|
الله ييسر ويوفقك اللي بترد (المتخصصات)
السلام عليكم ورحمةالله وبركاته
بنات انا تحضيري وعندي كم سؤال اتمنى تطمنوني وتجاوبوني من جد اعيش بقلق نفسي واغلب بنات التحضيري زيي بالبدايه انا قد قريت ان اللي معدلها 2 ونص تدخل اجباري فيزيا هل هذا صحيح ؟؟ كم المعدلات المطلوبه للاقسام حتى لو كانت قديمه وتتغير كل دفعه اللي تعرف بليز لا تبخل بالجواب اللي اغلب درجاتها تتراوح بين d وC كم المتوقع يكون معدلها :( يارب يارب يارب ييسر ويوفق ويفتح على اللي ترد فتوح العارفين |
رد: الله ييسر ويوفقك اللي بترد (المتخصصات)
وعليكم السلام
هلا اختي اولا احنا حاليا فترة امتحانات فشيلي من راسك التفكير والقلق وركزي في المذاكره عشان تجيبي معدل عالي ثانيا بالنسبه للمعدلات اللي معدلها 2 ماتتخصص اللي معدلها فوق اثنين ع حسب معدلات اللي معها وعلى حسب رغباتها بس مافي سالفة اجباري للفيزياء لان ع دفعتي اذكر الكيممياء كانت اعلى شيء اظن واخذت من فوق اثنين ونص بشوي اذا ما كنت ناسية هي تعتمد مثل ما قلتلك كم العدد اللي ياخذونه بالقسم والرغبات فلا تخافي ابدا واغلب البنات يدخلوا التخصص اللي يبونه ثالثا بالنسبه للي معدلها بين c.d ما اعرف كم يكون معدلها بس في برنامج اسمه GPA تحطي تقديراتك المتوقعه لكل ماده وعدد ساعتها ويحسب لك المعدل بالتوفيق حبيبتي وان شاء الله تدخلي التخصص اللي تتمنيه |
رد: الله ييسر ويوفقك اللي بترد (المتخصصات)
انا عن نفسي كانت كل درجاته دي وحامله المأث وكان معدلي 2.1 وتخصصت بالرغبة الأولى اللي هي أحياء
الكيم أعلى شيء ينطلب وبعده الأحياء الرياضيات والفيز اقل شيء يقصدون أن لو معدلة ٢ حاف دخلك فيزيا أو ماث بكل ثقه بس الأحيا والكيم يبكون اكثر زحمه عشان كذا فيه تنافس ......... بالتوفيق |
رد: الله ييسر ويوفقك اللي بترد (المتخصصات)
صح انا دخلـوني فيزيا وانا مابيه حسبي الله عليهم مدري ليه نرتب رغباتنا !!!
اذا اقل من 2 ماتتخصصين طبعا الاحياء مطلـوب اكثر شي فمعدله من 3 وطالع اتـوقع وبعده يجي الكيميا بس طبعا يعتمد ع حظك وعالـواسطة اذا كانت مـوجـودة تمشي الامـور :cool: انظمة فاشلة وانا اختك والله يعيننا ويارب مايصير لك مثلي |
رد: الله ييسر ويوفقك اللي بترد (المتخصصات)
الاحيااء والكيميااء يطلبوا معدلات عالية
بس هي على حسب معدلات دفعتك والرغبات اللي حاطينها وانا كان معدلي 2:5 واتخصصت احياااء والحمد الله والله يوفقك وتدخلي التخصص اللي تبغينه |
رد: الله ييسر ويوفقك اللي بترد (المتخصصات)
[QUOTE=الانتظاار;10295366]صح انا دخلـوني فيزيا وانا مابيه حسبي الله عليهم مدري ليه نرتب رغباتنا !!!
اذا اقل من 2 ماتتخصصين طبعا الاحياء مطلـوب اكثر شي فمعدله من 3 وطالع اتـوقع وبعده يجي الكيميا بس طبعا يعتمد ع حظك وعالـواسطة اذا كانت مـوجـودة تمشي الامـور :cool: انظمة فاشلة وانا اختك والله يعيننا ويارب مايصير لك مثلي معليش اختي بس رد ع كلامك غالبا ماسمعنا ان الواسطه لها اي علاقة بالموضوع يعتمد ع العدد المطلوب بكل تخصص ونسبتك ورغباتك كل اللي اعرفهم دخلوا التخصص اللي يبونه الا اللي معدلهم مره نازل وتقريبا قليلين مره لكن مالها دخل لا واسطه ولا غيره |
رد: الله ييسر ويوفقك اللي بترد (المتخصصات)
اقتباس:
معليش اختي بس رد ع كلامك غالبا ماسمعنا ان الواسطه لها اي علاقة بالموضوع يعتمد ع العدد المطلوب بكل تخصص ونسبتك ورغباتك كل اللي اعرفهم دخلوا التخصص اللي يبونه الا اللي معدلهم مره نازل وتقريبا قليلين مره لكن مالها دخل لا واسطه ولا غيره |
رد: الله ييسر ويوفقك اللي بترد (المتخصصات)
الواسطة فوق القانون ياحبيبتي والله انا شايفة الشي ذا بعيوني
يعني بلا ما نسوي اننا مثالين والمعدل النازل مرة شي عادي عندهم يعطونك 2 مثلا وانتي تستحقي اكثر للعلم اني اتكلم باللي اشوفه وعن تجربة :) |
رد: الله ييسر ويوفقك اللي بترد (المتخصصات)
اقتباس:
وجهة نظرك احترمها رغم اختلافي معها لكن هناك فرق بين انهم يعطوونك معدل اقل مما تستحقي وبين انهم يدخلونك تخصص ما تبينه بسبب معدلك يعني اللي يحط الدرجات غير اللي يخصص ولا أعني ان القوانين والتعامل مثالي بالعكس انا من ضمن اللي مو مقتنعين باشياء كثير وشايفه ان فيها ظلم موفقه حبيبتي |
رد: الله ييسر ويوفقك اللي بترد (المتخصصات)
مافي شي اسمه يخصصونك غصب , انتي ترتبين تخصصاتك ويخصصونك ع اللي يناسب نسبتك ولو مثلا ماتبين تتخصصين ماده لاتحطينها ضمن التخصصات وبس |
| All times are GMT +3. الوقت الآن حسب توقيت السعودية: 08:44 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه