ملتقى طلاب وطالبات جامعة الملك فيصل,جامعة الدمام

الشريف بركات و وصيته لابنه مالك الأتيه في هذه القطعه الشعريه الرائعه

يالله يااللي كل الامات ترجيـــــــك ** ياواحد ماخاب حي ترجـــــــــاك
يارب عبد مامشى في معاصيــــك ** ولا يمشى الا فى محبتك ورضــاك

يامرقب بالصبح نطيـــت راقيـــــك ** ما واحد قبلي خبرته تعـــــــــــــلاك
وليت ياذا الدهر ما كثر بلاويـــــــك ** الله يزودنا السلامة من اتـــــــــــلاك

ياللي على العربان عمت شكاويـــك ** وليت يا دهر الشقا ول مقـــــــواك
واليوم هالكانون غادن شبابيــــــــك ** تلعب به الارياح من كل شبـــــــــاك

يامالك اسمع جابتي يوم اوصيـــــك **واعرف ترى يابوك بامرك وانهـــــاك
وصية من والد طامع فيـــــــــــــك **تسبق على الساقه السانه العليـــاك

اوصيك بالتقوى عساء الله يهديــــك **الها وتدركها بتوفيـــــــــق مــــولاك
الله بحق اجدادك العز يعطيــــــــــك** مرضاته مع ما تمنا من امنــــــــاك

احفظ دبشك اللي عن الناس مغنيك ** اللي الى بان الخلل فيك يرفــــاك
وعرف ترى مكة والاها ابناخيـــك ** لو تطلبه خمسة ملاليم ما عطــــاك

اجعل دروب المرجلة من معانيـــك ** واحذر تميل عن درجها بمرقـــــاك
لا تنسدح عنها وتبغيني اعطيـــــك ** جميع ما يكفيك ما حاصــــــــل ذاك

ادب ولدك ان كان تبغيه يشفيــــــك **واستسعفه من بعد مرباه يــــا لاك

اما سمج وستسمجك عند شانيـــك **ويغر من فعله صديقك وشــــرواك

والا بعد جهله تـــراه ياذيـــــــــــك ** لو زعلت امه لا تخليه يـــــــــــالاك

واحذر تضيع كل منهو ذخر فيــــك** معروفه لا تنساه واوفه بعرفـــــــاك

ترا الصنايع بين الاجواد تشريــــك** اليا طمعت بغرسهــــا لا تعــــــــداك

واحذر سرور بغبة البحر يرميــــك** ولا عنده املس من تشكيك وبكـــاك

واوف الرجال حقوقها قبل تعنيــك **والا تعتمد بالقول والحق يقفـــــــاك

وهرج النميمة والقفا لا يجي فيــــك** واياك عرض الغافل اياي وايـــــاك

تبدي حديث للملا فيه تشكيــــــــك** وتهيم عند الناس بالكذب وشـــراك

واليا نويت احذر تعلم بطاريـــــــك** كم واحد تبغي منه عرف وغـــواك

واحذر شماتة صاحب لك مصافيــك ** اليا جرالك جاري قال لــــــــــولاك

ولا تحسب ان الله قطوع يخليـــــــك** ولاتفرح ان الله على الخلق بـــــداك

الضيف قدم له حيــــن يلفيــــــــــك** مما تنوله يا فتى الجود يمنــــــــــاك

اكرم اقباله فانها من شواديــــــك** خله محب لك صديق اذا جـــــــاك

واوصيك زلات الصديق ان عثا فيك** ما دام يغطاها الشعر فاحتمــل ذاك

راعه ولو ما شفت انـــه يراعيــــــك** عساك تكسر نيته عن معــــــــاداك

واحذر عدوك لو ظهر يبي يصافيـــك** خلك نبيه وراقبه وين ما جـــــــاك

لا تامنه واطلب من الله ينجيـــــــــــك **ويكفيك ربك شــــــر ذولا وذولاك

شفني انا يا بوك ابامرك ونهيــــــك** عند التعرض بين الاثنيــن حذراك
اذا حضرت إطلابة مع شرابيــــــــــك **اسع لهم بالصلح واللاش يفــــــداك

ابذل لهم بالطيب ربك ينجيـــــــــــك** والا تجضع الميزان مع ذا ولا ذاك
اما الشهادة فادها ان ادعو فيــــــك **بين عمود الدين لا عميت اريــــاك

بالك تماشي واحد لك يرديـــــــــــك **طالع بني جنسك وفكر بممشـــــاك
رابع اصيل في زمانك بشاكيــــــــك **لاشاف خملاتك عن الناس غطـــاك

واحذرك عن طرد المقفي حذاريــــك ** عليك بالمقبل وترك اللي تعـــــداك
ثم العن الشيطان لياه يغويـــــــــــك **ترى ان تبعته للشرا بيــــــك وداك

واوصيك لا تشكي علينا بلاويـــــــــك **انت السبب أخذك اعيونك بيمنـاك
واعرف ترى ما قد وطا الفعر واطيك ** ولانت اعز من الجمــــاعة هذولاك

المسك يا راسي عن الذل واخطيــــك **واحذر تكلم يا لســـــاني وحذراك
والطف بجارك وقم دون عانيـــــــــك** وافطن لما يعنيك عن ربعة اخــواك

ياذيب وان جتك الغنم في مفاليـــــــك **فاكمن لين ان الرعايـــــــــا تعداك
امنول يا ذيب تفرس باياديـــــــــــــك** واليوم جا ذيب عن الفـــــرس عداك

يا ذيب عاهدني وعاهدك مرميـــــــك **مرميك انا يا ذيب لو زان مرمـــاك
والنفس خالف رايها قبل ترميـــــــك ** ترى لها الشيطان يرمي بالإهـــلاك

ومن بعد ذا الا تصحب النذل يعديـك ** وعن صحبة الانذاك حاشاك حاشاك
ترى العشير النذل يخلف طواريـــك **وانا ارجي انك ما تجي دون ابــــاك

والهقوه انك ما تجي دون اهاليــــك **ولا ظن عود الورد يثمر بتنبـــــاك
والحر مثلك يستحي يصحب الديــك** وان صاحبه عاعا معاعات الاديـاك

لا تسمع قول الطرف يوم يلفيــــــك **بالكذب يقضي حاجته كل ما جــــاك
من نم لك نم بك ما فيه تشكيـــــــك **ويلاه قد ازرا رفيقـــــك وأزراك

عندك حكا فينا وعندي حكا فيـــــك **واصبحت كارهنا وحنا كرهنــاك
ماخطاك ما صابك ولو كان راميـك ** وللي يصيبك لو تتقيت ما خطـــــاك

مير استمع مني عسى الله يهديــــك ** النصح يا مــالك لك االله مــــــولاك
عندي مظنه ما تمثلتها فيـــــــــــــك **واطلب لك التوفيق من عند مـــولاك

https://www.youtube.com/watch?v=QC2BK9Yq3ec