ملتقى طلاب وطالبات جامعة الملك فيصل,جامعة الدمام

السلام عليكم

كيف احوالك اخي انيس ؟؟ والله اشتقنا لك

بصراحة عندي حلمين لوحده صديقتي واحد عادي والثاني مرة يخووف

الحلم الأول

حلمت فيني صديقتي إني بتزوج وكأن بطاقة زواجي وصلت لها وكأن مكتوب في البطاقة أسمي وأسم زوجي بالكامل وكأن أسمه على حسب ماتقول انها شافته في الحلم ماجد آل صالح

وبس

أما الحلم الثاني هو مرة يخوف وأشك إنه أضغاث أحلام بس هي حرصتني أكتبه لأن تبي تتطمن

حلمت أن أخوها كان يبقى يتزوج على مرته وهي في الحلم كان حاسها قلبها انه بيتزوج عليها

لأن في موقف صاير بالحقيقة خلاها تذكره في الحلم ويؤكد لها هالشئ وبعدين انتقل الحلم إلى

أنها في غرفة والغرفة لها بابين بابها الأساسي وباب ثاني يخوف ويودي إلى عالم ثاني وكأنه عالم

جن او مكان كأنه حديقة وجميل وبعدين شافت نفسها في الغرفة مع أحد ثاني بس مين ماتعرف

كأنها بنت زيها وكأن اهي مع هالبنت يحضرون جن في الغرفة وتعلمها كيف تحضر بالمختصر المفيد

يسوون سحر طبعا الباب الثاني كان مغلق بعدين بدأوو يقرؤن شئ وانفتح الباب على مكان جميل

وانطفأت بعض لمبات الغرفة دليل على ان الجن حضروا بعدين اللي معها راحت على الباب اللي

كان مفتوح تبي تدخله وقالت لها صديقتي لا لا تروحين ارجوك بعدين ماطاعتها وراحت وتمت

صديقتي في الغرفة وماتدري شصار بعدها كأن أغمى عليها وطاحت وشافت نفسها في الشارع

يعني كأنها استصابت من الجن وشافت نفسها كأنها رايحة شقة زوجة اخوها اللي بيتزوج على

مرته وشافت اهلهايجهزون حق زواج اخوها وكأنهم شايلين سماعات وميكروفنات حق العرس وهي

شالت معهم حتى تساعدهم يوم صعدت الشقة معهم حست أنها تعبانة من اثر الجن وبعدين

دخلت الشقة معهم وجهزوا الأكل ويوم بدأوا يأكلون هي صرخت وقالت لهم أنا مأشوف الأكل بس

تشوف السفرة والأكل كأنه مختفي ماتشوفه وهم يأكلون بعدين طاحت وقاموا يقرأون عليها

وصحت وشافت بعض من الأكل وانتهى الحلم

أرجوا تفسره لصديقتي لأنها مرة خايفة

تحياتي لك