يعدلوا الجدول؟؟.

فتاة الإيمان 2007- 8- 29 04:30 PM
رد: طلاب مستجدين وضايعين مع هالجامعة؟؟؟
 
اذا انت شفت مواد التخصص انا ماشفت ولا شي:lllolll:

انا حتى رقم جامعي ماعندي:lllolll:

rony1000 2007- 8- 29 06:25 PM
رد: طلاب مستجدين وضايعين مع هالجامعة؟؟؟
 
اخوي حتى انا ما عندي رقم جامعي إلى الآن ولا في خبر من الجامعة وبالنسبة لمواد التخصص موجودة في موقع الجامعة في دليل التسجيل.

★ NiGhT AnGeL ★ 2007- 8- 29 11:15 PM
رد: طلاب مستجدين وضايعين مع هالجامعة؟؟؟
 

rony1000
عشان تتأكد أكثر .. أنصحك تراجع كليتك

بس ممكن تكون مادة الثقافة الإسلامية و التربية البدنية هي نفسها في الجدول ألي حطوه في عنوان :
كلية التربية
دمام -طلاب

أضغط على الرابط التالي :
http://appserver.kfu.edu.sa/kfudad2/...&p_sex_code=21


اقتباس:
وسمعت انا من قبل ان طلاب الكليات الصحية ما يقدروا من أول سنة يعدلوا الجدول؟؟.
الخطة الدراسية في الكليات الصحية دائماً تكون ثابتة .. و لا بد كل طالب يمشي عليها من بداية دراسته ..

يعني ما فيه تعديل على المواد ...
بإمكانك بس مثلاً تأجل دراسة المواد الإسلامية مثلاً الثقافة الأإسلامية و غيرها من متطلبات الجامعة للفصل الصيفي أو غيره .. بس أحتمال يمكن ما ينزلونها ..


الأفضل لك يا خوي أنك تنتظر لما يبدأ التسجيل و أي شي جديد من إعلانات الجامعة .. و إذا ما استفدت شي .. بإمكانك تتواصل مع كليتك و أكيد رايح يفيدونك

dark angel2008 2007- 8- 30 05:01 AM
رد: طلاب مستجدين وضايعين مع هالجامعة؟؟؟
 
لو سمحتوا
انا اعرف انه الرقم الجامعي كانوا حاطينه بورقة الفحص الطبي
باسم(رقم الطالب/ـة)
ونسيت اسجله
لانه ممكن نحتاجه في تأكيدنا للتسجيل
الله يعافيكم اللي يعرف كيف ممكن نحصل عالرقم الجامعي لايبخل علينا

ومشكورين

طالبة جديدة 2007- 8- 30 09:17 AM
رد: طلاب مستجدين وضايعين مع هالجامعة؟؟؟
 
والله اني ياجماعة محتارة:Cry111: مو عارفة شأسوي:Cry111: دخلت على البانر وكلما احط رقم الطالب مع رقمي السري(صحيح بسألكم الرقم السري نفسه هو اللي حطيناه بداية التسجيل؟؟؟؟؟) يقول لي فشلت عملية الدخول:Cry111: واقصى عدد للمحاولات5 واني استهلكت 2:Cry111: شأسوي لحقوني مو عارفة شأسوي:Cry111:

rony1000 2007- 8- 30 01:24 PM
رد: طلاب مستجدين وضايعين مع هالجامعة؟؟؟
 
انا عندي الكشف الطبي والرقم عندي بس أدخله وادخل الرقم السري اللي استخدمته في التسجيل ما يدخل ولا أدري وش السالفة.

Nada..^_^.. 2007- 8- 30 03:15 PM
رد: طلاب مستجدين وضايعين مع هالجامعة؟؟؟
 
مثل ماقالت لكم من قبل اختي المسير اصبرو الى لما يبدأ التسجيل واكيد بعدين بيدخل على نظام البانر
اني اعتقد ان هذا الشي مقصود من الجامعه نفسها يعني لازم ننتظر الى يوم التسجيل و الله اعلم
بتوفيق للجميع :119:

rony1000 2007- 8- 30 03:38 PM
رد: طلاب مستجدين وضايعين مع هالجامعة؟؟؟
 
كيف نصبر إلى يوم التسجيل وهو يوم واحد بس للطلاب المستجدين وهو الأربعاء.

فتاة الإيمان 2007- 8- 30 05:09 PM
رد: طلاب مستجدين وضايعين مع هالجامعة؟؟؟
 
انا اقول لو مخلينا على الطريقه التقليديه

انه كل واحد يروح كليته وياخذ جدوله من هناك

وايد احسن:c8:


All times are GMT +3. الوقت الآن حسب توقيت السعودية: 11:13 AM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه