|
هذا ما حصل معي في اختبار المهارات اللي اليوم
السلام عليكم ورحمة الله وبركاته
اخواني/ خواتي كيف حالكم جميعا المهم جبت لكم سالفه اليوم رحت لاختبار ويعلم الله ما حفظ الماده قريتها قراءه فقط وركزت على بعض النقاط لونتها في فسفوري ولما وصلت مقر الاختبار وحنا ما نتعدى خمسة طلاب فقط المستوى الاول أنا اول واحد جاء بدري تصفحت الأشياء المهمة ودخلت القاعة وسلمت على الدكتور المصري بحرارة و السعودي سلمت عليه تسليم رسمي لآني اعرفه معرفه بعلم ما وهو ناسيني المهم جو العيال اللي معنا وعطونا الأوراق ومن حرص الدكتور المصري ركزو على الورق الحمراء و الاخضر وتوكلنا على الله وبديت أحل الين وصلت الى رقم 20 من الأسئلة اللي يقول المصري ياشباب الأوراق مش تبعلكم تبع كلية الآداب أنتم التربية أنا فتحت فمي قلت كيف وراح عطانا اسئلة اللي تخص الدكتورة اسماء المهم صار زعل بعدين قال السعودي نعطيكم مهله زيادة قلت ماعليه توكلت على الله وحليت وانا معصب بس الاختبار بشكل عام مقبل الدكتور المصري تورط وراح يصلح الخطاء لاترفعو أصواتكم. خوذو راحتكم بس بدون صوووووت وفلوها الشباب اغلب الاسئلة مكروه وفيه بعض الإجابات مكرره يعني وحده خطاء والباقي صح فهتو يعني الدكتوراه حاطه اكثر من أجابه في بعض الاسئله في الاختياري صدقوني كلكم راح تنجحوووون هالحين فيه بعض البنات تقول انحولت واللي تقول فيه تشابهه هذا صحيح فيه اكثر من أجابه صحيحه في الاختياري نترك اللي راح ونلتفت للانجليزي اللي أنا موب عارف اكتب اسم أبوي فكيف اقدر اعرف احل قواعد |
رد: هذا ما حصل معي في اختبار المهارات اللي اليوم
وعليكم السسلام
الي صار لك صار لنا بعد انا بالجبيل الصناعيه والنموذج الاخظر صار فيه نقص بعد ماحلينا وكتبنا بورقه الحل عاد تخيل ترتيب الاجوبه اختلف بالورقه وماعاد في وقت يسمح بالتعديل الحمدالله ع كل حال والله يكتب لنا التوفيق بالدارين الانجليزي افهم القواعد + احفظ الكلمات ومعانيها والله يسهل :sm18: |
رد: هذا ما حصل معي في اختبار المهارات اللي اليوم
إيوّه صحيح اللي صار بالجبيل الصناعيه
انا فيها . صار نقص بالورقه الثـالثه ولخبطه وسالفه . بس جدّ تنحت بالإمتحان !!!!! كل اللي ذاكرته ميح مالقيت اللي انا مذاكرته لـ لحظه بس حسيت اني مذاكره ماده ثانيه . لكن الله يوفقنـا يارب .. |
رد: هذا ما حصل معي في اختبار المهارات اللي اليوم
ايوه ورقه الإجابة عادي يخطون فيها
ولكن يخطون بورقه الاختبار هذا اللي ماهو عادي |
رد: هذا ما حصل معي في اختبار المهارات اللي اليوم
|
رد: هذا ما حصل معي في اختبار المهارات اللي اليوم
وعليكم السلام ,,
اخطاء كثيره تهدر علينآ الوقت ,, المشكله ان البعض يهدر الوقت ومآيعطي وقت اضافي .. / و زين ان الدكتور انتبهه والا كآن رحتوآ فيهآ |
رد: هذا ما حصل معي في اختبار المهارات اللي اليوم
اقتباس:
|
رد: هذا ما حصل معي في اختبار المهارات اللي اليوم
اقتباس:
نروح. نشتكي عليهم لو تبين للأمم المتحد ما عندنا مشكله اغلب اللي يدرسون موظفين ومرتاحين من الناحيه الماليه يعني الشهادة لو تتأخر عادي اهم شي حقي ما اتركه والخطاء منهم وهذا تعلمته من والدتي الله يحفظها |
رد: هذا ما حصل معي في اختبار المهارات اللي اليوم
العفوووووووووو
|
| All times are GMT +3. الوقت الآن حسب توقيت السعودية: 08:17 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه