|
مساعدتكم يابنات الدمام ..
مرحبا كيفكم؟:119: انا ادرس بكلية التربية بالجبيل:000: وابي انقل لكلية الاداب بالدمام وش اسوي عشان اقدر احول طلب نقل ومن هالاشياء بليز الي تعرف اي شي او اي معلومة تخبرني ويعطيكم الف عافية يآرب ..:love080: |
رد: مساعدتكم يابنات الدمام ..
مادري بس الي اعرفه ان لازم تكوني مكمله سنه كامله في الكليه الي انتي فيها وبعدين تسحبي ملفك
وتجي تسجلي في الدمام الفصل الدراسي الثاني وعى هذه الشغلات نظام البنر وتحطي اي شي تبغيه مادري هذا كان بي الاولوهذا الي اعرفه |
رد: مساعدتكم يابنات الدمام ..
هلابك ياقلبي مثل ماتفضلت الاخت ورده ويكون طلب النقل من بداية السنه مو من الترم الثاني يعني خلال الاسابيع الاولى من بداية الدراسه وليه تبين كلية الدمام خلك ع الجبيل اريح (نصيحة من اخت تعاني من كلية الدمام) |
رد: مساعدتكم يابنات الدمام ..
هلا فيك اختي الكلام اللي قالته وردة حساسه فيه دمار لمستقبلك اتمنى من اي طالبة .. ماترد اذا كانت ماتعرف الجواب اما تقول ماادري بعدين تفتي .. فهذي مصيبه كبيره اقتباس:
وجاتك الاخت الثانيه أميرة بذوقي ترقع للأولى وتقول .. اقتباس:
مين قالك هالكلام ..!!! اختي ميمي خلينا نشوف اللائحة وش تقول .. - يجوز لمجلس الكلية الموافقة على طلبات التحويل من كليات أخرى داخل الجامعة وفقاً للضوابط التالية: أ) أن يكون قد أمضى فصلين دراسيين على الأقل في الكلية التي يرغب التحويل منها على ألا يقل عدد الوحدات الدراسية المسجلة في سجله الدراسي عن (24) وحدة. ب) أن لا يكون منقطعاً عن الدراسة من الكلية التي يرغب التحويل منها. جـ) أن لا يقل معدله التراكمي عن الحد الذي يقرره مجلس الكلية ولا يقل عند التحويل عن (2 من 5). د) أن يقدم طلب التحويل قبل بدء الفصل الدراسي الذي يرغب التحويل إليه بخمسة أسابيع على الأقل. هـ) أي شروط أخرى يحددها مجلس الكلية. - يسمح بالتحويل بين كليات الجامعة لمرة واحدة طيلة مدة الدراسة الجامعية. - لمجلس الكلية الاستثناء عند التحويل من جامعة إلى أخرى، أو من كلية إلى أخرى الطالبات ذوات الظروف الاستثنائية على أن يراعى في ذلك الضوابط التالية: أ) أن تكون قد أنهت الطالبة فصلاً دراسياً في جامعتها أو كليتها. ب) أن ترفق بطلبها مستنداً رسمياً يثبت الحالة الإنسانية ومكان الإقامة الجديد والحاجة إلى الانتقال بعد القبول مثل ( وفاة ولي الأمر– الطلاق – الزواج – تقاعد ولي الأمر – نقل ولي الأمر خارج مقر الدراسة). ان شاء الله ان اللائحه واضحه .. بالتوفيق لك اختي ملاحظه مهمه جداً اعيد واكرر .. ياليت الطالبات مايردون على شي مايعرفونه .. ويضيعون مستقبل طالبه .. وماهو طالبة وحده .. ممكن غيرها يقرا ردها .. ويروحون يسحبون الملف ..!!! اللي تعرف الاجابه الصحيحه .. تقولها .. واذا مو متأكده .. تتأكد وترد .. ماهو ترد وبسسسسس .. |
رد: مساعدتكم يابنات الدمام ..
