ملتقى طلاب وطالبات جامعة الملك فيصل,جامعة الدمام

- قسم المحذوفات و المواضيع المكررة (https://vb.ckfu.org/forumdisplay.php?f=33)

- - حركات غبيه بس دايم نسويه (https://vb.ckfu.org/showthread.php?t=5611)

حركات غبيه بس دايم نسويه

.
..
...
....
.....
......

السلام عليكم ورحمه الله وبركاته

بصراحه في حركات غبيه نسويها في حياتنا اليوميه
و حنا ندري انها غبيه ومع ذلك نسويها ليييييييه؟؟ مدري!!
المهم مابي أطول عليكم.....

=================

* ليه اذا كانت بطارية الريموت كنترول ضعيفه
نضغط بقوووووه على الأزرار؟؟؟؟

>>يعني يدي بتشحن البطاريه<<

=================

*ليه نقصر على صوت المسجل أو الراديو
في السيارة اذا ضيعنا الطريق؟؟؟

>>يعني كذا راح يعرف الطريق ؟<<

=================

*ليه اذا شفنا على الجدار:
احترس من الدهان؟...مانصدق ونجرب بأصابعنا..

>> يعني لازم يحلفون<<

=================

*ليه اذا تأخر المصعد نضغط على الزر مية مرة؟؟؟

>>يعني كذا بيحس على دمه وبيفتح<<

=================

*ليه اذا نشرب البيبسي ونخلصه نهز العلبه؟؟

>>يعني متحسفين على اللي بقى<<

=================

*ليه اذا نكون قاعدين بمكان عام ونسمع رنة مسج ولارنة موبايل
على طووووول نشوف موبايلنا؟؟

>>ليييييه حضرتك مهم لهالدرجه علشان يرن بين هالبشر كلها !!<<

=================

*ليه اذا لعبنا بلاي ستيشن (لعبة سيارات) نلف مع السيارة
اذا تحرك يمين ويسار؟؟

>>الاخ على باله هو السيارة<<

=================

*وليه إذا جينا نشكر واحد على موضوع حطه بالمنتدى نمد الحروف ونكتب
مشكوووووووووووووووووووووووووووووووووووووووور

>>يكون شكرناه من القلب يعني <<

=================

فمان الله