|
ساعتين لامتحان الإحصاء غير كافيه
السلام عليكم ورحمه الله وبركاته صباح الفل
كيف المذاكره معاكم ان شالله ختمتوا أكثر من مادتين :119: المهم تذكرون اختبار المحاسبه والتكاليف اللي بالفصل الماضي :(269): بالله عليكم وقت الاختبار كان كاافي :sm4: أنا طلعت بعد ماخلص الوقت وكأني أبكي والمراقبه ماراعت وضعنا واننا قلقانين ومادتنا تتطلب عمليات تستلزم الهدوء كل شوي تخبط على الطاوله وتدقدق القلم بكل مكان المهم تزعجنا ونطلع :060: الله يسامحها ويغفر لها وين ماكانت :love080: انا عندي اقتراح بسيط لكن راح يحدث فارق لنا مع الاحصاء والماليه وهو اننا نطالب العماده انها تتفضل وتتكرم علينا بزياده وقت الامتحان ساعه وحده بس:verycute: ويصير ثلاث ساعات والله ماهو شي صعب عليهم طبعاً احنا نكلم الدكتور حق المقرر انه يكلم العماده ويعطيهم خبر عشان مايطنشونا انا نسيت والله وين قريت هالموضوع لكن فيه زملاء لنا في احدى المستويات طالبوا دكتور المقرر انه يحط لهم سبعين سؤال بدل خمسين وكلم العماده ووافقت لهم على هالطلب يعني الهمه ونلحق شوي راحه بال وقت الامتحان :004: المراقبات مابيتعاطفوا نهاااااائياً ما أدري عن الرجال لكن الحريم كل وحده بتخلص عشان ترجع بيتها طب حتى احنا نبغى نرجع بيوتنا :017: بس الفرق اننا نرجع وقلبنا على الورقه اللي مافصفصناها بسببهم . ايش رايكم ؟ بالله اللي حتقول ويقول انه ماورانا سالفه ويحبطنا يسوي رفع للموضوع من غير أمر عليه :rose: وكلنا محتاجين للوقت هذا :106: صح ولا غلطانه :sm18: |
رد: ساعتين لامتحان الإحصاء غير كافيه
مااظن العمادة راح تغير من وقت الاختبار وعشان ماتقولين اني حطمتك ابنصحك بالآلة الحاسبة لأنها تختصر عمليات ووقت كثير بالاحصاء الفصل الماضي ماتعلمت على الآلة من بداية المذاكرة وحفظت القوانين ولمن جيت اطبق بالاختبار ماكفاني الوقت والآن كل محاضرة بالتحليل لزوم اطقطق على الآلة واطلع اي طريقة اختصرها على نفسي من زود ماتعقدت من الاحصاء ^_^ تلاقين طرق الحل بالآلة في كل محاضرة لملخص أخونا شئ آخر وفي كذا طريقة تخليك تحلين بسهولة خصوصاً في جدول توزيع z في طرق تغنيك عن الرجوع للجدول ماعدا توزيع t مالقيت له طريقة الا بالآلة المطورة ومو متوفرة عندي ولو حابة اشرح لك الطريقة حاضرين واذا كنتي تبقين وقت اطول لجميع المواد ارسلو للدكتور وجربو وان شاء الله يستجيبون ... |
رد: ساعتين لامتحان الإحصاء غير كافيه
اقتباس:
ياحبيبتي انتي الوحيده اللي عطيتي رد محد شاف ان المسأله مهمه أعرف طرق الحل بالآله مررره سهله من ملخص أخونا شيءٌ آخر نص تحطيم جاني من عدم التفاعل لكن الشكوى لله بحاول في دكتور الماده وان شاءالله يتجاوبون لو ربع ساعه زياده ☺️. |
رد: ساعتين لامتحان الإحصاء غير كافيه
اقتباس:
وماودي احطمك اكثر واقول لك مافي تفاعل لأن الطلاب من أساس ماعندهم أمل انو يتغير ذا الشئ مو لأنهم مو مهتمين بالعكس كثير مثلك يتمنون وقت اطول للإختبار وانا منهم لكن ماباليد حيلة ... |
رد: ساعتين لامتحان الإحصاء غير كافيه
يسعد مسائك
يااليت يطوول بالوقت فعلا مواد علميا لابد ثلاث ساعات ذكرتيني بالمحاسبه مره انقهرت منهااا... اذا في طريقه نوصل صوتنااا لهم ويسمعونا يكون افضل ...... |
رد: ساعتين لامتحان الإحصاء غير كافيه
المراقبات جيتي على الجرح هم اساس ضياع الوقت وانا كم مرة كتب في ايقونة ملاحظات المركز ولا من مجيب -لا يوجد الالتزام بالوقت - شغلهم يسونه على حسابنا ياخذون من وقتنا - نفس شينه - وقلق
رغم انه الجامعة الموقرة تبعا تعطيهم مكافاة تصل الى 15000 الف عن الاسبوعين من حقنا يلفت نظرهم من قبل الجامعة ويكون فيه تنظيم هذه اللي يبيلها شكوى لان ضياع الوقت بسببهم وعشوائيتهم . |
رد: ساعتين لامتحان الإحصاء غير كافيه
اتذكر الترم الماضي بمادة نظم المعلومات اللي تحتاج تركيز مع اسئلة الدكتور الخنفشارية
جتنا مراقبة حقت سوالف كل ما مرت على وحدة عشان توقع ولا تتأكد من البيانات تقعد تسولف وتسوي ازعاج عاد احنا واضح على وجيهنا ان المادة صعبة ..! بالنسبة لزيادة الوقت أظن ان الحين الوقت متأخر مافي أمل انهم يزيدون الحين كان من الافضل لو نكلمهم ببداية السنة أما الحين والاختبارات قريبة فصعب جددددا انهم يزيدون المدة الله يعين ويسسر لنا |
رد: ساعتين لامتحان الإحصاء غير كافيه
اقتباس:
ياريت والله لو تشرحين استخدام الآلة لجدول z اذا كان قصدك الطريقة اللي بملخص شيئ آخر صفحة 46 فهذي طبقتها لكن ما لقيت كلمة distr ... والله تحطمت باقي لي خطوة بس أما اذا في طرق ثانية للحل بدون الرجوع لجدول z نهااائيا فياريت لو تتكرمين وتعلمينا اياها .. آلتي fx-85es |
رد: ساعتين لامتحان الإحصاء غير كافيه
الاحصاء الترم الماضي قال خلص نص الوقت و انا بالسؤال 14 ما انساها.
يعني باقي لي 36 سؤال! |
رد: ساعتين لامتحان الإحصاء غير كافيه
مساء الخير ..
تم النقاش كثير مع الجامعة بخصوص ذا المووضوع وكان جوابهم يكفي اعتذر منك عزيزتي يغلق |
| All times are GMT +3. الوقت الآن حسب توقيت السعودية: 10:33 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام