ملتقى طلاب وطالبات جامعة الملك فيصل,جامعة الدمام

مــــــــــــــــــــــــــــــــرحــبآآآ
كيييييييف الحـــآآل وش الأخبار مع الدواماات والمحاضرات ان شاء الله كل ششي مــآآشي حــآله

عندي استفســـــــآآر

ابيكم تساعدوووني ربي يجزاكم الجنة

أنا من ثلاث اســـــــآآبيع طاح جوالي بالشارع عند بوابة الدخول للكليه ولا انتبهت طبعا ودخلت الحمامات فمبى 103 وفصخت العباية وجيت بطلع جوالي من جيبي عشــآن احطه صامت لان عندي محاضره وقتها والمفآآآجأة اللي صــــآآرت <<<< ماشفت جوالي بجيبي وحست بالشتطه ولا شفته وع طووووول لبست عباتي وطلعت ادوره ولا حصلته ولا لقيت له اثر دخلت ودقيت ع جوالي من رقم صديقتي عشان ع الاقل اسمع وين مصدر الصوووووت

دقيت اول مره ولا سمت له صوت

ودقيت ثاني مره ردت علي وحده واللي فهمته منها قالت انا شفته مرمي بالشارع وراح اوصله للأمن تفاهمت معها قلت لها ربي يجزيك الجنه ماله داعي انتي قولي لي وينك واجيك قفليه وانا افتحه وبكذا راح تتاكدين انه لي وماله داعي هالمشوار الطويل وامن وحوسه عيت وقاله لأ وهي الصراحه دكتوره قلت لها اوكي ماشي وديه وانا بجي معك

قلت لها اوكي انا عند بوابة 103 تعالي وادخل معك وجت وبالفعل شفتها وشفت جوالي بيدها وسلمته لوحده من الامن اسمها علية الحربي ومشت بعد كذا جيت عندها وقلت لها اللي صار معي وان هذا جوالي كيف استلمه الحين ماعطتني رد وجلست تحوس الجوال وقلت لها ثانيه يااستاذه انا عندي محاضره الحين وبعدها بمشي البيت فالله يعافيك عجلي بالموضوع

بالأخييير اللي صار معي انها فتحت الجهاز واخذت الشريحه سلمتها لي والجهاز خذته معها ومشت

اوكي انا وقتها ما تكلمت ولا كلمه لأني مابي مشاكل ولا ابي احط ع ملفي انذارات من اول السنه أخذت الشريحه وتوكلت على محاضرتي

بعد ماخلصت المحاضره رحت لها وتكلمت معها قالت لي تفاهمي مع الوكيله الجهاز مو عندي الحين

والصراحه انا مشيت ودقيت عالوالد من جوال صديقتي ورحت البيت وكان يوم أربعاا
والسبت انا اوف ماعندي محاضرات

جيت السبت الساعه 9 قلت ابتفاهم مع العميده او الوكيله
وشفتها مشغوله ومعها بنات انتظرت لين الساعه 12 ولا في فايده ومشيت البيت
وجيت الأحد دخلت ع مكتب وحده اسمها جوهره الساعه 1 وقالت لي انا بمشي البيت مو فاضيه

والى يومي هذااااا وانا اطارد من مكتب لمكت ومن وحده لوحده ولا حد معطيني وجه

والصراحه تعبت بس اللي ابيه من الآخر الجهاز وصل عند الرجال ولا للحين عند العميده او الوكيله

تكفووووووون سااعدوني قبل الإجازه الاربعا آخر يوم وبعدها اجازة عيد الاضحى

اذا عند الوكيله انا تطمن وبجيب الوالد تتفاهم واذا عند الرجال مو مشكله الوالد يروح ويتصرف

بس مو كذا تاركيييني لا احد يرد علي ولا عارفه ارضي من سماي ...

الصراحه الجوال كاميراا بس واللي خلقني ماصورت فييييييه ولاطالبة واذا يبون يتأكدون يفتشوف ع راحتهم ماعندي مشكله ويعطوني تعهد خطي بس استلم الجوال لأنو الصراحه فيه صور عائلية وصور لخواتي وهالشي مضيق صدري الى يومي هذا

ابي مساعده منكم ياأهل النشامه كييييييف استلم جوالي:Cry111

اللهـ يجزآكـــــــــــــم الجنه .. واللي بتساعدني وربي مانسى لها هالجميل أبد ..