ملتقى طلاب وطالبات جامعة الملك فيصل,جامعة الدمام - شعر نزعل ونتكبّر وحنّا من الطّين ..!!

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : نزعل ونتكبّر وحنّا من الطّين ..!! (https://vb.ckfu.org/showthread.php?t=568262)

نزعل ونتكبّر وحنّا من الطّين ..!!

هذه القصيدة الرائعة نهديها إلى كل واحد زعل من أحد، أو ماخذ بخاطره في يوم من الأيام على أخوه أو أخته أوقريبه أو رفيقه أو زميله
قصيدة رائعة إفهمها ولا تنتظر لين يقولون: صلوا على فلان أوفلانه، بعدين تقول ذاك الوقت: بروح أسلم عليه في المغسلة، أو بروح أصلي عليه ..
رح له في حياته
واحتسب الأجر عند الله تعالى
{ ومن عفا وأصلح فأجره على الله }
....................

نزعل ونتكبّر وحنّا من الطّين
والكل منّا صدّ لا اقبل خويّه..

نفخر نقول إنّا على الصدّ قاوين
وهيَّ علينا في الحقيقة قوّيه ..

ننسى نهايتنا وعلى وين ماشين
وننسى الزمان اللي جمعنا سويّه ..

المشكلة ما هي بـ حاجة لـ تخمين
ولا هي بعد ياناس صعبة القضيّه ..

دق الرقم، كيفك؟ هلا فيك وأهلين
أنا الخوي اللي مزعّل خويه ..

قلّه: تغيب وصورتك داخل العين
ويبقى لـ حبك في خفوقي بقيّه ..

أخوان حنّا، لو يجي بيننا شين
وما نفترق دام المحبّة نديّه ..

خلّك قوي لا تحتكرك الشياطين
قبل الفوات وقبل وقت المنيّة ..

كلّم اخوك بـ طيب الهرج واللين
واعرف، جميل الهرج يمسح رديّه ..

هذي هي الدنيا من الحين لَلحين
لابد بين الناس تحصل خطيّه ..

ومن لا يقدّر غلطة احبابه الحين
يقرا حـروفي ويعتبرها هديّة ..

باكر تمرّ سنين وسنين .. وسنين
والكل يرحل في الدّروب المديّه ..

صدقني تندم، واذكر حروفنا زين
تندم على خِلّك إذا غاب ضيّه ..

دنيا غريبة واكثر الناس ماشين
وكم صاحبٍ والله دفنته بِِـ يديّه ..

وسلامتكم
:004: أعجبتني فنقلتها لكم :004: