ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الفنون الأدبية (https://vb.ckfu.org/f150)
-   -   [ شعر ] : حذراك حذراك ..! (https://vb.ckfu.org/t552333.html)

ليلاس 2014- 1- 28 07:07 AM

حذراك حذراك ..!
 
[ALIGN=CENTER][TABLE1="width:80%;border:4px ridge darkblue;"][CELL="filter:;"][ALIGN=center]
حذراك حذرا .. حذراك حذراك

لاتبتلي بجروح يصعب دواها

والى مشيت اعرف دروبك وممشاك
احرص على نفسك وخالف هواها

امارة بالسو ماهي بتنهاك
اقبض عليها لين يجلى صداها

اقطع نواياها بدينك وتقواك
هلل وعند الله سريع شفاها

والعين لاتنظر بها من تعداك
المحصنه لو تلتفت لك وراها

اصبر على همك وغمك وبلواك
عف وتعفف لايغرك حلاها

واترك حرام القوت ماهو ب يملاك
كل البطون الجايعه ما ملاها

رشفة حلال تسد جوعك و مظماك
تسوا مشاريب الحرام وغثاها

النار في جوفك وتصلى حناياك
نارالجحيم تزيد للي وطاها

و أحفظ لسانك لا يجرك ويبلاك
اخذ الثمينه لو غلا مشتراها

الهرج ميزانك ويكشف خفاياك
كلمه تعيبك لا تبين نباها

صون الكلام وصون نفسك ومبداك
للنفس حشمه لا تفصم عراها

اصمت مادامك عارف سيل مجراك
لا تنقل النمه وتبحث خفاها

يزول قدرك عند اقرب دناياك
لو هو ولد عمك حياتك جفاها

واحلم تراه الحلم يرفع مزاياك
هوسيد الاخلاق هو مبتداها

وصى به المبعوث ماهو ب يخفاك
شفيعنا يوم الملاقات طه

خل الجهل لاتجعل الغيض ياطاك
ترا الجهل سم القلوب وعماها

واذا ابتليت ارفع الى الله شكواك
لا بدها الايام تكشف غطاها

اصبر يزين الحظ ويزين مرماك
الله يفرجها ويدفع بلاها

لا تمنع المحروم لامن تنصاك
الناس لجل الناس واحسن عطاها

ابذل لوجه الله والله يجزاك
بمثل الغروس الطيب للي سقاها

لا ضاع معروفك ولا ضاع حسناك
إن كانها لله تلقى جزاها

جارك ولو هو جار،تسقيه من ماك
عليه لا ترفع يدينك عصاها

احسن جوار الجار لو كان يشناك
ترا العرب تحشم كلاب قصراها

بكره يشد*ويكتب الله فرقاك
عساه يذكر جيرتك مانساها

الظلم شين ويجعل النار مثواك
راعي الظليمه عيشته ما هناها

فوقك إله العرش عالم نواياك
ينظر قلوب الناس وش محتواها

يسمع بما تجهر و عالم خفاياك
بإمره شروق الشمس ترسل ضياها

هو عالم غيبك وركب خلاياك
هو خالق فيك العروق و رواها

والضيف له حق الى حل بحماك
قلط ضيوف الله واكرم لحاها

لا تحقر الضيفان وتشح بغذاك
مما عطاك الله قلط عشاها

وعليك باللي ساعة الضيق يفداك
لاشانت الدنيا ودارت رحاها

لامن زهمته لو على الموت لباك
عيني لجل عينك و روحي فداها

ترا الخوي نبراس روحك و ملجاك
لا كلحت بقعا* وزادت غثاها

حذراك من بعض المخاليق حذراك
بعض العرب ماتفرقه من نساها

تايه وضايع بين ذولا وذولاك
فيه الجهاله واصل منتهاها


لا اعلم ,, هي مكرره او لا ,,مما راق لي.. :love080:
راشد القحطانيء ,,
[/ALIGN]
[/CELL][/TABLE1][/ALIGN]

ليثاوي الرياض 2014- 1- 28 07:25 AM

رد: حذراك حذراك ..!
 
صون الكلام وصون نفسك ومبداك
للنفس حشمه لا تفصم عراها


تسلم يمينك

ليلاس 2014- 1- 28 07:30 AM

رد: حذراك حذراك ..!
 
يعطيك الف عافيه ع المرور العطر ليثاوي ,, ممتنه

ابو نآآآآيف 2014- 1- 28 07:59 AM

رد: حذراك حذراك ..!
 
حاولت اقتبس منها شي عجزت كل بيت افضل من اللي قبله
يسلمو ياسكره على هذا الطرح الاكثر من رائع
...........................

ليلاس 2014- 1- 28 08:09 AM

رد: حذراك حذراك ..!
 
يطوووليء بعمرك بو نايف اشكرك ي الغايب الحاضر

عازف الكلمه 2014- 1- 28 10:17 AM

رد: حذراك حذراك ..!
 
انتقاء راائع وذائقه جميله
سلمت يمينك

عريبღღ 2014- 1- 28 10:34 AM

رد: حذراك حذراك ..!
 
ابذل لوجه الله والله يجزاك
بمثل الغروس الطيب للي سقاها


أبيات جميله ورآآآئعه وذات مضمون قيم
أحسنتي الإختيار ياسكرة الملتقى :106:

مشكوره يالغلا على الدعوه :004:

ليلاس 2014- 1- 28 02:13 PM

رد: حذراك حذراك ..!
 
الشمالي : ممنونتك ع الحضور الطيب , سسلمت :004::rose:

نوني : لبى حضورك سلمتي ء:004::rose:

Khaled.k 2014- 1- 28 10:10 PM

رد: حذراك حذراك ..!
 
آبيات قيمة
وفيها موعظه لمن يتعظ

تسلم يمينك ياسكّر :106:

دﻵل ~ 2014- 1- 28 10:48 PM

رد: حذراك حذراك ..!
 
احسنتي الانتقاء سكرر
ابيات كلها حكمة يعطيك العافية


All times are GMT +3. الوقت الآن حسب توقيت السعودية: 06:57 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه