هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

السلام عليكم ..

يالربع انا الترم هذا راح اختبر المستوى السادس .. ويتبقى لي السنه القادمه الترم السابع والثامن ..

لكن واجهتني مشكله .. شكلي لابد من ترم تااسع..

انا عندي باقي مادتين من الاترام السابقه الانجليزي قراءه والانجليزي كتابه ..

الترم الجاي ما اقدر اخذهم لانهم يتعارضون مع مواد مستوى سادس .. واذا اجلت مادة من مواد سادس

ما اقدر اخذها بالمستوى السابع لانه مستوى سابع مزحووم تسع مواد ولا اقدر اخذ ساعات زيادة ومستوى ثامن

فيه مواد تتعارض مع الانجليزي قراءه ... ولا ادري كيف الطريقه عشاان اقدر اتخرج السنه القادمه ان شاء الله

من المستوى الثاامن .. وهذي الجداول من المستوى اسادس الى الثامن


http://im39.gulfup.com/3JmrP.png

هنا تتعارض المواد الباقيه مع مواد المستوى السادسه


http://im34.gulfup.com/yBkWy.png


وهنا المستوى السابع 18 ساعه اذا صار المسموح 20 ساعه اصير اقدر اخذ مادة واحدة فقط



http://im40.gulfup.com/rXhs1.png

وهنا مواد مستوى ثامن 12 ساعه + ساعتين التدريب الميداني + ساعتين مشروع التخرج ...





ياليت اذا احد فاهم بنظام الجامعه يوضح لي اقدر اخلص الموااااد ...


والا المستوى التاسع لابد منه ..


وسلاااااامتكم

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

خذ مادة المشكلات الاجتماعية من سابع الئ سادس مع التدريب الميداني تصير مادتين بيوم وحد وحط بدل المشكلات الاجتماعية إنجليزي قراءه

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

وعليكم السلام ورحمة الله وبركاته


المستوى السابع الاختبارات عندك حسب الجدول في موضوعك الفترة الاولى
وانقليزي كتابة وقراءة كلهم فترة ثانية حسب الجدول

اذا الجداول ماتغيرت المستوى الجاي تقدر تاخذهم ان كانهم يسمحون تضيف ساعات

يصير عندك 22 ساعه مستوى سابع

والله اعلم


صور الجدول للمادتين بالمرفقات
وهذا رابط جدول الاختبارات (( لهذا الترم )) <<<<< لهذا الترم
http://www.kfu.edu.sa/ar/Deans/E-Lea...434-1435-2.pdf

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

ياشايب سجل مواد مستوى سادس

ولا عندك مشكله في الباقيه لو اخذت ترم بعد الاربع سنوات مارح يضرك شي

اذا كنت منت مستعجل على التخرج ,, ولا رح يثر عليك في الشهادة ان شاء الله

واذا بغيت شي او تنسيق للجدول ابشر ياشايبنا

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

ياولد الله يصلحك.....سجل مواد المستوى السادس وذاكر واجتهد وعد كل المواد والمستوى السابع والثامن ماتحدده من الآن وتناظر جدوله الآن....لا....المستوى القادم يعني من بعد رمضان بإذن الله وإذا عديت المستوى السادس بنجاح تشوف المستوى السابع واللي بالعادة تكون ساعاته قليلة وبإمكانك تضيف معه مواد سابقة وتنزل ساعاتك كاملة بدون مشاكل وكذلك الثامن واللي بالعادة تكون ساعاته هل التطبيق فقط...يعني خطأ إنك تشوف ساعات مستويات ماوصلتها لحد الآن وتقارن معها....والجدول يتغير ماهو ثابت...

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

وانا مثله باقي السنه الجايه كلها بس بيزيد لي 3مواد ودي اوزعها في السابع والثامن وافتك:44::44::44:

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

انا يالغالي تعارضت عندي مادتين في فترة وحدة.....والفترة الثانية اختبرت الاختبار الثالث...يعني اختبرت ثلاث مواد في يوم واحد ...والحمد لله على كل حال.

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

الترم السابع اذا تجاوزت 88 ساعه بنجااح رايح يفتح معك النظاام لتسجيل 22 ساعه وعلى كذا تقدر تضغط على نفسك وتنزل 22 ساعه وباقي عندك الترم الصيفي اذا فيه مواد عندك عااامه يمكن تقريباا تنزل ترم صيفي سجلها وفتك منهاا
يبقى عندك الترم الثامن قليل جداا اذا سجلت سابع 22 والصيفي حد أعلى 6 ساعات

وبالتوفيق

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..
 

ماقصروا الاخوان والاخوات

وتقدر تختبر مادتين متعارضه اذا كنت في مستوى التخرج يعني تخلص من الماده الاولى تبداء بالثانيه هذا يسمى استثناء وفيه ايقونه بالخدمات خاصه بالمواد المتعارضه

رد: هل استطيع التخرج بالمستوى الثامن .. والا لابد مستوى تاسع اتمنى الاطلاع..