|
سؤال خارج عن الجامعة
السلام عليكم ورحمة الله وبركاته
لدي سؤال خارج مواضيع الجامعة وهو مين يعرف كيف اقدر اقدم على وظيفة في دور تحفيظ القرآن النسائية أو الجمعيات الخيرية ؟ وإيش الشهادات المطلوبة للتقديم ؟ سوا كنت في الرياض أو محافظاتها يليت من يعرف يفيدني لأن فيه وحده سائلتني و أبي أفيدها |
رد: سؤال خارج عن الجامعة
وعليكم السلام ورحمة الله
اللي اعرف عن الجمعيات الخيرية حتى الثانوية يقبلونها ولو كانت معاها شهادة حاسب آلي ستة شهور تكون أفضل نصيحة تروح شخصياً أفضل وتاخذ كل التفاصيل |
رد: سؤال خارج عن الجامعة
ماعندي خلفيه بس ماحبيت أمر وما أرد
الله يجزاك حير ويسهل لك ويرزقك ماتتمنين |
رد: سؤال خارج عن الجامعة
وعليكم السلام ورحمة الله وبركاته
اتوقع شهادة ثانويه اذا عندها واذا اخذت دورة بعد في احد المعاهد تجيبها بتفيدها وبطاقة الاحوال او بطاقة العائلة و الأفضل بعد هي تروح بنفسها وتسأل وتعرف وشو اللي يحتاجونه منها والله يجزاك كل خير ويعطيك ما تتمنين |
رد: سؤال خارج عن الجامعة
وعليكم السلام ورحمة الله و بركاته
أنا اللي راح أفيدك :16.jpg: بالنسبة للجمعيات الخيرية بتكلم لك عن جمعية إنسان بالتحديد <<لأني أعرف وحده تشتغل فيها هم يقبلونك حتى لو شهادتك ثانوية بس أهم شي إنك ملمة بالحاسب بس إذا معاك بكالريوس يرتفع الراتب و الوظيفة اللي دائماً شاغرة هي وظيفة الباحثة ولازم يتوظف معاك (رجل) من محارمك يعني زوجك أبوك أخوك حتى لو عمك وتكون وظيفته أيضاً باحث و طبيعة شغلكم بتكون عن مجموعة من الأيتام وأسرهم يعني تزورونهم وتشوفون وضعهم و وش ينقصهم وإذا الجمعية سوت حفلة أو مهرجان ترتبون (أسركم ) ومن هالأشياء بس الوظيفة جداً ممتعة خاصةً للي يحبون التجديد في حياتهم و دائماً بتحسين إنك تسوين خير بحياتك لمساعتدك للأيتام ، أما كيفية التقديم خلي أحد من محارمك (اللي بيتوظف معاك) يروح لأقرب مركز ويقدم أوراقكم وهم بعدها بيتصلون فيكم للمقابلة الشخصية . أما مراكز تحفيظ القرآن بعد يقبلونك بالشهادة الثانوية بس بعد لازم تكون عندك شهادة تثبت إنك ملمة بالتجويد و يمكن يقبلونك إذا كنت ملمة فيه بس ماعندك شهادة بعد مايختبرونك و إذا ماعندك شهادة ولا تعرفين بالتجويد يخلونك تدرسين عندهم (على حسابك) أتوقع لمدة سنة ومن تنجحين يوظفونك على طول<<هذا كلام المركز القريب من بيتنا ، و التقديم إنتي تروحين بنفسك للمركز اللي تبين وتعطينهم أوراقك أتمنى إني أفدتك باللي تبين و إعذريني على الإطالة وكثر الحتسي و إذا عندك أي استفسار فأنا حاضره و بالشوفه:29: |
| All times are GMT +3. الوقت الآن حسب توقيت السعودية: 11:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه