|
بخصوص الابتعاث : هل ممكن ادرس بكالوريوس من جديد؟
السلام عليكم ورحمة الله وبركاته :106:
عندي استفسار بخصوص الابتعاث مالقيت له جواب اكيد واتمنى من اللي عندهم معلومات وخبرات يفيدوني انا خريجة قسم اللغه الانجليزيه دفعة 2013 جامعة الدمام ودي ببعثه ادرس فيها تخصص بكالوريوس مختلف تماما هل هذا مسموح؟ يعني هل ممكن اني اسجل ف الجامعه تخصص بكالوريوس والتحق بالبعثات ؟ هل راحت علي ولا فيه امل !؟ تساؤلي الثاني لو حبيت اكمل ماستر شنو المجالات المتاحه لي غير اللغويات والأدب والترجمه؟ شاكره لكم :rose: |
رد: بخصوص الابتعاث : هل ممكن ادرس بكالوريوس من جديد؟
من خلال تجربتي بالإبتعاث راح أجاوبك ..
بالنسبة للسؤال الأول ما أعتقد إن الوزاره راح توافق على إنك تدرسي بكالوريوس ثاني. ما أعتقد إني سمعت إن أحد طلع بالبعثه من هنا على درجه علمية هي موجودة عنده أصلاً ... لكن يمكن تقدري تطلعي برى تدرسي على حسابك بكالوريوس ثاني و بعدين تنضمي للبعثه لكن كمان تأكدي إن الملحقية هناك ماتعارض إنك تنضمي ببكالوريوس ثاني... بالنسبة للسؤال الثاني ماعندي صحيح خبر عن المجالات اللي ممكن تدرسيها هناك بالضبط لكن اللي أشوفه إن مثلاّ أمريكا فيها خيارات كثيره كثيره للدراسه ... فأتوقع أكيد راح تشوفي مجالات ثانيه و كمان بعض الجامعات ممكن تعطيك قبول تدرسي عنها في مجال يختلف تماماً عن مجالك في البكالوريوس لكن بشرط إنك تاخذي مواد تكميلية و تخلصيها ... طلاب كثير هذا اللي سووه لكن المشكله تكمن في إنك لمى ترجعي في بعض الوظائف تشترط إن تخصصك في البكالوريوس يكون إمتداد لتخصصك في الماستر و هذا شئ لازم تنتبهي له و اللي سمعته في ملتقى المبتعثين هذي السنه إن الوزاره صارت تدقق على هذا الموضوع أكثر من أول فلازم يكون تخصص البكالوريوس قريب من تخصص الماجستير و أعتقد هذا من شروطهم الآن ... أتمنى أكون أفدتك بالتوفيق |
رد: بخصوص الابتعاث : هل ممكن ادرس بكالوريوس من جديد؟
حتى لو يسمح بالدراسة أنصحك تدرس ماجستير
خصوصا أن فيه تخصصات تقبل تخصص مغاير في البكالوريوس بالتوفيق |
| All times are GMT +3. الوقت الآن حسب توقيت السعودية: 07:25 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام