|
تشتت بالفكر عقلي :( بنات أفيدوني
اهلين صبايا
انا أشغلت بالي كيمياء حيوية عند د.سامية بصراحة مترددة كثير اخذها ولا ماخذها وكل شوي ادخل ألبانر ابي احذفها وبعدين اقول لا لاني سمعت كثييييير بنات حملوها عندها وحتى اليوم بالمعمل الحيوية فيه بنات يبون يثبتون الدرجة وكان المعمل قليل خفت صراحة وانا ابي ارفع معدلي هذا الترم بالذات عشان كذا ابي اعرف ايش السبب هل البنات مقصرين من ناحية المذاكرة ام الدكتورة هي السبب ولا ايش العله ؟؟ |
رد: تشتت بالفكر عقلي :( بنات أفيدوني
التجربه خير برهان;-)
|
رد: تشتت بالفكر عقلي :( بنات أفيدوني
شدي حيلك وربك مايقصر
انا بعد خذيتها عند ساميةةة صحيح كنت مترددة بالبدايةةة لكن قلن قالي ساميةة مابتتغير هي متنقعةة بالقسم متنقعةةة وتوكلي على الله |
رد: تشتت بالفكر عقلي :( بنات أفيدوني
الدكتورة عيبها ماتعطيك ملزمة ، تذاكرين من المرجع والكلام اللي تقوله ماتلحقين تدورينه او مب موجود احيان
بصراحه انا نفسك الى الان مااخذت حيوية 2 بسببها ! لكن اعرف كثير اجتازوها و اسمع كثير رسبوا فيها :( الله يعين مافي الا هي :( |
رد: تشتت بالفكر عقلي :( بنات أفيدوني
مشكورين حبايبي على ردودكم ❤️
خلاص قررت ماادرسها عشان فيه مواد اهم منها باخذها :) |
رد: تشتت بالفكر عقلي :( بنات أفيدوني
شُوفي حبيبتي بقولك من تجربتي بالسمستر الماضي نظام د. ساميه نظآم جامعه صج ! يعني هي تعطيك المحاضره بس وأنتي عليك تطلعين المعلومات بنفسك هو بعض نظام الجامعات دكاترتهم كذآ بس احنا متعودين شغل الملازم وهالكلام! وهي قالت بنفسها أنتوا تعبوا وطلعوا المعلومات بحثوا عنها بالكتاب وبأي مرجع لأن كذا المعلومات تثبت بالعقل لسنوآت أكثثر ^ ممكن اللي بيقرأ كلامي بيقُول فلسفه ومدري وش! لكن أنتي فكري فيها من ناحيه إيجابيه اللي عندهم هالنظآم مو أحسن منك بشيء وتأكدي إذا عندك عزيمه تنجحين بالمادة بتشدين حيلك ثلاث أرباع المعلومات اللي تقولهم موجودين بالكتاب ممكن كم شيء بسيط جدًا عن نفسي ماشفته > أو شكلي مادورت عدل -.- لأني أسحب ع بعض الأشياء بحكم المآده دسمه ومايمدي كل شيء '( ف أنتي حاولي بالمحاضره تكتبين اللي تقدرين مع كلامهآ أو اكتبي العناوين الرئيسيه وإذا رجعتي البيت افتحي الكتاب وابدأي أشري وذاكري أول بأول بالنسبه للمعمل قلييل لأن مافيه أحد يآخذ الماده هالسمستر قليل جدًا الأغلب أخذوها السمستر الماضي وشسمه آحنا بالميدترم الأول درجاتنا حيييييل نازله لأن الأغلب مو عارف طريقتها وإذا سألناها ماتقول بس الميدترم الثاني رفعنا الدرجات وبالفاينل جابت لنا كذا سؤال من الميدترم يعني سجلوا الأسئله مع بعض وبعد سووّت لنا كوييزين ع كلامها تحسين لدررجاتنا ولا هي أساسًا ماتسوي ! ف لاتتحطمين من شيء توكلي على الله واجتهدي ^ عُذرًا أطلت لكن أشوف كثييير يتخوفون من ساميه وبسبب خوفهم يتأثرون بشكل سلبي وينزلون بالدرجات أو يحملون الماده ! الأمر عادي اللي بيذاكر وبيجتهد وبيتفائل بينجح بإذن الله بالتوفيق حبآبه ()' |
رد: تشتت بالفكر عقلي :( بنات أفيدوني
أووه لااااااءء تعبت وأنا أكتب وآخرتها مابتاخذينها لازم لازم تاخذينها :( > برا اللي تشوفينه مناسب سويه وبالتوفيق ياجمميله ~ |
رد: تشتت بالفكر عقلي :( بنات أفيدوني
مشكوووورة حبيبتي نوفمبر تفاءلت بعد ماقريت كلامك ❤️
بس انا من النوع اللي يتأثر بسرعه من كلام البنات بس مثل ماقلتي اللي بيشد حيله بينجح وانا الحين حذفت الحيوية ودخلت السطوح لاني ماخذيتها وهي عليها متطلب السنه الجايه |
| All times are GMT +3. الوقت الآن حسب توقيت السعودية: 12:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه