ملتقى طلاب وطالبات جامعة الملك فيصل,جامعة الدمام - شعر كتبت فيك أبيات وأبيات وأبيات

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : كتبت فيك أبيات وأبيات وأبيات (https://vb.ckfu.org/showthread.php?t=552395)

كتبت فيك أبيات وأبيات وأبيات

كتبت فيـكِ أبيـات وأبيـات وأبيـات
مسحوب وهجيني وطاروق منكوس

وأجمل قصيدي مبدعـه فيـك بالـذات
قدمت للجمهور فـي وصفـك دروس

أخذت في جـزل القوافـي شهـادات
طمّنت لـي روسٍ ورفّعـت لـي روس

و الشعر في شرواك رام الطويـلات
سطرّت في بحرالغزل فيـك قامـوس

واليوم شعري مات يوم الغلا مـات
نفوس تبكي لي وتفـرح بـي نفـوس

وأن قلت بنسى سابـع المستحيـلات
زرعت بي في داخل القلب فيـروس

ذكرى تورّدنى على المـوت مـرات
وذكرى تلبسني مع الحـزن ملبـوس

يمرّنـي طيفـك مـع الليـل بسكـات
أعانقـه والدمـع بالعيـن محـبـوس

ياوجـد حالـي كـل ماجـر ونــات
وجد الحشيم اللي على راسه المـوس

في دار(غرب) وتهمتـه مالهـا أثبـات
ماله عوين ولا كفـالات وفلـوس..!!

دمعه علـى خـده وبالصـدر ضيقـات
الحكم صـادر والعفـو منـه ميئـوس

يانـور عينـي لـو تطـول الخلافـات
غلاك عـن كـل المخاليـق محـروس

لك في ربيـع القلـب منـزل ورايـات
ما يدخله حاسـد وعـاذل وجاسـوس

كتبت فيـك أبيـات وأبيـات وأبيـات
يالين صرت بعالـم (الشعـر) نامـوس