أنا اسفه ع الخطأ اللي صدر مني بس ماهو مقصود يا اخ سوبر والتحويل من بداية السنه هذا كلام المسؤلات في الكليه وحنا مالنا ذنب اذا كانو هم انفسهم يعطونا المعلومات غلط وانا اسفه |
رد: مساعدتكم يابنات الدمام ..
اختي العزيزة الافضل لك انك تبقي في كلية الجبيل لانها اول تربية و فيها تطبيق بخلاف ملية الاداب الي ما فيها هذا الميزه
و ثاني المعادله للمواد ممكن ترجعك الى سنة اولي او ثاني بحسب السنة الي انتي فيها و ترجعي من اول تدرسي صديقتي سنة ثالث عربي في كلية التربية بالجبيل و رحت انا معها اسئل الاداره التابعه لكلية الاداب بالدمام اذا في الامكان نقلها الى كلية الاداب قالو فيه لكن من الممكن انها ترجع الى السنة الاولي او الثانية بسبب المعادلة و بسبب اختلاف المناهج و قالو لها الافضل انك تصبري و ما شجعوها على النقل ابد لمتطلبات العالية للكلية لنجاح و هي ما بقى لها الا سنة و تتخرج مع العلم ان صديقتي عايشة في الظهران لكن كل صباح تروح كلية التربية بالجبيل بالباص فكري حبوبه قبل لا تقرري و لا تسوي اي شي الا اذا كلمتي الاداره لكلتي الكليتين عشان يكون فيه تواصل بينك و بينهم و ما تتوهقي في شي بتوفيق مقدما |
رد: مساعدتكم يابنات الدمام ..
يسلموو اخواتي على الرد ومشكورين ماقصرتوا super يسلمو ع الملاحظة يعطيك العافية افتديني بصراحة بس والله مادري وش اسوي في نفسي مرة اقول ابي انقل للدمام ومرة اقول خلاص بقعد في الجبيل.. يعني انتووا ماتنصحوني بأني احول بالدمام؟ الجبيل للأسف مافيها التخصصات الا ابيها يعني انا ادبي بدرس ياأنجليزي وانا افكر فيه بس خايفه يكون صعب علي او ادرس تربية خاصة ومالها مجالات بالمستقبل! وسمعت انو عندكم بالدمام ادراة اعمال وهذا حلمي الاول والمستحيل اني ادري ادارة :011: مدري وش تنصحوني انا بسنة تحضيري و اذا نقلت هل باعيد سنة تحضيرية بعد :sdfgdsf: |
رد: مساعدتكم يابنات الدمام ..
العفو ياقلبي بالعكس يالغاليه كل شي له مستقبل ويمكن ادراستك في الجبيل ابرك لك من الدمام لان بصراحه حنا مجربين ومعانين من ذا الكليه بس أنتي استخيري وشوفي أيش ربي يكتبلك وربي يقدم لك الخير ويوفقك |
رد: مساعدتكم يابنات الدمام ..
هلا فيك اختي مين قالك الدمام فيها إدارة اعمال ..!!! على العموم كلية التربية بالجبيل افضل لك .. اذا كنتي بتتحملين المشوار .. لانها تربوية .. والكل يتمنى انه يدخلها .. انتي استخيري مثل ماقالت (اميره بذوقي) وربك يكتب لك اللي فيه الخير بالتوفيق |
رد: مساعدتكم يابنات الدمام ..
يلا مشكورين والله يعطيكم العافية مرة ثانية
بس انا بنات خالي يدرسون بالدمام وقالوا لهم المشرفات انو كل مادة يدرسونها لها تخصص بعدين وحتى اداراة الاعمال غريبة ماحد عنده خبر عن هالشي الله اعلم طيب انا بستخير ربي وبشووف وش الله يكتب لي ومشكورين مرة ثانيه .. |
| All times are GMT +3. الوقت الآن حسب توقيت السعودية: 12:26 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه