|
ايش تعتمد مادة Semantics and Pragmatics على المعاني والبراغماتيك
مساء الخير
كيفكم يا سابع وكيف المواد معاكم الله يوفقكم جميعا حبيت اسأل عن مادة علم المعاني والبراغماتيك تعتمد على ايش فهم حفظ على تركيز او كلهم ؟؟ او نص نص ؟؟؟ وش شالفة هالمادة وش تتكلم عنه لاني حاطه جدول وناويه اخصص استاذه تدرسني اهي ومادة النحو والصرف واللغويات التطبيقية يعطيكم الف عافيه |
رد: ايش تعتمد مادة Semantics and Pragmatics على المعاني والبراغماتيك
هلا فيك ضامية
اخبارك انا مادري عن مادة علم المعاني والبراغماتيك لاني سجلتها هالترم هذا يعني انا معاكم هالترم في هذه المادة \ شوفي انطباعات الطلبة اللي اخذوها تبشر بخير بالنسبة لمادة النحو والصرف ومادة اللغويات التطبيقية لذا كان الدكتور عبدالله الملحم اللي يدرسها ابشروا بالخير لا تخصصين مدرسة ولا شي تابعي مع الدكتور عبدالله الملحم المحاضرات المسجلة حتى انه للخص لنا الكثير من مادة اللغويات التطبيقية \ جزاه الله الجنة فعلا انسان راقي بتعامله لايفكر انه يتعب احد او يستعرض بعضلاته على الطلبة ليت كل الدكاترة مثله المهم شدي حيلك وذاكري موفقه اختي |
رد: ايش تعتمد مادة Semantics and Pragmatics على المعاني والبراغماتيك
الف الف شكر لك اخوي ماقصرت
لاكن انا في النحو والصرف يا شيخ ما اعرف نحو عربي كيف انجليزي صار عندي وسوسه وعدم ثقه بالنحو مع اني اخذت المنظومات النحويه وشفتها سهله والحمد لله بس ماادري وش اقول لاكن راح اشوف الوضع بالاول ثم اقرر حاليا انا منعكفه على مادتين المهارات وظهور الرواية الاسبوع هذا كله مخصصته لهم بعدها الرواية الحديثه وانا مخصصه لكل مادتين اسبوع اخلص اللي اقدر عليه على الاقل سبع محاضرات بس ماحطيت في الجدول اي وحده من الثلاث مواد لا علم المعاني ولا اللغويات ولا النحو ابي احد يرد ويقول ايش علم المعاني حفظ ولا فهم ولا تركيز ولا ايش بالضبط عموما ماقصرت والله يوفقك ويوفق الجميع |
رد: ايش تعتمد مادة Semantics and Pragmatics على المعاني والبراغماتيك
اقتباس:
شوووفي أختي مادة علم المعاني والبراغماتيك تبي فهم أولا مع تركيز وحفظ السبب شرح الدكتور صراحة مختصر بالمحاضرات .. فيه شرح لأخووونا أبوبكر للمادة .. أقرأيه .. ولازم تحاولين تفهمين ثم تحفظين .. أخذت المادة الترم اللي طاف <<< طبعا الدكتور جاب أمثلة خارجية <<< عشان كذا اقول الفهم ضروري حاووولي تسوين search بالملتقى يمكن أحد مصور أسئلة الترم اللي طاف >>> لانه مثل ماقلت لك الدكتور جاب أمثلة خارجية مثل ذا السؤال : المحتوى كان فيه مثال عن مدينة الرياض وكلمة العاصمة <<< أنهم يعطوونا نفس المعنى والأشارة لمكان واحد بالأختبار جاب مثال مشابهه عن أرامكو وشركة البترول << هم أيضا يعطونك نفس المعنى والأشارة لمكان واحد .. ... يعني اذا تقدرين جيبي مدرسة لمادة علم المعاني والبراغماتيك .... اما النحووو والصرف واللغويات التطبيقية لللدكتور عبدالله الملحم فاأمورك ان شاء الله طيبة الدكتور في المحاضرة المباشرة الثالثة بيحدد لكم المهم في كلا المادتين ... والله يسهلنا لنا ولكم ... وفالكم التوووفيق |
رد: ايش تعتمد مادة Semantics and Pragmatics على المعاني والبراغماتيك
الف شكر لك جوميه ماقصرتي
عطيتيني الزبده لاهنتي ياقلبي وربي يوفقك |
رد: ايش تعتمد مادة Semantics and Pragmatics على المعاني والبراغماتيك
اقتباس:
العفووو أختي ضامية حنين وأي سؤال حاضرين باللي نقدر عليه ان شاء الله |
رد: ايش تعتمد مادة Semantics and Pragmatics على المعاني والبراغماتيك
الاخت جوميه ماقصرت جزاها الله خير ماده علم المعاني تظنينها بالبدايه ماده غثيثه ومالها داعي بس مع المتابعه راح تهضمينها ولاتخافين ترا الاسئله روعه روعه حتى مع الامثله الخارجيه سهله جدا وانطباعاتنا التررم اللي فات اكبر دليل الكل طلع مبسوط وراضي عن ادائه بالاختبار |
رد: ايش تعتمد مادة Semantics and Pragmatics على المعاني والبراغماتيك
جميييلة ردودكم الله يجزاكم خير
|
رد: ايش تعتمد مادة Semantics and Pragmatics على المعاني والبراغماتيك
بالنسبة لمادة النحو والصرف حضرت محاضرة ع اليوتيوب وكان شرح الدكتور أكثر من رائع وباقي المواد ما ادري عنها شي ,,ناويه أبدأ من الأسبوع هذا بأذن الله ,,بالتوفيق للجميع
|
رد: ايش تعتمد مادة Semantics and Pragmatics على المعاني والبراغماتيك
الف شكر لكم ماقصرتوا
another day انا راح ابدا بالنحو الاسبوع الثالث يعني مو الاحد الجاي اللي بعده تتوقعين يحتاج له اكثر من اسبوع وجهد او كيف |
| All times are GMT +3. الوقت الآن حسب توقيت السعودية: 04:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه