|
مشورتكم
مرحبا
بما انكم مستوى ثامن ماشاء الله عارفين المواد من حيث صعوبتها والسهوله باقي لي 13 مقرر ودي اخذها الترم الجاي والمشروع بالصيف يعني 12 وشرايكم والا اقسمها ترمين وبالنسبه لساعات ان شاء الله بتسمح لان المعدل حلو شوفو المقررات وعطوني رايكم علم الدلاله والبراغمتيك قواعد البينات المسرحيه الحديثه النقد الادبي علم اللغه الاجتماعي طرق البحث وتصميم الابحاث النظام الاجتماعي في الاسلام الترجمه التتابعيه تحليل الخطاب الادب الامريكي ادب الاطفال اللغهالانجليزيه وتقنيه المعلومات |
رد: مشورتكم
قسميها قسمين لانه قواعد اليبيانات صعب وفيه مذاكره
|
رد: مشورتكم
صحيح لانه تحليل الخطاب
والادب الامريكي محتاجين بذل جهد |
رد: مشورتكم
الافضل لك نسيم تسجلين 6 مواد الترم هذا وبالصيفي مشروع تخرج ومعاها ماده ماتكون صعبة وبالترم الاخير اربع مواد بكذا بتكونين حافظتي على معدلك ولا اتعبتي نفسك لكن 12 مادة والله صعبة جدا في ترم واحد
|
رد: مشورتكم
ماشاء الله عليك يا نسيم من كل مستوى فيه لك كذا مادة ..
صعب جداً تاخذينها مره وحده لأن المعدل رح ينزل و أكثرها مواد دسمة وتحتاج تفرغ .. حتى لو كنا ندرس انتظام صعب جداً ناخذ هالعدد من المواد أولاً نخاف ع المعدل وثانياً الضغط وقت الاختبارات وثالثاً دسامة المواد .. رأيي قسميها وخوذي ترم صيفي وان شاء الله مايتأثر معدلك .. بالتوفيق |
رد: مشورتكم
نزليها على شكل جدول وفق الايام وراح تلاحظي بنفسك ترتيب المواد من حيث التتابع وتقدري ساعتها تحكمي ونقدر نساعدك في القرار
|
رد: مشورتكم
لو تقسميها على جزأيين اذا تبغين معدل
بالنسبة لي ما اقدر افيدك كثير بالمواد لأني تخرجت من ثلاث اترام والى الآن ما استلمت الوثيقة! بس الأدب الامريكي شيق واذا تحبينه وتتابعين معاه وايضا يكون عندك المام بسيط بالادب العربي راح تجيبي نتيجة هاي، مع ان الدكتور يهتم بالأشيء هذه: التشبيه والاستعارة والجناس (الانفورا) الخ.. المسرحية (اغرب مادة عندي) كنت بس اتابع الدكتور باهتمام واكتب ملاحظاتي على النص والكلمات الجديدة، المهم خلصت عشر محاضرات بس وما امداني بالباقي والحمدلله حصلت ع الفل مارك لأني كنت اهتم من كلامه في المحاضرات المباشرة. مع اني اسجلها وما اشوفها مباشره. المواد الباقية اكيد تغيروا الدكاترة بعد ما تخرجت واللي عارف يفيدها. |
رد: مشورتكم
علم الدلاله والبراغمتيك -- الأغلب اشتكى من صعوبتها ماحسيت انها صعبه فقط الدكتور مقصر في الشرح
قواعد البينات -- يبغالها ومحتوياتها طويله وأقل درجه اخذت فيها السمستر اللي فات المسرحيه الحديثه --حلوة ولو تتابعين المحاضرات بيكون أسهل عليك للفهم وبتكون سهله في المذاكره لأن المحتوى طويل ومكرر النقد الادبي --- هذي أزمة مستوى سابع بصراحه يبغالها مذاكره ومتابعة محاضرات ووو الخ علم اللغه الاجتماعي -- حلوه بس محتواها مو بسيط طويل نوعاً ما طرق البحث وتصميم الابحاث -- هالماده ماهضمتها بسبب ان مافيه محتوى جيد نعتمد عليه النظام الاجتماعي في الاسلام -- ماده ثقافيه عامة مثل الفقه بس منهج جامعي الترجمه التتابعيه -- لسه ماوصلت لها تحليل الخطاب -- لسه ماوصلت لها الادب الامريكي -- لسه ماوصلت لها ادب الاطفال --- لسه ماوصلت لها اللغهالانجليزيه وتقنيه المعلومات-- لسه ماوصلت لها المواد كثيره أقسميها على سمسترين أفضل حتى ماينزل المعدل وتقدرين تعطين كل ماده حقها ومايصير ضغط عليك وقت الاختبارات باخذ السمستر الجاي 9 مواد وشايله همهم مع ان معاهم الحضاره الاسلاميه وتاريخ الخليج سهلين حسب آراء الطلبة والطالبات |
رد: مشورتكم
10 مواد في الترم القادم و 3 مواد في الترم الصيفي اذا انتي مستعجله ..
بس المذاكره اول باول مطلب مع الرجوع لاسئلة الاترام الماضية بالتوفيق |
رد: مشورتكم
بالنسبه للتقسيم اكيد ضروري تقسمين
لكن حطي ببالك ان الصيفي امتحاناته في الاحساء فقط + مو كل المواد تنزل بجدول الترم الصيفي على حسب توفر الدكاتره اما بالنسبه المواد الباقيه لك علم الدلاله والبراغمتيك = انا ما حبيتها ابد ولا ادري وش المغزى منها وجبت فيها درجه معفنه ( ف" لا تآخذين رأيي فيها ) :icon120: قواعد البينات = بما ان تخصصي برمجه ف" انا بالنسبه لي كانت حلوه مدري ليه الكل مستصعبها بس لااااازم تذاكرينها لأن المنهج اللي حاطينه كثير شويات :119: المسرحيه الحديثه = الماده لزيزه ومهضومه النقد الادبي = ووووووع + ماده غثيثه + بثلاث ساعات بالمعدل = تحتاج جههههد من اعماق القلب :bawling: علم اللغه الاجتماعي = الماده وسط لكن اذكر الدكتور كانت اسئلته حليوه طرق البحث وتصميم الابحاث = حلوه الماده وتحتاج فهم ( وهي متطلب المشروع تبع التخرج ) يعني لازم تآخذينها هالترم النظام الاجتماعي في الاسلام = توي مآخذتها مادة دين سهله ما تخوف ابد حتى لو تقرأينها قراءه وتركزين ع النقاط المهمه بس وانتي ماشيه بتحلين الاسئله بإذن الله >> انا كذا ذاكرتها وبإذن الله بآخذ فيها ممتاز الترجمه التتابعيه = مثلك ما درستها تحليل الخطاب = مثلك ما درستها الادب الامريكي = مثلك مادرستها ادب الاطفال = مثلك مادرستها اللغهالانجليزيه وتقنيه المعلومات = مثلك ما درستها وووووووووووبس موفقه يا خيه :icon19: |
| All times are GMT +3. الوقت الآن حسب توقيت السعودية: 03:16 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه