السلام عليكم
مشكور اخوي على اهتمامك وسؤالك عن طالبات كلية النعيريه وش يحتاجون له

انا بقول اللي انا شايفته او اللي مضايقني بالكليه
اولا بالنسبه للصيانه للاسف الماي ماله اي مجرى ينزل فيه يتجمع في اماكن في الكليه
ومانقدر نروح للمحاضرات ولا الكفتريا وصارو البنات يحطون بلك وخشب ويمشون عليه
يعني ليه مايكون فيه مجاري للماي بالكليه تروح معها لان الماي في الصيف وفي الشتاء
موجود :o3:

وبالنسبه لدورات المياه بصراحه حدث ولا حرج لا تعليق الماي دايما مقطوع
ومافيه اهتمام بنظافتها نهائي وخاصه اللي عند الشبكات واللي في مبنى العربي

وعلى سيرة الشبكات ياريت تشوفون لها حل لان الكراسي فيها مكسره وكل ماجلسنا
على كرسي طاح فينا وقمنا نغير مكانا :sdfgdsf:

وبالنسبه للكفتريا للاسف مهما وفروا لنا كل شيء يبقى فيها نقص
لانهم رافعين الاسعار غير عن البقالات اللي برا يعني شوكلاته في البقاله تنباع بريال ونص
يبيعونها بثلاثه ريال لييييييييه ؟؟ حرام كل شيء يدبلون سعره ومانعين الطلبات من برا
الكليه
ومو بس الكفتريا اللي رافعه الاسعار حتى المكتبه غاليه والكتب تنباع اغلى
من سعرها بالدمام والجبيل

اما مايتعلق بااعضاء هيئة التدريس ياليت يراعون البنات لان في استاذات يرسبون البنات
ويوقفون بينهم وبين التخرج على شان ماده والله فيه بنات لهم ثلاث سنين قاعدين برابع
عشان ماده وحده ويمتحنون ويرسبون من جديد قسم بالله ظلم مااااااده وحده واعيد سنه
والمشكله كل هالبنات في نفس الماده او نفس الاستاذه:no2:

واعضاء هيئة الاداره عندهم مشكله في التفاهم مع البنات ومع بعضهم
يعني اروح لوحده من الاداريات ابي منها شيء او عندي مشكله تقولي روحي لفلانه
اروح لفلانه تقولي لا ارجعي لفلانه هي اللي بيدها الموضوع
وتقعد الطالبه رايحه جايه من غرفة فلانه الاولى لغرفة فلانه الثانيه وكلهم مالهم
دخل في موضوع البنت ومافي ايدينهم شيء اجل بيد مييييين ؟؟:mh19:

والحين اهم شيء النظام الجديد اللي حطوه نظام غريب
وهو بااااااااب الكليه مسكر لحد الساعه 1ونص اقسم بالله ولا وحده من البنات
مو قاهرها هالشيء لان قعدت الطالبه بالكليه وهي مخلصه محاضرات مالها داعي
يعني لو الباب مسكر بتغصبون الطالبه تحضر محاضرتها اللي ماتبي تحضر او مو ناويه
تحضر المحاضره مو شرط تروح البيت ممكن تجلس تتمشى والا تقعد بمكان وتطنش المحاضره
وممكن تكون البنت جايه من الدمام او الجبيل على باص صغير مو شرط من الباصات الكبيره
ومعها في الباص بنتين او ثلاث وخلصو محاضرات ليه مايرجعون ديرتهم ليه قاعدين
الا لازم يرجعون بيوتهم على المغرب كل يوم
خلاص البنت ادرى بمصلحتها لما تخلص محاضرات وبنات باصهم مخلصين لها حق انها تطلع مو تنحبس بالكليه لين 1 ونص
مافيه ولا كليه تسوي كذا:Cry111:
هذا اللي بالنسبه لخروجنا من الكليه اما دخلتنا فصارت بموعد 8 او 8 وخمس
واللي تتاخر ماتدخل المحاضره او الامتحان طيب احنا نجي من بعيد والدنيا الحين
امطار والجو مو على كيفنا والامتحانات النهائيه مابقى عنها شيء
وبنبقى على هالحال يسوون لنا سالفه عشان التأخير

اسفه ادري اني زودتها وماتركت شيء ماقلته بس من زمان استنى احد يسألني هالسؤال

وفي الاخير احب اسأل انا ياترى المكافأت متى تنزل ؟؟

وشكرا" :bye: