|
ارجوا منكم مساعدتي
السلام عليكم ورحمة الله وبركاته أبي مشورتكم انا حملت ثلاث مواد المحاسبة 1 والقانون والرياضيات ومعدلي 1.60 نااااازل مرررره ودرجات المشاركة كلها 25 إلا مادة الاقتصاد الجزئي ليش الظلم ورفعت تظلم لكن ماجاني أي رد منهم وش المواد اللي اخذها معاي المستوى الثاني وترفع معدلي وكم ساعة مسموح لي ادرسها في المستوى الثاني أتمنى تردون علي جزاكم الله خير
|
رد: ارجوا منكم مساعدتي
بما إنك تحت الـ 2 من 5 أنصحك التالي لرفع معدلك ..
طبعا تستطيع تسجيل 9 إلى 12 ساعه .. ( 9 ساعات مجربه لأحد الأخوان قرأت له رد في موضوع أنه سجل 9 ساعات وقبل معاه ) عندك ( مهارات إتصال ساعه وإختبارها في اليوم الرابع حسب الجدول ) عندك ( الصحه واللياقه ساعتين ) وأضف ( القانون ثلاث ساعات ) الآن لديك 6 ساعات .. إذا كنت حاب تسجل 9 ساعات إختار ( محاسبه 1 .. ثلاث ساعات ) .. -> وهذي الماده بالذات خذها لأن عندك محاسبه 2 ومرتبطه بـ إداره ماليه 1 .. 2 لذلك أنصحك تاخذها .. وركز شويتين صدقني راح تجيب معدل كويس .. ثلاث مواد حفظ .. والمحاسبه حفظ وعملي .. يعني بإذن الله راح ترفع معدلك .. إذا حاب تسجل 12 ساعه فقط أضف ( تقنية معلومات 1 ... ثلاث ساعات ) .. وهذي الماده حفظ وسهله جدا جدا جدا جدا بذلك سجلت 12 ساعه وتستطيع رفع معدلك .. مع العلم أنك بهالطريقه أخذت لكل يوم إختبار .. وبينهم أيام ومريح جدا .. الله يوفقك هذي وجهة نظري وإقتراحي لك ( بالنسبه للتظلم ) إإلخ .. والله اعلم سمعت إن فيه أيقونه . ( وهنالك طريقه في أنك تتواصل مع العماده ) والله يوفقك |
رد: ارجوا منكم مساعدتي
اعتقد تسجل 12 ساعة لكن ماني متأكّد بالضبط وأتمنى من الأخوان يفيدونك أكثر ..
والتظلمات سمعت إنهم ينظرون فيها بداية الأسبوع القادم .. يعني الأحد أو الإثنين |
رد: ارجوا منكم مساعدتي
يااخوي رح للجامعه التظلم مايأكل عيش
بخصوص رفع المعدل....... ذاكر قبل الاختبار بشهر والله كريم نصيحه امش على الخطه لاتأخذ من مستويات متقدمه خلك حبه حبه........عشان ماتتوهق بعدين ^_^ اي خدمه حاظر. |
رد: ارجوا منكم مساعدتي
عندك ( أساسيات البحث العلمي ) .. ساعه
( الأخلاق الإسلاميه ) ساعتين ( العقيده الإسلاميه والمذاهب المعاصره ) ساعتين ( فقه السيره ) ساعتين رتب على جوك ( اكثرها اسلاميه حفظ وسهله ) بالتوفيق |
رد: ارجوا منكم مساعدتي
وشرايك انا قررت انزل صحة ولياقة وعقيدة اسلامية وفقه السيره واخلاق اسلامية هذه كلها 8 ساعات كل ماده ساعتين وسهله كلها حفظ واضيف ماده اخرى اقتصاد كلي او محاسبة (1) 3 ساعات وبخصوص المواد تقنية معلومات ومهارات اتصال انا سويت لها معادلة ومابيردون الا نهاية الفصل الله يوفقك ويسهل امورك
|
رد: ارجوا منكم مساعدتي
الله يوفقكم جميعا ويسعدكم في الدنيا والاخره
|
رد: ارجوا منكم مساعدتي
يااخوي ^
امش على الخط ترى بعدين يمكن تتأخر سنه زياده على 4 سنوات والسبب تعارض المواد كل المواد سهله ماعليك امش على الخطه. |
رد: ارجوا منكم مساعدتي
كل الجامعات متساهلة مع الطلاب الا جامعتنا معقده الامور حتى درجات المشاركة كلها 25 من 30 الا مادة الاقتصاد الجزئي 30 الجامعة ماتراعي ظروف الطلاب اغلب الطلاب موظفين ومتزوجين وارتباطات كثيره انا بإمكاني اخش جامعة نجران زملائي يدرسون فيها وامورهم تمام وماعندهم مراقبين كثير واحد او اثنين ويتركونهم يغشون براحتهم فأنا والله العظيم ماسجلت فيها عشان كذا ماودي افتح لنفسي باب انا في غنى عنه واخذ شهادة جامعية بالغش بعدين راتبي يصير كله حرام في حرام واكل اولادي حرام مايجوز واسأل الله ان يوفقني ويوفقكم لما يحبه ويرضاه
|
| All times are GMT +3. الوقت الآن حسب توقيت السعودية: 11:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه