ملتقى طلاب وطالبات جامعة الملك فيصل,جامعة الدمام - النظام الأفتراضي الناس تتطور وهالجامعة تتدهور

السلام عليكم ورحمة الله وبركاته

اسعد الله اوقاتكم بكل خير

المعروف ان كل الجهات سواء كانت حكومية او خاصة تتطور بمواقعها وخدماتها الالكترونية
والجامعة بحكم انها تدرس الطلاب بفلوس يعني لها مصدر للجامعة ومع ذلك الموقع من جرف لدحديرا
يعني وش المشكلة لو تم تطوير الموقع لاستيعاب اكبر ؟
وش المشكلة لو كان الشغل منظم ؟
يعني مادة محذوفه من الافتراضي ويرد العميد ( موجودة بالبلاك بورد )
اذا هذا رد العميد حسب رد احد الاخوان هنا اجل وش نقول عن باقي الموظفين بالجامعة ؟

مالها اي عذر الجامعة يااخي اذا والله زحمة طلاب او ماعندكم وقت للشغل لاتستقبلون طلاب جدد
او وسع نطاق العمل يااخي هذولا هم جالسين ببيوتهم وظفوا الناس المتخصصين وخلوهم لهالشغلة هذي

للاسف ماعندنا اهتمام للطلاب .. اوكي جزاكم الله خير وشكرا لاعمالكم لكن هذا مايعني انكم تتهاونون او تتباطؤون بالعمل . نعرف انكم تشتغلون لكن شغلكم بطيء للغاية
نتمنى ان نرى الجامعة تعمل بشكل افضل والله ييسر لنا وللجميع

تحياتي ...