ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   اعفاء الجامعه بخصوص الضمان والاستهبال اللي صاير ! (https://vb.ckfu.org/showthread.php?t=556477)

كلي مهابـهـ 2014- 2- 5 07:42 AM
اعفاء الجامعه بخصوص الضمان والاستهبال اللي صاير !
 
السلام عليكم

مالكم بالمقدمات بعطيكم الزبده وياليت اللي يقدر يساعدني مايقصر الله يجزاكم خير

انا من مستوى ثاني جاني اعفاء وعلى كلامهم الدراسه على حساب الضمان لين خلصت من مستوى خامس

صارت لي ظروف وانفصلت عن الضمان 3 شهور واللحين برجع وطبعا سجلت موادي للترم السادس

ويوم دخلت الوضع المادي حصلتهم كاتبين لم يتم تسديد الرسوم والمتبقى 8115 احد يقولي يمزحووون :verycute: او فيه شي خطأ يعني معناها انهم مايعفون اللي بالضمان مجرد مالواحد بنفصل عن الضمان يطالبونه بفلوس الاترام اللي راحت ليه كذا اللحين انا مقدر اسدد هالمبلغ علمووووني وش الحل مع هالجامعه ؟:sm1::sm1:

عبدالله م 2014- 2- 5 09:09 AM
رد: اعفاء الجامعه بخصوص الضمان والاستهبال اللي صاير !
 
لاتسددين لهم ولا ريال يمكن ان الضمان لم يدفعوا لهم فقالوا خلونا ناخذها من الطالبة باثر رجعي

راسلي الفريدان او الشعيبي او اتصلي على الرقم المجاني 800303030 واشرحي لهم القصة

نـــارا 2014- 2- 5 09:42 AM
رد: اعفاء الجامعه بخصوص الضمان والاستهبال اللي صاير !
 
انا اقولك مثل ماقال الاخ اللي فوق
لاتدفعين ولاريال كلامي الفريدان بالتويتر ازعجيه لحد مايرد

مهزله هالجامعه مافي نظاااااااام ابدا
على الاقل ماتدفعين المستويات السابقه اللي كنتي بالضمان

مميزة 2014- 2- 5 10:32 AM
رد: اعفاء الجامعه بخصوص الضمان والاستهبال اللي صاير !
 
من جد شي يقهر لااتدفعين

آساس الغلآ 2014- 2- 5 11:46 AM
رد: اعفاء الجامعه بخصوص الضمان والاستهبال اللي صاير !
 
اقتباس:
المشاركة الأصلية كتبت بواسطة عبدالله م (المشاركة 10483779)
لاتسددين لهم ولا ريال يمكن ان الضمان لم يدفعوا لهم فقالوا خلونا ناخذها من الطالبة باثر رجعي

راسلي الفريدان او الشعيبي او اتصلي على الرقم المجاني 800303030 واشرحي لهم القصة


طيب انا ياخوي توظفت ... وأكيد لو يسوون بححث بكشفوني بس لو اكشفوني وش اسوي ؟ هل اكون مثلك اسدد الاترام السابقه

عبدالله م 2014- 2- 5 01:16 PM
رد: اعفاء الجامعه بخصوص الضمان والاستهبال اللي صاير !
 
اقتباس:
المشاركة الأصلية كتبت بواسطة آساس الغلآ (المشاركة 10484103)
طيب انا ياخوي توظفت ... وأكيد لو يسوون بححث بكشفوني بس لو اكشفوني وش اسوي ؟ هل اكون مثلك اسدد الاترام السابقه
انتي الان بالمستوى السادس فاذا كان تم توظيفك بعد المستوى الخامس فانتي غير مطالبة بالمبالغ قبل التوظيف.

ابو جنااا 2014- 2- 5 01:22 PM
رد: اعفاء الجامعه بخصوص الضمان والاستهبال اللي صاير !
 
الله ييسر أموركم يارب و الله هذي مهي حاله




الله يعينكم.

عبدالله العـتيبي 2014- 2- 5 01:34 PM
رد: اعفاء الجامعه بخصوص الضمان والاستهبال اللي صاير !
 
انا تم اعفائي مبدئي وعبيت البيانات رقم الايبان ورقم الحساب باقيونة الاستعلام عن الوضع المالي ... ودخلت اقيونة الاستعلام عن الوضع المالي مكتوب انت مشمول بضمان الاجتماعي ولك مبلغ 5000 ريال .. وسجلت موادي بالبانر قبل اسبوع وشيكت على اقيونة الاستعلام عن الوضع المالي مكتوب تم تسديد الرسوم بالكامل .... وقبل ثلاث ايام تغيرة إلى لم يتم تسديد الرسوم بالكامل وعندما سئلت الفريدان رد علي انت غير مشمول بضمان الاجتماعي !!! وش هاتخبط الي قاعد يصير

عبير الورد. 2014- 2- 5 03:54 PM
رد: اعفاء الجامعه بخصوص الضمان والاستهبال اللي صاير !
 
نفس الوضع لصديقتي

http://www.ckfu.org/vb/t555099.html

الله يسهل أموركم ياااارب ويتم التعديل

كلي مهابـهـ 2014- 2- 6 04:00 AM
رد: اعفاء الجامعه بخصوص الضمان والاستهبال اللي صاير !
 
اللي ردو علي جزاكم الله خير ماقصرتو كلمت الفريدان والشعيبي على التويتر بس الاثنين اموات

مدري محلوف عليهم مايردون علينا ولكن الحمدلله دقيت على الرقم الموحد لين ماردو

وكلمني واحد اجودي الله يجزاه خير وقالي فعلا الضمان ماسددولك لاننا سوينا تحديث للبيانات

بسبب بنات تزوجو وتخرجو من الجامعه وهم معفى عنهم ولادرو عنهم الجامعه والتحديث حاس العالم وحاليا براسل الماليه

ولاراح اطلع من الجامعه لين أحل مشكلتك وكلمني العصر قال انا طلعت ومشكلتك انحلت مالك الا بس تسددين رسوم هالترم لين ترجعين للضمان وتطلبين اعفاء وطبعا دخلت وضعي المادي وحصلت بس رسوم هالترم وربي فرجها يارب لك الحمد والشكر


All times are GMT +3. الوقت الآن حسب توقيت السعودية: 02:01 AM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه