دفعت فلوس للترم الاول لان ايقونة المستفيدين من الضمان مافتح وقتها
ولما فتحت الايقونه خلصت جميع الاجراءت
سؤالي متى يرجعون فلوسي؟

وشكرا

كأني قراءة سابقاً الرسوم ترجع بعد سمستر كامل :24_asmilies-com:
اهم شيء يكون رقمك موجود اللي سجلتي فيه بياناتك الجامعية
لان راح يتصل عليك بنفس الرقم من قبل البريد .وتاخذي شيك بالمبلغ

مشكورين جميعا جزاكم الله خيرا

المشاركة الأصلية كتبت بواسطة أبو مهند 2014 (المشاركة 10299370) السلام عليكم وش قصة الضمااان هذا أفيدوني مشكورين هل المقصود أن اللي أبوه ياخذ ضمان يعفى من الرسوم أفيدوني الله يحفظكم

وعليكم السلام ورحمة الله وبركاته
يشمل المستفيدين من الضمان الاجتماعي ( العجز الكلي للرجال , الارامل , المطلقات , المهجورات , اسرة او المتغيب , الايتام , المعاقات , اسر السجناء , ذوي الظروف الخاصه ) واللي راتبه اقل من 8000 ريال .
بالنسبه للدراسه تكون مجانيه دورات ,دبلومات , جامعه . فيه مناطق مثلا الرياض والدمام ماشاء الله ياكثر الدبلومات المجانيه للمستفيدين من الضمان والمستفيد من الجمعيه الخيريه واللي راتبه اقل من 8000 ريال .
اتوقع هي للي شهادته ثانوي .بعضهم يأجل جامعه لاجل دراسة الدبلوم ولما يخلص يرجع يكمل جامعته لانها مو كل سنه متوفره حسب المنطقه ,غالبا هم مايعلنون عن الدبلومات انا شفت الجمعيه الخيريه لها حساب في تويتر وتعلن ولا قبل ماشفت شيء ,لذلك هي على اجتهاد الشخص اذا شاف اي معهد اي اعلان دراسه دبلوم او دوره ولا غيره يتصل عليهم ويسألهم وبس
هذا اللي اعرفه ,اما اللي ابوه مستفيد من الضمان ماعرف ماني متأكده بس اتوقع معفى , تبي تتأكد اسأل الخيريه الجمعيه او الضمان الاجتماعي حتى لو ماكان مستفيد من الخيريه يكفي انه مستفيد من الضمان أسألهم وتأكد
بالنسبه لوضعي مادري عنهم كل شخص يقول لي شيء ,ان شاء الله بروح للضمان الاجتماعي بس مادري اي يوم واسألهم افضل لي . بالتوفيق

المشاركة الأصلية كتبت بواسطة ام سدووووووم (المشاركة 10301801) انا مو مسجله في الضمان بس دخل زوجي بسيط يشملني الاعفاء او لا .....افيدونييييييييييييي

اهلين
اعرف وحده ماتشتغل و زوجها راتبه اقل من 8000 ريال وعليه ديون
وقدمت على معهد لدراسة الدبلوم هي وزوجها والمعهد طلب منهم اثبات و اوراق ماعرف بالضبط بس الحمدلله قبلوهم واعفو عنهم الرسوم , واللي زوجها اقل من 8000 ريال تكون معفيه من الرسوم مو شرط هي معاه تدرس عادي حتى لو كان واحد منهم يدرس.
بس بالنسبه للجامعه مادري , انتي سألي الجمعيه الخيريه هل وضعك يشمله الصندوق الخيري و تكوني معفيه من دفع الرسوم للجامعه ؟
بالتوفيق