ملتقى طلاب وطالبات جامعة الملك فيصل,جامعة الدمام

وعليكم السلام ورحمة الله وبركاته

والله يا اخي على حسب طريقة مذاكرتك وعلى حسب الملخص أن كان مولم بجميع النقاط

لكن الافضل أنك تبداء المذاكرة من المحتوى وبعدين تراجع من الملخص ..

وهذا الموضوع طرح كثير في أكثر من منتدى
بقتبس لك ردي ,,

اقتباس:

اخونا الغالي ..

كل شخص مثل ماتفضلت له طريقته الخاصه لكن في شي مشترك تقريباً هو الي راح اتكلم عنه ..

وأيضاً هناك اشياء سوف أتطرق لها بإذن الله ..

طبعاً أفضل وقت للمذاكره افضل وقت بدون منازع بعد صلاة الفجر تحس ان المعلومات تدخل ولا عاد تطلع !

طبعا بعد صلاة الفجر وانت دوبك صاحي مو مواصل لان السهر يطير كل شي تقراه

فا بختصار شديد 10 ساعات مذاكرة وانت سهران تعادل 2 ساعه مذاكره وانت شبعان من كل قلبك نوم

طيب اول شي انا أتكلم عن نفسي وطريقة مذاكرتي لأني اذاكر قبل الاختبار بكم يوم فقط ..

اول شي اطلع على المقرر بشكل سريع وبالأصح قراءة سريعه عشان تكون عندي فكره عن المحتوى كامل .
ثانياً أطلع على الواجبات ومنها اعرف طريقة الدكتور وكيف طريقة اسئلته , واطلع على اسئلة الاعوام السابقة ان وجدت .
ثالثاً أبداء بالمذاكره من المحتوى او الملزمه بتركيز مع وجود مدونة ادون فيها بعض النقاط المهمه وخاصة التعداد لأنه يحتاج الى إعادة قراءة اكثر من مره .
رابعاً إذا كان فيه وقت أبداء بكتابة أسئلة من الملزمه في المدونه وبعدها أبداء أحلها داخل المدونه .
خامساً أجيب أي أحد جنبي واقوم اشرح له بعض النقاط الي حسيت انها صعبه .

معلومه مهمه جداً : لما تكون هناك بعض النقاط صعبه او ماقدرت تفهمها او تحفظها فيه طريقه اسويها انا وتبقى براسي فتره طويله هههههههه
هي الله يسلمك انك تجيب احد بجنبك وهو تعيس الحظ طبعاً وتقوم تشرح له هالنقاط وكأنك فاهمها وتعيدها أكثر من مره لين يطق الي بجنبك
ويمشي ويخليك ذيك الساعه ثق عزيزي ان المعلومه ثبتت هههههه

طبعاً أي تعريف أن كان هناك بعض المصطلحات فهمك الكامل للمصطلح يختصر عليك جميع الشروط والنقاط و و و لنفس الموضوع .!!

اما من ناحية الحفظ السريع انا مستحيل احفظ شي الا بحاجتين فقط !
1- أفهم الموضوع وبعدين احفظه .
2- أكون مقتنع بالكلام الي قاعد اقراه او اقنع نفسي وبعدين احفظ .

هذا مايتوفر لدي عزيزي ان شاء الله اكون أفدتك بشي .. وان شاء الله الاخوه ماراح يقصرون ..

وآسف اني تكلمت بالهجة العامية قلت عشان توصل المعلومه للجميع ..

موفق يارب ,,