|
حل معادلة خطية من اي درجة بثلاث ثواني فقط !!!
السلام عليكم ورحمة الله وبركاته لا اعلم ان كان الجميع يعلم بهذه الطريقة ام لا , ولكن احببت ان اعرضها لتعم الفائدة اغلب المعادلات الخطية المتكررة بالاختبارات تكون من الدرجة الثانية وبدلاً من بذل الجهد بالحل اليدوي يمكن استخدام الحاسبة لحلها مثلاً حل المعادلة : X^2 + X -6 = 0 (أ) 3- , 2- (ب) 3 , 2- (جـ) 3 , 2 (د) 3- , 2 == الحل == نروح للآلة الحاسبة Mode -> 5 -> 3 بعدين ندخل معامل الحد الاول اللي هو 1 بعدين علامة = بعدين ندخل معامل الحد الثاني اللي هو 1 بعدين علامة = بعدين ندخل معامل الحد الثالث اللي هو -6 بعدين علامة = ( لاتنسون انها سالب 6 مو 6 ) بعدين علامة = راح يطلع لك الحل الاول X1 = 2 بعدين علامة = وراح يطلع لك الحل الثاني X2 = -3 اذاً الجواب الصحيح هو (د) 3- , 2 ممكن تتغير صيغة السؤال لكن الحل نفس الحل على الشكل التالي حلل المقدار التالي X^2 + X -6 = 0 (أ) (x+2) , (x+3) (ب) (x+2) , (x-3) (جـ)(x-2) , (x-3) (د) (x-2) , (x+3) == الحل == نفس خطوات الحل , ولكن بما انه طلب تحليل وليس حل الفرق سيكون انه الناتج النهائي X1 = 2 ننقل ال 2 للجهة الاخرى بعكس إشارتها لتصبح (X1 - 2) X2 = -3 ننقل ال 3- للجهة الاخرى بعكس إشارتها لتصبح (X1 + 3) اللي هو نفسه الجواب (د) بعد الانتهاء من حل المسئلة لا تنسون ترجعون الحاسبة لوضعها الطبيعي عن طريق Mode -> 1 اتمنى اني افدتكم ,, واي سؤال يتعلق بالرياضيات انا حاضر بالتوفيق للجميع |
رد: حل معادلة خطية من اي درجة بثلاث ثواني فقط !!!
يعطيك العافيه فعلا طريقه حلوة اختصار للجهد والوقت
|
رد: حل معادلة خطية من اي درجة بثلاث ثواني فقط !!!
فعلاً طريقه حلوه لاكن كمان مافهمتها كثير:rolleyes: يمكن لاني لسى ف المحاضره الثالثه
بس اتعمق ف الرياضيات شوي برجع لها ان شاءالله ومشكور الله يجزتك الخير ويحقق امانيك |
رد: حل معادلة خطية من اي درجة بثلاث ثواني فقط !!!
في آلتي ماعندي Mode -> 5 -> 3
1. comp 2. stat 3. table هذي المود الي في الاله |
رد: حل معادلة خطية من اي درجة بثلاث ثواني فقط !!!
اقتباس:
بعدين راعي الموضوع...ترا الحل اخذ مني 7 ثواني مب 3 مشكوووور لاعدمناك |
رد: حل معادلة خطية من اي درجة بثلاث ثواني فقط !!!
اقتباس:
فرقت معك 4 ثواني ي صاحب الوقت الثمين :hhheeeart4: .. لاهنت ي صاحب الموضوع ( بطل) :d5: |
رد: حل معادلة خطية من اي درجة بثلاث ثواني فقط !!!
شاكر لكم مروركم , 7 ثواني يمكن بالبداية بعدين راح تجيبها ب 3 ثواني :D طيب اذا فاهمين ابي حل السؤال هذا ;) إذا اعطيت المعادلة التاليه من الدرجة الثانية من مجهول واحد X^2 - 6x - 16 - ماهي معاملات المعادله a ,b ,c ؟ - ماهي نتيجة تحليل المقدار اعلاه؟ - اوجد قيمة المجهول |
رد: حل معادلة خطية من اي درجة بثلاث ثواني فقط !!!
بصراحة عن نفسي مااعرف استخدم الآ له غير في الارقام ... بس المسائل اللي كذا اعتمد فيها على ذهني ...وبشكل سريع تنحل بعد لاني تعودت على طريقة هذه ...من المدرسه اللي جالسين ناخذه اغلبه من متوسط
بس اعاده ... هي فكره حلوه لوقتنا الضيق بالإمتحان ... الله يوفقكم جميعاً |
رد: حل معادلة خطية من اي درجة بثلاث ثواني فقط !!!
الله يوفقكم ان شاء الله والله ولاشي اعرف احل في الرياضيات وحتى الالة الحاسبة والله مااعرف كيف احل المعادلة وش الحل الحين انا من صغري لا اطيق الرياضيات والله مششكلة عويصة عندي حتى محاضرات الرياضيات ماشاهدتها من كثر كرهي لمادة الرياضيات الله يعنا على التخمين في الاختبار . |
رد: حل معادلة خطية من اي درجة بثلاث ثواني فقط !!!
يعنى مسموح ندخل الاله الحاسبه للاختبار :d
واذا اقدر وش النوع الاحسن |
| All times are GMT +3. الوقت الآن حسب توقيت السعودية: 10:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام