شرح بسيط على بعض الجزئيات في اساسيات المحاسبه يمكن يفيدكم
 

قال في ظل طريقة التخصيص المباشر يبغى نصيب قسم التجميع من قسم الافراد
على طول وبدون تفكير نختار عدد الموظفين كاساس
نروح لعدد الموظفين ونجمع جميع اقسام الانتاج
تقطيع 400 +تجميع 300+تشطيب300=1000
بعد ماجمعناهم ناخذ 300 حقت قسم التجميع ونقسمها على العدد الكلي 1000=0،3
العدد 0،3نضربه في تكاليف قسم الافراد 40000=12000


طيب في الفقره اللي بعدها طلب نصيب قسم التشطيب من قسم الصيانه
دام طلب الصيانه بدون تفكير نختار ساعات الصيانه كاساس
نروح لقسم الانتاج ونجمع قسم التقطيع 2500+قسم التجميع 1500+قسم التشطيب 1000=5000
ناخذ التشطيب 1000 ونقسمه على العدد الكلي اللي طلعناه 5000=0،2
ناخذ 0،2ونضربها في تكاليف قسم الصيانه 35000=7000
وبكذا انتهينا من طريقة التخصيص المباشر
ولو جا وقالك في ظل طريقة التخصيص المباشر يبغى نصيب قسم الصيانه من قسم الأفراد او العكس وش نقول له
نقول اقسام الخدمات في ظل هالطريقه ماتستفيد من بعضها


للرد بقيه ....

رد: شرح بسيط على بعض الجزئيات في اساسيات المحاسبه يمكن يفيدكم
 

في ظل طريقة التخصيص التنازلي فإن نصيب قسم التقطيع من تكلفة الصيانه
طلب نصيب التقطيع من الصيانه في هذي الحاله لازم قسم الصيانه يستفيد من القسم اللي قبله بما انوا في طريقة التخصيص التنازلي اقسام الخدمات تستفيد جزئيا من بعض
كيف تستفيد يعني قسم الصيانه لازم ياخذ نصيبه من قسم الافراد
طيب لو قال نصيب قسم التقطيع من قسم الافراد وكان بعده الصيانه
في هالحاله مايستفيد قسم الافراد من الصيانه ونسوي العمليه عاديه
اي قسم في ظل طريقة التخصيص التنازلي يستفيد من القسم اللي قبله
ولا يستفيد من القسم اللي بعده



هنا طلب نصيب التقطيع من الصيانه
طيب الصيانه لازم تاخذ نصيبها اول من الافراد
نروح عند عدد الموظفين وناخذ قسم الصيانه 250+قسم التقطيع 400+قسم التجميع 300+قسم التشطيب 300=1250
نرجع ناخذ 250حقت الصيانه ونقسمها على العدد الكلي اللي طلعناه 1250=0،2
ناخذ 0،2 ونضربها في تماليف قسم الافراد 40000=8000
نجمع 8000مع تكاليف قسم الصيانه 35000=43000
خلاص هالحين قسم الافراد براااا نسحب عليه 😂

نرجع هالحين للسؤال الاساسي طلب قسم التقطيع
هالحين قسم الصيانه مبسوط اخذ حقه من قسم الافراد😎
نروح ساعات الصيانه وناخذها كاساس ونجمع التقطيع 2500+التجميع 1500+التشطيب 1000=5000
هالحين ناخذ 250حقت قسم التقطيع ونقسمها على العدد 5000=0،05
الخطوه الاخيره 0،05نضربها في نصيب قسم الصيانه الجديد اللي هو 43000
=21500
وبكذا طلعنا نصيب قسم التقطيع من الصيانه

طبعا طريقة التخصيص الاجمالي سهله
نجمع جميع تكاليف الخدمات ونوزعها على الاقسام
لوطلب نصيب كذا من قسم الافراد ناخذ عدد الموظفين في كل اقسام الانتاج
ولو طلب قسم الصيانه ناخذ ساعات الصيانه

رد: شرح بسيط على بعض الجزئيات في اساسيات المحاسبه يمكن يفيدكم
 

يعطيك العافية

هذا سهل
نبي الأشياء اللي بعده ;)

رد: شرح بسيط على بعض الجزئيات في اساسيات المحاسبه يمكن يفيدكم
 

رد: شرح بسيط على بعض الجزئيات في اساسيات المحاسبه يمكن يفيدكم
 

نجي هالحين للمحاضرة الثانيه عشر


هنا لو جا في السؤال وقال نقطة التعادل بالوحداااااات
بكل بساطه
ناخذسعر بيع الوحده 15وننقصها من التكلفه المتغيره للوحده
15-11=4
ناخذ التكاليف الثابته 22000ونقسمها على 4=5500
يعطينا نقطة التعادل

رد: شرح بسيط على بعض الجزئيات في اساسيات المحاسبه يمكن يفيدكم
 

طيب هنا قال مبيعاااااات التعادل انتبهوا لصيغة السؤال
وش نسوي
ناخذ 40-25=15 نقسمها على 40=0،375
وفي كل سؤال يقول فيه مبيعاااات التعادل نسوي نفس الطريقه
هالحين نأخذ التكاليف الثابته 45000ونقسمها على 0،375=120000
وبكذا طلعنا قيمة مبيعات التعاد
ومثل ماقلت انتبهوا لصيغة السؤال في النهايه وش يطلب

رد: شرح بسيط على بعض الجزئيات في اساسيات المحاسبه يمكن يفيدكم
 

يعطيك العافيه شرح ممتاز

بس سؤال التخصيص الاحصائي هو نفسه الاجمالي ؟

في عندي نموذج اختبار مكتوب هالطريقه

رد: شرح بسيط على بعض الجزئيات في اساسيات المحاسبه يمكن يفيدكم
 

هنا صيغة السؤال لتحقيق ربح مستهدددددددف
نسوي نفس الطريقه اللي فوق
ناخذ سعر بيع الوحده 12وننقصها من التكلفه المتغيره9= 3 ناخذها ونقسمها على 12نفس الطريقه =0،25
هالحين ناخذ التكاليف الثابته11000 ونجمعها مع قيمة المبيعات اللازمه لتحيق ربح مستهدف 9000 =20000
ناخذ 20000ونقسمها على 0،25 =80000

رد: شرح بسيط على بعض الجزئيات في اساسيات المحاسبه يمكن يفيدكم
 

شوفوا نفس طريقة السؤال اللي قبل قال لتحقيق ربح مستهدف
بس هنا يختلف الحل كيف ؟وليه
للمره العاشره ركزوا على صيغة السؤال
هناقال كميييييييية المبيعات لتحقيق ربح مستهدف
وفي السؤال اللي حليته قبل قال تبلغ قيمة المبيعات اللازمه

طيب نحل السؤال
60-40=20
لاحظوا هنا مارجعنا قسمنا 20على 60
لانه قال كمييييه وماقال قيمة مبيعات
طيب نكمل
التكاليف الثابته 30000+70000=100000
نقسم 100000 على 20=5000وحده

وبكذا نكون خلصنا المحاضرة 12
ممكن يطلب نقطة التعادل
وممكن يطلب قيمة مبيعات التعادل
وممكن يطلب قيمة المبيعات اللازمه لتحقيق ربح
وممكن يطلب كمية المبيعات لتحقيق ربح
وكل سؤال شرحته بطريقتي الخاصه حتى ابسط لكم 💋🌹

رد: شرح بسيط على بعض الجزئيات في اساسيات المحاسبه يمكن يفيدكم
 

التخصيص الإحصائي هو التخصيص التبادلي
وهذا حذفه الدكتور
بالتوفيق