;



http://im64.gulfup.com/FOZrws.jpg





أغني لك يبح الصوت ,
مدري من هيامي فيك ,
أو دهشة تفاصيلك .
ولا أقدر ,
ولا حتّى الحكي والصوت يوصف بعض من ليلك .
ورغم هذا أحاول لو خذلني كل صوتي والكلام إني * أغنّي لك *
وأقول إنك :
كثر مَ تنشر جناح الغياب امتد بِ جناحه .
تخلّيني " طفل مكسور "
أبد مَ حسّ بَ أفراحه .
كبر واستدركه تنوين عينك .
حاول يحبك ولكن العمر زاحه .
وأقول إنك :
مَ تشبه إلا الشّمس لا حلّ التعب بَ أوصالها .
وارتعشت وطاحت .
وغيّابي إذا مرّوا ,
مثل غيمة حزن بالذاكرة وعطورهم فاحت .
وكحلة بنت بللها العتب وارتبكت وساحت .
وريح ثياب أمي .
صوتها من بعد مَ راحت .
وأقول إني :
كثير أشبه حزن ساحل هجره المد .
حن لِ صوت روّاده .
أو اغفاءة غريب صب ,
طفى كل مَ حوله , وولّع * بنت و بلاده *
أو آخر مَ تبقّى من فرح في قلب شايب فارق أعياده .

ورغم صوتي .
رغم ضعفي .
رغم هذا الفراغ الصعب .
أحاول لو خذلني كل ما حولي .
أغني لك .
أغني لك .



لِ بدر صفوق .