|
احتاج الى نصيحه ومساعده من اهل الخبره
السلام عليكم ورحمة الله
اخواني للاسف لم استطع هذا الترم منذ بدايته من الدخول الى موقع الجامعه بسبب ضروف عمل لم اشاهد اي محاضره مسجله لم اشاهد اي محاضره مباشره لم احل اي واجب لم اشارك بأي مناقشه وانا حامل مادة بس ماني متأكد وش الماده يمكن محاسبه او اقتصاد والله ما ادري وش الماده :mh12: وبصراحه ما ادري وش اسوي اشاهدها كلها واحل المناقشات والواجبات ؟ الماده اللي انا حاملها ما ادري متى اختبارها ؟ احذف الترم !! والله ما ادري وابي نصيحه صادقه من القلب :love080: ودمتم |
رد: احتاج الى نصيحه ومساعده من اهل الخبره
مافيه مجال للنصيح انت مقفل جميع الابواب
|
رد: احتاج الى نصيحه ومساعده من اهل الخبره
الوقت المتبقي ثمين جدًا ..
يعني احرص أولًا على استغلاله بطريقة صحيحة نظم يومك .. قسّم مواد الترم بحيث تمسك كل يوم مادة .. تحمّل محاضراتها وتحل مناقشات وواجبات إذا كانت لديك 7 مواد .. فقادر إنك في اسبوع تنهيها وأنت مرتاح إلتزم بهالخطة واجعلها من أولياتك .. وحاول لمصلحتك .. تضغط نفسك وتنجز أكثر عن المذاكرة .. لم نبدأ بعد بالمذاكرة الفعلية .. اعملّك جدول حسب حالتك .. وامشي عليه أخيرًا أخي لا تتحطم وتقلق وتشيل هم بزيادة أنت الخسران في هذه الحالة استغل الوقت هذا جيدًا .. وحاول تسابقه ربي يوفقك ويسهل أمرك |
رد: احتاج الى نصيحه ومساعده من اهل الخبره
احذف الترم هههههههههههههه
لا لا امزح تقدر تخلص مناقشات وواجبات وتحميل محاضرات في اسبوع والايام الباقية ذاكر فيها وبالتوفيق. |
رد: احتاج الى نصيحه ومساعده من اهل الخبره
[QUOTE=naiyf_sa;10707648]السلام عليكم ورحمة الله
وعليكم السلام ورحمة الله وبركاته اخواني للاسف لم استطع هذا الترم منذ بدايته من الدخول الى موقع الجامعه بسبب ضروف عمل لم اشاهد اي محاضره مسجله مو كشكله ادخل النظام وحمل المحاضرات المسجله لكل ماده لم اشاهد اي محاضره مباشره مو مشكله بس تنزل بالنظام المحاضرات المباشره3 لكل ماده ادخل وحملها لم احل اي واجب لم اشارك بأي مناقشه الواجبات والمناقشات لكل ماده تلقاهم هنا ادخل النظام وحلها وانا حامل مادة بس ماني متأكد وش الماده يمكن محاسبه او اقتصاد والله ما ادري وبصراحه ما ادري وش اسوي كيف ماتعرف !!!؟واذا انت حامل ماده منها لازم تكون مسجلها بهالترم عشان تدرسها وهشان تعرف ابمواد اللي شجلتها لك ببداية الترم ادخل على نظام الافتراضي او البلاك وتعرف موادك اللي سجلتها اشاهدها كلها واحل المناقشات والواجبات ؟اي اكيد حملها كلها وحل الواجبات والمناقشان عشان تحسب لك درجات الماده اللي انا حاملها ما ادري متى اختبارها ؟ اذا انت مسجلها لهالترم شوف جدول الاختبارات مع العلم جدول الاختبارات ينزل بالنظام قبل الاختبترات بكم يوم بس تقدر تشوفه هنا احذف الترم !!اكيد لا ..جد الوقت قليل باقي 3 اسابيع تقريبا واذا حذفته مو كن صالحك مراح نسنفيد من هالترم ولا بتسترجع لك رسومك والله ما ادري وابي نصيحه صادقه من القلب :love080: النصيحه أنك تبدا الحين 1-تحميل المحاضرات المسجله لكل ماده 2-تحميل المحاضرات المباشره لكل ماده اذا تم ارفاقها بالنظام 3-حل الواجبات والمناقشات لكل ماده وبكذا يكون باقي لك محاضرتين تقريبا تنزل ومناقشتين وواجب لكل ماده وبعد ماتنزل تدخل تحملها وتحلها وكذا 4-امسك ماده ماده وخصص لكل ماده ايام وكل يوم عدد معين تذاكره ووانت وشطارتك وعلى عدد موادك قسم كم باليوم بتذاكر محاضره للماده وكم بتحصص لها يوم وبعدها تبدا بالماده اللي بعدها ولله يوفقك وماتنسى تحكل اسئلة الاعوام والكويزات والاشياء المهمه لكل ماده:16.jpg: ودمتم |
رد: احتاج الى نصيحه ومساعده من اهل الخبره
يا صديقي انت وانا وعلى نفس المركب انا عندي دوام والطريقة اللي اتبعها اذا عندك جهاز بالبيت وبرنامج داونلود منجر رص ام الجهاز بالمحاضرات وخليه يحمل على راحته لين ترجع بكذا راح تخلص المحاضرات المسجله بشكل قياسي اما المشاركة والواجبات ففرغ نفسك يوم واحد او على حسب فراغك وادخل المنتدى هنا الاخوان والاخوات موفرين كل شي يعني عطنا شوي من وقتك وان شاء الله تقدر تلحق اما على المذاكرة في نماذج اختبار راح تعطيك خلفية شاملة بإذن الله .. بالتوفيق صديقي .. |
رد: احتاج الى نصيحه ومساعده من اهل الخبره
الله لا يهينكم يا اخوان
وفعلا مايخيب الظن فيكم ابدا والله يعينني على تجاوز هذه الفتره هذي هي المواد الموجوده عندي في السجل الاكاديمي http://im45.gulfup.com/gp9buV.png وهذي هي الماده اللي انا حاملها http://im45.gulfup.com/IVZ82n.png حسب مافهمت من بعض الاخوان ان الماده تنزل بجدول الاختبارات مع المواد ارجو توضيح المعلومه لمعرفة طريقة اختبارها |
رد: احتاج الى نصيحه ومساعده من اهل الخبره
المواد الموجودة في السجل الأكاديمي ..
هي المواد المسجلة عندك هالترم .. واللي نازله في النظام المادة اللي حاملها (محاسبة2) ما انضافت معك بسبب إنك ما سجلتها رُبّ ضارة نافعة مطالب وأحمال قليلة .. 4 مواد فقط قادر إنك تعديها بتفوق إن أردت |
| All times are GMT +3. الوقت الآن حسب توقيت السعودية: 06:55 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام