|
م خاب من استشار (اكمل او اسحب أوراقي ) طقت جبدي
- السلام عليكم ورحمة الله وبركاته الف مبروك لكل الناجحين واللي م حالفه الحظ ب اي ماده بإذن الله تعوض:icon19: دائماً الشخص اذا وقع في حيره في اي امر يلجا لله تعالى ومن بعده اصحاب الخبره لعل وعسى تكون كلماتهم قطرات ندى تريح عقله المحتار جامعة الملك فيصل (تعلم عن بعد ) قبل سنتين قدمت عليها تخصص (علم اجتماع ) ولكن تم الرفض والسبب اجهله! وبعدها السنتين قدمت مرا ثانيه بس تخصص ثاني (إدارة اعمال) مع اني م اميل له :( والحمدالله قبلت بس لحد هاللحظه م أشوف نفسي فيه :( قدرت أعدي المستوى الاول بنجاح و بدرجات جيده ولكن مو ب الدرجات اللي كنت اطمح أجيبها يمكن لانه ميولي ادبي اكثر وهالشي لاحظته بعض الموارد ويمكن لاني عجزت افهم شرح بعض الدكاترة والأساتذة ؟ والحين قررت اغير التخصص لعلم اجتماع مو لان التخصص سهل او في متناول الجميع ولكن كل شخص فينا لازم يدرس التخصص اللي يقدر يبدع فيه و يجيب درجات ترضي طموحه لكن انا جداً محيطه ومحتاره من سياسة الجامعه :( الحين دفعت فلوس و درست و تعبت وغير الألم والحزن اللي يجي الواحد لا حمل ماده وهو دارسها عدل و ب الاخير م ينجح فيها و الأدهى والأمر الجامعه معترف فيها حبر على ورق وين الفعل ؟ طيب اذا حالها المظلم ب السعوديه شلون اقدر احط لي بصيص امل ان يعترف فيها ب الكويت بحكم اني سعوديه ولكن مقيمه فيها واللي يرفع الضغط ان لا حياة لمن تنادي ف أرجوكم ساعدوني بارائكم ونصحكم اكمل ولا اسحب أوراقي ؟ لان مخي مقفل و لا قادرة اتخذ قرار غير قرار تغير التخصص :( اعتذر على الكلام الملخبط من إحباطي كتبت هالكم سطر جديا كل م افكر ب الموضوع احس بكمية احباط واكره الساعه اللي سجلت فيها ب هالجامعه |
رد: م خاب من استشار (اكمل او اسحب أوراقي ) طقت جبدي
اذا معترف فيها الشهادة عندكم بالكويت وتشوفين نفسك راح تبدعين في علم الاجتماع انصحك تغيير التخصص من الان
|
رد: م خاب من استشار (اكمل او اسحب أوراقي ) طقت جبدي
بما انك في المستوى الثاني الافضل التغيير للتخصص المرغوب فيه
والحقي على ايقونه تغيير التخصص ماتدرين متى يقفلوها |
رد: م خاب من استشار (اكمل او اسحب أوراقي ) طقت جبدي
امشي وراى ميولك افضل ... لان بشهاداتك راح تتوظفين ..
ادا ماحبيتي التخصص كيف راح تحبين الوظيفة المستقبلية ان شاء الله |
رد: م خاب من استشار (اكمل او اسحب أوراقي ) طقت جبدي
من قالك مو معترف فيها
|
رد: م خاب من استشار (اكمل او اسحب أوراقي ) طقت جبدي
الجامعه حكوميه ومعترف فيها اما الباقي على المنظمات التوظيف
|
رد: م خاب من استشار (اكمل او اسحب أوراقي ) طقت جبدي
من وجهة نظري التحويل احسن وافضل حيث انك حابه هذا التخصص وراح تبدعي ونصيحه للحياه لو انسحبتي من الدراسه بغض النظر عن النتائج راح تاثر عليك مستقبلا في شخصيتك ولو استمريتي مهما كانت النتائج ونجحتي حتى لو رسبتي في البدايه فاعرفي انك ماراح تفشلي بأمور مستقبليه ثانيه خليك اقوى من ظروفك واثبتي نجاحك بنفسك واعلمي ان الاستمرار هو طريق النجاح الله يوفقك ويسهل عليك وشدي حيلك والانسحاب معناه الفشل وانتي مو فاشله الا اذا انسحبتي اتمنى لك التوفيق دوووووك :rose: |
رد: م خاب من استشار (اكمل او اسحب أوراقي ) طقت جبدي
غيري التخصص ولاتنسحبين وكملي دراستك والله يوفقنا واياك |
رد: م خاب من استشار (اكمل او اسحب أوراقي ) طقت جبدي
الله يوفقك مرينا بمثل حالتك لكن بتشجيع من الأخوان واصلنا والحمدلله الحين رايح مستوى خامس وبدرجات الحمدلله حلوه
أذا قدرتي تكملين في أدارة أعمال حلو ولكن ان ماقدرتي حولي على علم الأجتماع ولا تفكرين من الأنسحاب لأن ذلك يؤثر عليك سلبا . والله يوفقك |
رد: م خاب من استشار (اكمل او اسحب أوراقي ) طقت جبدي
م قصرتوا ع الرد الله يسعدكم جميع ويوفقكم ي رب المشكله ان الى الان م في الى الان اعتراف رسمي فيها ب وزارة التعليم العالي ولكن قاعد يدرسونها واحتمال ان الله راد تقر عندنا بالكويت ب النسبه لايقونه التخصص يقول لي اني ما اجتزت ٢٤ساعه وانا أجتزت ٢٨ والسجل الاكاديمي معلق وقسم بالله خايفه تسكر إيقونة تغير التخصص وانا ما غيرت حاولت أتواصل مع الموظفين أدق من الساعة ٧ الى ١ الظهر ي مشغول ي ما يردون ب الله هذي حاله اخوي اللي يقول من قالي مو معترف فيها ب الكويت دقيت على وزارة التعليم العالي وقالوا لي الى هاللحظه مو معترف فيها مع ان المفروض تكون معترف فيها * |
| All times are GMT +3. الوقت الآن حسب توقيت السعودية: 01:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه