ابي جواب مفصل لطريقة الدراسه عن بعدد
 

السلام عليكم انا ابي اكمل دراستي .


عن طريق هذا عن بعد بس ابي اقدم وووين مكان التقديم وباي منطقه انا بالقصيم

وايش تخصصاتهم وهل اي تخصص اختاره راح انقبل فيه ولالهم شروط معينه

وايش الرسوم وكم ومن اعطيها وكيف طريقة محاضراتهم



ابي ادرس الموضوع بشكل تفصيلي عشان اقدم عليه

رد: ابي جواب مفصل لطريقة الدراسه عن بعدد
 

وعليكم السلام ورحمة الله وبركاته
اولا : شروطهم عاديه وبامكانك انك تنقبلي باذن الله

الدراسه : عن طريق النت طبعا
اول مستوى راح تاخذي 5 مواد

مقسمه30 درجه مشاركه و70 على ورقة الاختبار والاسئله اختياري كلها
المشاركات 10 درجات على الواجب 3 واجبات كل ماده
10 على الحوار والمناقشات 14 حوار لكل ماده
10 درجات للمحاضرات المسجله والمباشره طبعا تحمليهم
بكذا تضمني30 درجه
وطبعا درجة النجاح من 60 اضمني 30 مشاركه و 30 اختبار

التقديم على موقع الجامعه لمن يفتح التسجيل
وبيرسلو لك انك انقبلتي وايش مطلوب منك وترسليها عن طريق البريد
وقت الاختبار تختاري مركز اختبار بالقصيم وتختبري فيه

واي سؤال انا حاضره

دعواتك

رد: ابي جواب مفصل لطريقة الدراسه عن بعدد
 

نسيت بعد
التخصصات

أولا: بكالوريوس الاداب في أحد التخصصات التاليه :

اللغة العربية.
الدراسات الاسلامية.
اللغة الانجليزية.
الدراسات الاجتماعية ( جغرافيا – تاريخ – علم اجتماع ).
ثانيا: بكالوريوس إدارة أعمال :

إدارة أعمال.





والرسوم على حسب الساعات وتسددي عن طريق الصراف
الساعه ب 165
يعني اول مستوى 15 ساعه ×165 =2485
اضافة عشره لرسايل الجوال

رد: ابي جواب مفصل لطريقة الدراسه عن بعدد
 

طيب كم ساعه بالنستوا الثاني والثالث الحد الاقصى للساعات كم لحد مااخلص دراسه