|
انا حملت 3 مواد من مستوى ثالث ساعدوني
السلام عليكم ..ساعدوني تكفون انا اصدمت بنتيجتي رسبت بالتركيب اللغوي والانشاء والتعبير 1 والقراءات والمطالعات كلشيء قدر ومكتوب والله يكتب اللي فيه خير ..بليز ساعدوني كيف انظم جدولي ؟ وهل يمديني اخلص واتخرج مع دفعتي بآربع سنين ؟ وشرايكم اخذ المواد اللي حملتها وافتك ولا اخذ مواد رابع واجل اللي حملتها بعدين تكفون مالي الا الله ثم انتم لاتبخلون علي الله يكتب اجر من يساعدني وانتو اعتدنا منكم الطيبه وحب الخير |
رد: انا حملت 3 مواد من مستوى ثالث ساعدوني
طالما انك مستعجله و حاطه ببالك انك لازم تخلصين بأربع سنوات راح تعانين من تراكم المواد
لأن بهالمواد الـ 3 راح تتعطلين لو شوي بالمستويات القادمه تقريبا ً معك 6 او 7 ساعات اضافيه و يبغالك توزعينها توزيع ذكي و تراعين في مقدرتك على المذاكره و مايهم ي اختي الاربع سنوات اهم شي تتخرجين بمعدل حلو غيره مايهم اربع سنوات او اربع و نص او حتى 5 الله يوفقنا و اياك على كل حال ... |
رد: انا حملت 3 مواد من مستوى ثالث ساعدوني
^ ما أتوقع ردي بيكون أفضل من رد أخوي عبدالعزيز آلله يسهل عليك كل صعب |
رد: انا حملت 3 مواد من مستوى ثالث ساعدوني
ماشاء الله رد اخوي عبد العزيز وافي وكافي
وانا من وجهة نظري انك تاخذينها الترم هذا لأنك توك دارستها ومختبرتها وبالتوفيق للجميع |
رد: انا حملت 3 مواد من مستوى ثالث ساعدوني
اختي
الحمد لله على كل حال ولا تتكدرين انتي افضل من غيرك اللي كتب موضوع انه رسب بكل المواد الدنيا تجارب ودروس وفيها صدمات ومن يتحدى الصعاب حتما سيصل لهدفه الاهم اختي ان هالعقبه ماتكسرك انتي اللي كابري على هالمواد واكسري عنادهم وتأكدي تأكدي ان بالعزيمه والاصرار انتي الاقوى نصيحتي لك ياغاليه خذي هالمواد ولا تتركيهم لسبيين: اولا: انتي من فتره بسيطه جمعتي كم معلومه عنهم ومذاكرتهم وللان في اشياء حافظتها منهم ومع هالترم بتحصلي على معلومات اكثر وهالشي بيفيدك ثانيا: الجامعه تقريبا دراستها مترابطه خصوصا التخصص ولو تركتي ماده مافهمتيها بتتعبين بالمستويات القادمه وعلى ماعتقد انه مايحق لك تاخذين انشاء وتعبير 2 حتى تعدي انشاء وتعبير 1 طبعا مو متأكد من هالمعلومه اختي ذاكري اول بأول ولا تتغلب عليك نفسك بالتسويف اللي كلنا نعاني منه باقي وقت وبدري وقبل الاختبارات بشهر اذاكر او مشغوله علما ان كلنا مشغولين وووووو من هالكلام اللي مايفيدك رتبي وقتي وابدي اول بأول وبقولك شي وانا اثق بالله ثم بمقدرتك ان الترم القادم بتفتحين موضوع وبتقولين عديت كل مواد ثالث واحرصي على الصيفي اذا فتحوه وسمحت ظروفك لانه بيفيدك اسف ع الاطاله دمتي بتوفيق الله ورعايته |
رد: انا حملت 3 مواد من مستوى ثالث ساعدوني
والله انا اشوف انك تاخذيها كونها مرسوخه بذاكرتك وصدقيني تقبلي الأمر ببرود والشي الثاني لاتفكري بكم باقي واتخرج او الخ فكري بهذا المستوى فقط وخلي التخرج لوقته مثال : الي يبني عماره حلو ووصل الدور الثالث تخيلي يفكر بالعاشر وهو ماخلص الدورالرابع >>>>بيقولو عنه مجنون هههههههههه:71: فانتي ياختي فكري بهذا المستوى صدقيني سوف تنجحي بممتاز لانه من كلامك اكتشفت فيك شغلك مره ممتازه انهُ بداخلك رغبه بالحصول على الموهل الجامعي والله يوفقك مدام الرغبه حضرت صدقيني بتكون في ثمره لهذه الرغبه:33_asmilies-com: تحياتي |
رد: انا حملت 3 مواد من مستوى ثالث ساعدوني
مو مشكله تعوضينها ،، بالمستويات الجايه. ،، وانا نفس كلام اخواني الاعضاء خوذي هالمواد دامك اختبريتها وتكونين عارفه خلفيه الاسئله
خوذي هالمواد بس لاتاخذين معهم مواد صعبه من رابع. ،، يكفي هالمواد واربع مواد من مستوى رابع. تكون سهله. ،، والله يوفقك.:rose: |
رد: انا حملت 3 مواد من مستوى ثالث ساعدوني
اقتباس:
_______________ معك |
رد: انا حملت 3 مواد من مستوى ثالث ساعدوني
الله يسعدكم ولايضيع اجركم ولكم مني دعوه بظهر الغيب ....حمستوني اكمل واتشجع آكثر >>اخ عبدالعزيز آل منصور واخ شرواك ...آخ بدر المدينه ..آخ قلم ينزف آلم ..آخت فيينا ..آخ احمد _ علي ...اتمنى اني مانسيت آحد الف شكر ....بس برآيكم وش آسهل مواد من مستوى رابع اقدر آخذها مع اللي حملت ..لاتقصرون معي فديتكم
|
رد: انا حملت 3 مواد من مستوى ثالث ساعدوني
اقتباس:
لان بعض مواده من ثلاث ساعات وهذا يأثر بالمعدل كثير اما سلبا او ايجابا فأنتي وظروفك طبعا مابقول جديتك واجتهادك لاني حاس انك ان شاء الله بتتفوقين اذا كل شي تمام خذي اللي يناسبك اما اذا عندك ظروف ابعدي عن مواد الثلاث ساعات لانها لو نزلت بتنزل المعدل بالنسبه للمواد ماعرف عنها شي لكن فيه بعض الاخوه اخذ مدخل اللغويات تحتاج لجهد وشي مهم جدا جدا امسكي اختبارات القسم من رابع الى ثامن وركزي مايكون فيه تعارض بينهم على اساس تكوني ماشيه بالصح من الان وعارفه جدولك للاترام القادمه وحتى لو حبيتي نساعدك هنا الكل مابيقصر.. الاهم كيف ظروفك ورتبي وضعك موفقه يااارب |
| All times are GMT +3. الوقت الآن حسب توقيت السعودية: 02:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام