|
المحضر التأديبي للطالبات
السلام عليكم بنات..
كيفكم شخباركم ان شاء الله بخير '' حبيت افاتحكم موضوعي وادري بنات واجد متضررات من المشرفات وتبع الامن المهم بقولكم سالفتي انا يوم الخميس كنت جالسه مع صديقاتي وكانت الساعه تقريبا 2 ونص شوي راحو مكان فاضي عشان وحده منهم تصور نفسها عموما خلصو وانا طبيت عرض عليهم وقلت صوروني من جهازي ، جتنا وحده من الامن وسحبت الجهازين ، وخلتنا نكتب زي التعهد وبصمتنا وقالت اجهزتكم تتصادر خلاص ! وانتو بندق عليكم عشان محضر تأديبي بيكون بالجامعه ، وتخيلو بنات جلسو يفتشون باجهزتنا وخصوصياتنا ،وطلبو الباس ورد بس ماعطيناهم فتحنا لهم وفتشو وبرضو بيفتشون مره ثانيه بالمحضر انا هنا مستغربه منهم ااوكيه انا ما صورت الا نفسي ، محضر وزحمه عشان صورت نفسي ؟! ، محد يرضى يتفتش باغراضه فما بالكم هذول ، عموما سوري طولت عليكم وبس حبيت استفسر واخذ رايكم بالموضوع '' |
رد: المحضر التأديبي للطالبات
بغض النظر عن الموضوع
من فترة وهم يعلنون انو اي تصوير يصير بالكلية راح تترتب عليه عقوبات حتى لو مصورة نفسك او ورقة او اي شي ! |
رد: المحضر التأديبي للطالبات
يااختي ليه تصورين نفسك بالجوال
تخيلي جوالك ينسرق او يضيع وفي الجوال صورك ويلعبون فيهاااااا اللي مايخافون من الله شنو بتسوين في ذيك اللحظه واهلك شنو بيسوون لازم تحافظي على نفسك امااااااااااااااااااا بخصوص اللي فتشوا المشرفات عليكم جوالاتكم هذا شغلهم ومافي زعل المشرفات خافوا انكم صورتوا طالبات وفتشوا جوالاتكم عادي المشرفات مو قصدهم يطلعوا على خصوصياتكم بس لازم يتاكدوا انكم ماصورتوا احد من الطالبات |
رد: المحضر التأديبي للطالبات
أنا معك إنهم حالياً مبالغيين في قوانينهم شوي
بس ترى بين يوم و يوم يرجعون و يزيدون فيها عموماً آظن خبتهم ذي عشانك صورتي نفسك و انتي ب بكليتنا المصونه :d يعني ب مرفق من مرافق الكليه =)) و الله يساعدك إن شاء الله |
رد: المحضر التأديبي للطالبات
انا غلطت وما انكر هالشي ، بس ماتعديت على احد ، غلطي على نفسي ، وفتشو مالقو شي، يعني كتبتوني تعهد وخوفتوني وفتشتوه ، خلوني اتوكل وكان الله غفور رحيم ، تحسون يستاهل الموضوه محضر تأديبي وتحقيق ؟ انا يعلم الله الويكند مر وانا بس احاتي الموضوع .
|
رد: المحضر التأديبي للطالبات
لا مالاداعي يسوون محضر
|
رد: المحضر التأديبي للطالبات
بصراحه انتي غلطانه ليه تصورين
اهم لو عطوا الثقه لك ولغيرك ماادوا الواجب اللي عليهم يسووونه اسمحي لي اختي هذا واجبهم معك او مع غيرك والله يعطيهم الف عافيه |
رد: المحضر التأديبي للطالبات
الله يهديكم كم مره نبهو ﻻاحد يصور حتى لو نفسه وانا كذا مره سمعته بالكليه بالاعلان .
تو من اسبوعين بنت صورة القاعه انا كنت داخله القاعه كذا بجلس والبنت اللي صورة طلعت وﻻ شفتها وﻻكان بلغت اسمع بنت تتكلم وتقول انه هالبنت صورة وطلعت شعرورالبنات اللي بالقاعه قالت لها وحده ليه ماقلتي لها ﻻتصورين قالت قلت وردت البنت ذي كلية ابوك ماصور يعني صؤاحه البنات مستهترات بقوه فالله يعينك وياليتك ماصورتي هالايام كل شي يتورط فيه وتوهم من ثلاث اسابيع مسكو بنت تصور تفسها وسووو لها محضر ومدري شصار عليها: |
رد: المحضر التأديبي للطالبات
تعاملهم سيء حتى انا اذا شافون لابسة سماعات وحاطه جوالي بالشنطه يجيون يكتوبني تعهد ولاحظي جواااالي بالشنطه
ومره اقسمممم بالله العلي العظيم انهم ماسكيني لان يوم اصعد الدرج ارتفعت التنورة لاني اصعد بسرعه وطلع نص ساقي اقسم بالله انه نص ساقي لان اصعد بسرعععه وكتبوني تعهد لكن حسبي الله ونعم الوكيل الظلم ظلمات يوم القيامة |
رد: المحضر التأديبي للطالبات
كل مكان له قوانينه إنشاء الله يرجعون لك الجوال وهذا المهم
|
| All times are GMT +3. الوقت الآن حسب توقيت السعودية: 04:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام