ملتقى طلاب وطالبات جامعة الملك فيصل,جامعة الدمام
صفحة 1 من 5 1 2345
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الخريجين (https://vb.ckfu.org/forumdisplay.php?f=239)
-   -   [ تجربة خريج ] : مصيبه مابعد التخرج .. وضياع ... (https://vb.ckfu.org/showthread.php?t=574382)

بوبديـــــْع 2014- 4- 15 02:29 AM
مصيبه مابعد التخرج .. وضياع ...
 
السلام عليكم .. بدخل في صلب الموضوع .. سجلت في جداره .. وقالوا غير تربوي واضف الدبلوم العام للتربية وقلنا خلاص يعني احنا غير تربوين .. طبعااا انا راجعت الديوان وافاد ان خريجين الانتساب حتى لو كان خريجي التربية يعتبرون غير تربوين .. المهم ... سجلت بجداره بعد التعديل واضفت ان انا غير تربوي ... وتجي الطامة الكبرى بعد التدقيق ان لا توجد وظايف مناسبة للتخصص عشان التسجيل ... يعني انا الحين تخصص تربية خاصة مسار صعوبات تعلم انا ويش .انا اداري ولا تعليمي.. ماقدرت طبعااا اشتعل قلبي ناااار ... راجعت ديوان الحساااا قلت له احنا تربوي ولا غير تربوي ... قال انتساب قلت اي قال غير تربوي ... قلت له انا الحين سجلت بالديوان على اني غير تربوي ويقول النظام حق الديوان ان مافيه وظايف لا ادارية ولا تربوية تناسب انا وشوو اجل .. بنتعين دكتور مثلاااا ... قال لا انت اداري تقدر تتعين ... وقلت له كيف والوظايف اللي نازله اللي ثلاث ارباعها وظايف ادارية ليش ماتناسبني ... عاااد اخذ فلسفة .. المفروض انتوا تدرسون والمفروض انتوا تسفتسرون قبل لاتدرسون واخذ لك عاااد من اسلوب الحسد لاجاك على طريقة نصح وارشاد ... قلت له انا الحين وش الوظايف اللي اقدر اسجل عليها عشان اسجل ... صدقوني انه قال وبكل برووود .... ماادري ... يعني مصيبه ؟؟؟

اترك لكم الحريه في التعبير عن هالمشكلة .... تحياتي لكم واتمنى خبر مفرح ....

أسير بلآ قيود 2014- 4- 15 02:53 AM
رد: مصيبه مابعد التخرج .. وضياع ...
 
وعليك السلام

متى امداهم يسون لك تدقيق وتوثيق انا سجلت واخترت تربوي والى الان ما وصلني شي

يعني طلعنا بالفول بلا حمص

هونها تهووون يابو بديع الا ما تجي وظاىف اداريه تناسب تخصصنا

الله ييسرها ،، ولاهنت ع التوضيح

ح ــنين.. 2014- 4- 15 03:13 AM
رد: مصيبه مابعد التخرج .. وضياع ...
 


الله يعيييين .. الله يعييين..

:(
>وين مانطقها عوجااااا

رغد الشرقية 2014- 4- 15 08:38 AM
رد: مصيبه مابعد التخرج .. وضياع ...
 
:Cry111::Cry111:

دلع فوشيه 2014- 4- 15 12:59 PM
رد: مصيبه مابعد التخرج .. وضياع ...
 
من جد مصيبه الله ياخذهم

بوبديـــــْع 2014- 4- 15 03:11 PM
رد: مصيبه مابعد التخرج .. وضياع ...
 
اقتباس:
المشاركة الأصلية كتبت بواسطة أسير بلآ قيود (المشاركة 10729068)
وعليك السلام

متى امداهم يسون لك تدقيق وتوثيق انا سجلت واخترت تربوي والى الان ما وصلني شي

يعني طلعنا بالفول بلا حمص

هونها تهووون يابو بديع الا ما تجي وظاىف اداريه تناسب تخصصنا

الله ييسرها ،، ولاهنت ع التوضيح

تجيك رسالة على الجوال ان تحتاج دبلوم عام للتربية هذا طبعااا تصنيفهم ... اما بالنسبة للتدقيق فالتدقيق لا يحتاج الا 24 ساعة بالكثير وتشوف ياتجيك رساله ان تحتاج الدبلوم .. او انك تفتح الصفحة الرئيسية لجدارة وتشوف ان تم التدقيق .. بس على فكرة اذا ماعدلت انك غير تربوي ماراح يجيك اي رد .. لاتدقيق ولاشئ .. عدل غير تربوي وتجيك رساله على جوالك خلال 24ساعه .. وافتح بعدها وسجل راح تلاقي المشكلة انك ماتقدر تسجل والوظايف المتاحه لاتناسب شهادتك التعليميه .. يعني لا اداري ولا تربوي .. يعني الشهاده بالنسبة للديوان باي باي ... ترا كلامي ماهو احباط .. كلامي صحيح وواقع100% ...

غلا الخبر 2014- 4- 15 03:14 PM
رد: مصيبه مابعد التخرج .. وضياع ...
 
كلنا نعاني نفس المشكله يابو بديع .. تخيل انا خريجة قسم المكتبات والخطه كان فيها مواد تربويه وكان فيه تدريب ميداني واخرتها شهادتي كليه الاداب غير تربويه ورفعنا اكثر من خطاب عشان يغيرون لنا المسمى بما ان درسناه ورفضوا وتجاهلونا ����
بعض الناس اهم شي تضمن مستقبل عيالها وماهمها عيال الناس وكله شغل واسطات واللي مثلنا درس وتعب وعنده كفاءه يجلس وينظلم�� .. لكن الشكوى لله وعليك بالدعاء واتمنى لك التوفيق باافضل وظيفه

خوية ريم 2014- 4- 15 06:04 PM
رد: مصيبه مابعد التخرج .. وضياع ...
 
طيب نتجمع ونرفع خطاب للفيصل يشوف حل

او الفريدان

او اي مسؤول

مايصير يتاكل حقنا واحنا قاعدين نطالع

خوية ريم 2014- 4- 15 07:38 PM
رد: مصيبه مابعد التخرج .. وضياع ...
 
بعد بحثي

اكتشفت انه لاجدوى من شهادة الانتساب الا للترقيه الوظيفيه

اما توظيف وخصوصا في التعليم لاااااايمكن

وقبول ماستر لااااايمكن

حتى لو تدرس ماجستير ودكتوراه وتجي تبي تصير معيد يطالبونك بالبكالريوس الانتظام بللاضافه للماجستير والدكتوراه

من الاخر .. قررت اعلقها في المطبخ

هـمـس التميمي 2014- 4- 15 07:50 PM
رد: مصيبه مابعد التخرج .. وضياع ...
 
ليه مركزين ع الوظائف الحكوميه؟ وخصوصا التعليم؟؟

وين القطاع الخاص خصوصا المراكز والمستشفيات تقبلنا
والماستر الحمدلله ياخذونا انتظام الا جامعتنا

الامور محلوله وميسره بس مادري ليه معقدينها ..!!!!!!!


All times are GMT +3. الوقت الآن حسب توقيت السعودية: 09:47 AM.
صفحة 1 من 5 1 2345
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه