ملتقى طلاب وطالبات جامعة الملك فيصل,جامعة الدمام
صفحة 1 من 3 1 23
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية العلوم الزراعية و الأغذية (https://vb.ckfu.org/forumdisplay.php?f=7)
-   -   عقوبه التصوير ! (https://vb.ckfu.org/showthread.php?t=553967)

Sugar92 2014- 1- 30 11:00 PM
عقوبه التصوير !
 
بسم الله الرحمن الرحيم

بدخل في الموضوع على طول
في ايام الاختبارات النهائيه
مسكوني الامن وانا اصور بالساحه الخارجيه
والله الشاهد اني ماصورت ولا طرف صبع بنت
اخذوا جوالي وكتبوني محضر ضبط وقالوا لي بيرفع موضوعك للجنه وبعدها يقروون وش تكون العقوبه
مع العلم انه العقوبه توصل للفصل النهائي !

اذا احد صارت معه هالمشكله -بعيد الشر عنكم-
ابي اعرف وش الاجراءات بالضبط وهل ممكن يفصلوني ؟

الله يسعدكم ما ابي احد يلومني على التصوير لان متاكده انه اغلب بنات الجامعه يصورون ومحد مسكهم والله يستر عليهم وحتى الموظفات شوف عيني يصورون بعض وقدام مكتب الامن بس محد قال لهم شي ويكفي تعب نفسيتي بكون اني اخر سنه وجالسه ع اعصابي انتظر وش بيصير في موضوعي

ونصيحه ابتعدوا عن التصوير ماتسوى عليكم والله ( اسئلوا مجرب )
افيدوني الله يحميكم

مروشَ 2014- 1- 31 05:35 AM
رد: عقوبه التصوير !
 
لاتخافين مافيه عقوبة ولا شي بيهاوشونك وبيرجعون جوالك طبعا بيكون جوالك عند المسؤولة ومكتبها في المباني القديمة مبنى اقسام الطالبات

GADEER 2014- 1- 31 11:39 AM
رد: عقوبه التصوير !
 
انا كذلك اخذوا جوالي الاسبوع اللي راح لاني كنت اصور كب كيك حقي ماصورت اي شيء بالجامعه
اللي يعرف شيء يخدمنا متى بيرجعونه ☹
والله ظلم ماصورت شيء صورت اكلي وين الممنوع فيه ☹
حسبنا الله ونعم الوكيل ....

Sugar92 2014- 1- 31 01:42 PM
رد: عقوبه التصوير !
 
اقتباس:
المشاركة الأصلية كتبت بواسطة مروشَ (المشاركة 10453393)
لاتخافين مافيه عقوبة ولا شي بيهاوشونك وبيرجعون جوالك طبعا بيكون جوالك عند المسؤولة ومكتبها في المباني القديمة مبنى اقسام الطالبات
خذوا جوالي يوم الاثنين
ورحت لهم في المباني القديمه يوم الثلاثاء
وشفت بنات قالوا لي انهم اخذوا جوالاتهم قبل 4 شهور وبعضها قبل شهرين وتوهم يستدعونهم ومدري وش سوو لهم بالضبط .

وصديقاتي في اخر يوم من الاختبارات النهائيه شافوا اسماء طالبات مفصولين عقوبه تصوير و دكتوره نيفين قالت انه العقوبه توصل للفصل

وانا مايهمني الجوال اهم شي اني اكمل دراستي

وجزاك الله خير ع ردك

Sugar92 2014- 1- 31 01:47 PM
رد: عقوبه التصوير !
 
اقتباس:
المشاركة الأصلية كتبت بواسطة gadeer (المشاركة 10454044)
انا كذلك اخذوا جوالي الاسبوع اللي راح لاني كنت اصور كب كيك حقي ماصورت اي شيء بالجامعه
اللي يعرف شيء يخدمنا متى بيرجعونه ☹
والله ظلم ماصورت شيء صورت اكلي وين الممنوع فيه ☹
حسبنا الله ونعم الوكيل ....
والله ياقلبي حسب ماسمعت انه لهم فايده اذا مسكوا جوالات
وعلى قولتهم لو تصورين ورقه بعد ممنوع

ترجيع الجوال احتمال بعد شهرين او 4 شهور والظاهر انه يكون في نهايه السمستر هذا ع كلام البنات الي قابلتهم في المباني القديمه والله اعلم

الله يفرج عني وعنك ويريح بالنا

GADEER 2014- 1- 31 02:42 PM
رد: عقوبه التصوير !
 
طيب وش اسم هالمسؤوله ووين بالضبط اي مبنى ؟؟؟
ماصارت تصوير كب كيك للاسف هالمشرفات بزياده ع مبنانا
حكم القوي على الضعيف ..
انا اعرف وحده رجعوه لها بعد اسبوعين والثانيه بعد ثلاث شهور ع اي اساس هالمده ؟!

GADEER 2014- 1- 31 02:45 PM
رد: عقوبه التصوير !
 
لما رحتي لهم المبنى القديم كلمتي المسؤوله ولا ؟؟
واذا كلمتيها وش قالت لك ،؟؟؟

Sugar92 2014- 1- 31 02:54 PM
رد: عقوبه التصوير !
 
اقتباس:
المشاركة الأصلية كتبت بواسطة gadeer (المشاركة 10454669)
طيب وش اسم هالمسؤوله ووين بالضبط اي مبنى ؟؟؟
ماصارت تصوير كب كيك للاسف هالمشرفات بزياده ع مبنانا
حكم القوي على الضعيف ..
انا اعرف وحده رجعوه لها بعد اسبوعين والثانيه بعد ثلاث شهور ع اي اساس هالمده ؟!
المبنى الثالث رقم 27 في الدور الثالث مقابل المصاعد وكانههم الحين غيروا رقم المبنى وصار رقمه 60
مسئوله الامن اسمها بسمه الزعبي
وترفعه لفايزه الحمادي الي هي مكتبها مقابل المصاعد
(هذا حسب معرفتي )

ولمن رحت محد فادني هناك
وقالوا لي البنات الي قابلتهم لاتضيعين وقتك لازم تنتظرين لمن يتصلون عليك

البنات الي تعرفينهم وش كانوا مصورين ؟
و وش سواا معهم ؟

GADEER 2014- 1- 31 05:50 PM
رد: عقوبه التصوير !
 
كانت مصوره ورقه واخذوا الجوال وقالوا لها تعالي لنا بس ماراحت لهم
بعد اسبوعين جاواها القاعه وقالوا لها ماتبين جوالك قالت بلى
عطوها الجوال وكتبوها محظر بسسس

Sugar92 2014- 1- 31 07:06 PM
رد: عقوبه التصوير !
 
اقتباس:
المشاركة الأصلية كتبت بواسطة gadeer (المشاركة 10455515)
كانت مصوره ورقه واخذوا الجوال وقالوا لها تعالي لنا بس ماراحت لهم
بعد اسبوعين جاواها القاعه وقالوا لها ماتبين جوالك قالت بلى
عطوها الجوال وكتبوها محظر بسسس
خايفه كثير لاني صورت الساحه الخارجيه
الله يعين يارب


All times are GMT +3. الوقت الآن حسب توقيت السعودية: 08:12 AM.
صفحة 1 من 3 1 23
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه