ملتقى طلاب وطالبات جامعة الملك فيصل,جامعة الدمام - شعر بعض المواقف من وراها محاصيل تكشف لك إسدود الرجال وخبرها

- ملتقى الفنون الأدبية (https://vb.ckfu.org/forumdisplay.php?f=150)

بعض المواقف من وراها محاصيل تكشف لك إسدود الرجال وخبرها

السلام عليكم ورحمة الله وبركات

حياكم الله

بعض المواقف من وراها محاصيل
تكشف لك إسدود الرجال وخبرها

يا تكسب قروم الرجال المشاكيل
والا تجي من دونــها وتخسرها

الكلمه العليا وجزل الأفاعيل
تغنيك عن سبـع البحــور ودررها

وما دامها ما وصلت الحط والشيل
فاصمل وإذا راد الولي تقــتدرهـا

قولة ( كفو ) تتعب عليها الرجاجيل
اللي على روس النوايف نظرها

يا كثر صدقان الصحن والمعاميل
ويا قلهم لامن تقادح شررها

إعلم ترى الخوه فعول وغرابيل
في دورة الأيام يجنا ثمرها

ما كل من ماشيت يجزع به السيل
حذراك تجعل زرقها في نحرها

بعض العرب للتمشيه والتساهيل
وبعض العرب للمعضلات وخطرها

أحدن توصل به بعيد المواصيل
وإذا معه لك حاجتن ما ذخرها

وأحدن هبيل ويحسب انا مهابيل
نستر عيوبه والله اللي سترها

ظهره ظهر عقرب وبطنه بطن فيل
ووقفات سمحين اللحا ما قدرها

اعجبتني ونقلتها لكم

رد: بعض المواقف من وراها محاصيل تكشف لك إسدود الرجال وخبرها

ٌٌ
صح لسانك على هذه الجزله
وسلمت يمينك على نقلك الرائع
وحضورك المبدع
يسلمو يازمن ع الدعوه

رد: بعض المواقف من وراها محاصيل تكشف لك إسدود الرجال وخبرها

قصيده جزله
يعطيك العافيه

اشكرك على الدعوه

رد: بعض المواقف من وراها محاصيل تكشف لك إسدود الرجال وخبرها

_

يآسلام يالراشد
قصيده روعــه كروعه توآجدك
أبيات جآزت لي كلهآ
ص لسآن الشاعر وسلمت دياتك
كل الشكر لك

رد: بعض المواقف من وراها محاصيل تكشف لك إسدود الرجال وخبرها

أنتقاء جميل
ربي يحفظك أخوي زمن

واشكرك ع الدعوه

رد: بعض المواقف من وراها محاصيل تكشف لك إسدود الرجال وخبرها

صح لساانك
راقت لي
يعطيك العافيه
وشكرا ع الدعوة

رد: بعض المواقف من وراها محاصيل تكشف لك إسدود الرجال وخبرها

،،،

قولة ( كفو ) تتعب عليها الرجاجيل ... اللي على روس النوايف نظرها
يا كثر صدقان الصحن والمعاميل ... ويا قلهم لامن تقادح شررها

صح لسآآآآن الشاعر ع الآبيات القيمة و الجزلة ،،،
و سلمت يمينكـ ع الطرح الجزل ،،،
لآهنت ،،،