ملتقى طلاب وطالبات جامعة الملك فيصل,جامعة الدمام - استفسار عام محتاجة الفزعة لاتخلوني

اقتباس:

المشاركة الأصلية كتبت بواسطة باحثة عن الأمل (المشاركة 10613307)

السلام عليكم

احتاج مساعدة من الجميع لو سمحتوا انا اعرف انا لكل واحد طريقتة في المذاكرة بس انا موعرفة اسلوب متابعة مادة الاستماع والا ستيعاب ومادة الانشاء والتعبير ضايعه حتى في حل الاسئلة الواجب مافهمت المطلوب ماكان واضح غير كل المواد بنسبة لي ابي مساعدتكم في مسك مفاتيح المادتين علشان افهمهم عدل قبل الامتحان واتوهق :Cry111:

هلابك اختي بالفعل مثل ما قلتي كل شخص له طريقته بالمذاكرة والفهم...
بس هذا ما يمنع اني اقولك نصيحتي او طريقتي وممكن تساعدك :119:

بالنسبة لمادة الاستماع انتي تقولي ما عرفتي المطلوب من اسئلة الواجب :icon120:
هذي مادة استماع اذن المطلوب اولا منك هو الاستماع و خلال هالاستماع اكتبي ملاحضة باللي سمعتيه مثلا في الواجب كان يتكلم عن "كشتة للبر :hahahahahah:" لو كنتي خلال استماعك كاتبة اسماء الاشخاص وايش عملهم بالحياة يعني طلاب معلمين رجال اعمال ايا كان ومتى طرت عليهم الفكرة و كم مدة رحلتهم ووش سوو باللبر وايش صار بالنهاية وايش قرروا لو كتبتي هلاشياء خلال استماعك للقطعة والدكتور قاعد يقراها كان لما سأل الاسئلة لقيتي اجوبتها عندك بالورقة ....... يعني مو تكتبين كل حرف وكل كلمة قالها لكن رؤوس اقلام
هذا بخصوص الواجب

اما بخصوص المحاضرات والاختبار ومذاكرة المادة بصفة عامة فنصيحة لوجه الله تعودي على اسلوب الدكتور في القراءة وكيف يقرا او ينطق السترس ووردس والريدكشن خلي تركيزك الفترة هذي بالاستماع على الشخص هذا بالذات اللي هو الدكتور الفاضل : الن برو بست لانه هو اللي بيقراء اسئلة الاختبار .
هذا بمجال الدراسة اما بمجال الثقافة العامة فلازم تسمعين كثير وتعودين اذنك على اللغة وتزيدين حصيلتك من المفردات الجديدة لانها اصلاً بتنعكس على فهمك للمواد واستيعابك للدراسة والشرح .

والنصيحة الاهم او اللي ممكن تكون مفتاح تفوقك في هالمادة هو معرفتك لنقاط ضعفك كطالبة ايش هي هل هي انك تفهمين ما يقال لكن مو قادرة تركزين فيه او تتذكرينه او انك ينقصك فهم معاني الكلمات اللي تقال فبالتالي مو عارفة القطعة تتكلم عن ايش او المشكلة مثلا بالدكتور نفسه او اياً كانت مشكلتك اعرفيها واشتغلي عليها وحليها :(204):