|
سلام الله ماهـز الصبـا نسرينـه وفلـه ...
دعت سمر الجدايل وانتخت بالقذلـة الهلـة تبي مني عروس للقصيد ازريـت لغويهـا ويوم اني لقيت لها الخلود وجيت ابا اصل لـه تنحرت الكلام اللـي فهقهـا دون مغليهـا خضع لك راس مسبوق القصايد وانحنى كله وانا بك شاعر الدنيا و مشغلهـا و ماليهـا يذكرني رحيلك مجلسن باقـي علـى حلـه مداهيل الرجال اللـي تنومسنـا مواطيهـا هنا سليت سيـف يوفـي الثاريـن منسلـة هنا علقت رمح يطعـن الجـوزا ويطفيهـا هنا بينت مصحفـك الكريـم ودلنـا دلـه يعرفنـا مواعيـد الكـلام و ننتهـي فيهـا هنا ساقيت غصن من غلا كنا تحت ظلـه نسولف بالمنـى يابايـع الدنيـا وشاريهـا هنا كان الرجال جبال ما تقبل خنى الزلـة عمايمها سحـاب وابلـه باقـي مواضيهـا رجالن لو تشوف الما غدر مـا شربتـه لله نبت عشب الرضا ياسيدي باول مغازيهـا هل التوحيد و كنوز العلوم ونصـرة الملـة رجالن يضحـك التاريـخ لاولهـا وتاليهـا هنا ماضيك ورياض الخليل اللي رعى خله شربنا عذبها بـدري لعبنـا فـي مغانيهـا هنا تخنقني العبرة وانا اكتب يارسـول الله على قبرك نسيت الناس حاقدها و حانيهـا وهو قبرن يتيه من الفخر بالبيـد وتجلـه على حسدن تبين مـن سمايمهـا وصاليهـا ويهناك الوفا قبرن يضمك في ثـرى تلـه مدامه بين فردوس الجنان وبيـن منشيهـا وانا لامن ذكرت افراقك اللي في يدي غلـه نسيت ان الليالـي شيبتنـي مـن بلاويهـا على بعد الزمان اللي يعقد الحبـل ويحلـه ليامني ذكرتك طاحـت الدمعـه وراعيهـا سلام الله ماهـز الصبـا نسرينـه وفلـه على الطفل اليتيم اللي عطى الدنيا معانيهـا للشاعر خالد العتيبي ياحبي للعتبان فرد فرد :004: |
رد: سلام الله ماهـز الصبـا نسرينـه وفلـه ...
،،،
هنا تخنقني العبرة وانا اكتب يارسـول الله على قبرك نسيت الناس حاقدها و حانيهـا قصيدة الرسول صلى الله عليه وسلم ... أحسنت بالاختيار أخي المهاجر ،،، |
رد: سلام الله ماهـز الصبـا نسرينـه وفلـه ...
صح السان الشاعر خالد العتيبي
وسلمتي يمينك اخوي المهاجر على اختيارك وحنا بعد يالعتبان نحبك:004: |
رد: سلام الله ماهـز الصبـا نسرينـه وفلـه ...
أبيات رااائعه لها صدى وشهره كبيره
اللهم صَلِّ وسلم على نبينا محمد |
رد: سلام الله ماهـز الصبـا نسرينـه وفلـه ...
عليه الصلاة والسلام … الله يجمعنــا فيه بجنات النعيم .. سلمت بو عبدالعزيز .. |
رد: سلام الله ماهـز الصبـا نسرينـه وفلـه ...
يعطيك العافيه اخوي
سلمت يداك على الطرح الجميل :rose: |
رد: سلام الله ماهـز الصبـا نسرينـه وفلـه ...
قصيده رائعه جدا ~ واختيار موفق اخي ابو عبداالعزيز ~ الشااعر خالد العتيبي رمز من رموز الشعر ~ جميل ما نقلت ~ وشكرا للاستاذ الغدراء على التنبيه |
رد: سلام الله ماهـز الصبـا نسرينـه وفلـه ...
على بعد الزمان اللي يعقد الحبـل ويحلـه
ليامني ذكرتك طاحـت الدمعـه وراعيهـا سلام الله ماهـز الصبـا نسرينـه وفلـه على الطفل اليتيم اللي عطى الدنيا معانيهـا كلمة رائعة قليلة بحق قصيدة نظمت بخير الأنام بالمصطفى عليه أفضل الصلاة والسلام .... اللهم صل وسلم عليه تسليما كثيرا .... بيض الله وجهك أخوووي المهاجر على هذا الأنتقاء المميز وصح لسان شاعرها خالد العتيبي |
رد: سلام الله ماهـز الصبـا نسرينـه وفلـه ...
اللهم صلِ وسلم على محمد
اختيار رائع يا المهاجر يعطيك العافيه |
رد: سلام الله ماهـز الصبـا نسرينـه وفلـه ...
اللهم صل وسلم على نبينا أشرف خلق الله
ابيات رائعه وصح لسان شاعرها ولاهنت على الطرح الرائع والجميل المهاجر ..~ |
| All times are GMT +3. الوقت الآن حسب توقيت السعودية: 07:44 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام