الزيارة لجامعة الدمام
 

السلام عليكم ورحمة الله وبركاته
انا مستوى خامس بكلية الدراسات التطبيقيه وخدمة المجتمع
انتقلت الى مرحلة البكلوريس
والسمستر الجاي راح نقل سكن للدمام
وابي اكمل دراسه هناك وعدد ساعاتي تجاوزت شروط التحويل
لذلك حابه اعمل زيارة !
ابي اعرف عن هالنظام اكثر هل ادرس بانتظام كالطالبات
وكيف من ناحيه المكافاة من وين يتم صرفها لي جامعة فيصل او الدمام
اتمنى تفيدوني بكل المعلومات اللي عندكم عن نظام الزيارة لجامعة الدمام

وشكراً ويعطيكم العافية مقدماً

رد: الزيارة لجامعة الدمام
 

وعليكم السلام

انا اعرف وحده راحت زيارة للدمام وتدرس انتظام في كلية الآداب وفي بداية الزيارة كانت تاخذ اسماء المواد

الي بيدرسوها في جامعة الدمام في الترم الي تبيه وتعطيها لجامعه الفيصل وهم يسجلو لها المواد

بس الآن بصراحه مادري كيف نظامهم يمكن تغير



الافضل تسألي وحدة من الجامعتين عشان تاخذي الاجابة الصحيحه

موفقة..

رد: الزيارة لجامعة الدمام
 

يعطيك العافية حبيبتي
المشكلة الموظفات بالادارة مايعطونك حق ولاباطل
الله يقدم اللي فيه الخير

رد: الزيارة لجامعة الدمام
 

عليكم السلام ورحمة الله ..

طبعا تدرسين انتظام وتداومين عادي كأنك من طالبات جامعة الدمام (محاضرات و يحسب لك حضور و كل شي).
المكافأت تصرفلك من جامعتك الملك فيصل.

الملك فيصل : اي مقررات تدرسينها برى جامعتهم تحسبلك الماده اللي نجحتي فيها بالسجل. اذا رسبتي في مقرر لاقدر الله ماتحسبها لك + معدلك نفس ماهو مايتغير على اخر سمستر درستيه في جامعتك لا ينزل ولا يرتفع.

اهم شي المواد اذا سجلتيها تكونين واثقه انك راح تكملينها + شيكي على جدولهم بالدمام قبل لاتسجلين موادك عشان ترتاحين بدوامك .

وتأكدي من المقرارات و اسمائها و مستواها لأن احيانا تختلف الاسماء عندهم!

انتبهي للتواريخ كويس
وشدي حيلك

بالتوفيقق