ملتقى طلاب وطالبات جامعة الملك فيصل,جامعة الدمام - شعر يـا... طـير يومني دعيتك بملوح بتعذر فيك و اجـر صيحـه

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : يـا... طـير يومني دعيتك بملوح بتعذر فيك و اجـر صيحـه (https://vb.ckfu.org/showthread.php?t=563352)

يـا... طـير يومني دعيتك بملوح بتعذر فيك و اجـر صيحـه

وش يرفع اللي هاقي(ن) فيه لا طاح
ان اشهد ان طيحته ماهيب طيحه

و احر منها لاتذكرت ما راح
يوم نصحوك و لا سمعت النصيه

وقفت معه بـ هم و احزان و افراح
و زعلت من شانه وجيهٍ فليحه

و اللي استفدت هموم و طعون و جراح
ويح اللذي سوا فعايله ويحـه

يـا... طـير يومني دعيتك بملوح
بتعذر فيك و اجـر صيحـه

ماهو عشانك طنب القلب بصياح
اصيح من هـمٍ عسى الله يزيحه

القلب قفل و لآ لقى القفل مفتاح
واللي ترادى بي عسى الله يبيحه

اخيل برق العزمن وين ما لاح
و لاخيل براق النفوس الشحيحه

الله .. خلقني للثقيلات نطـاح
اتعب و هـم قلوبهـم مستريحه

لو .. شفتني مرتاح منيب مرتاح
اضحك و في عيوني تضيق الفسيحه

مطلب و من دوني بواريد و رماح
قربي لها خطر و مردي فضيحه

ماا .. أااخاف لكني بلا درع و سلاح
ما قد قنيت سلاح كود القريحه

كرآمتي قبل الخساير و الارباح
والله يمديك يالعلوم الصحيحه

خسرت لي قومٍ عشان الانصـاح ؟
و صارحت ناسٍ احسبها صريحه

ناسٍ تفرقها مفاهيم الاصـلآح
و تجمعت على الصـحن والذبيحه ؟

لو قلدالجاهل من العقل بوشاح
تلقى معه كبد الركاده جريحـه

لو يسكت العاقل و لا ادلآء بالا فصاح
تلقاء تعابير النواظر فصيـحه

والله خلق ليعقل منيب مدآح
و لا .. اشره على ذم الزمان و مديحه

وقتٍ تغير و قلبت فيه الاريـاح
و عامت مراكيب الجهاله بريحه

تبي تفارق صاحبك و انت مرتاح
لا.. شفته اخطأ عاتبه في (نصيحه)