|
بخصوص التحويل + نصيحة توجهونها لي !
السلام عليكم
آنا عندي في تخصص اللغه الانجليزية مستوى الثالث 4 مواد التخصص فقط والباقي عام يشمل التخصصات كلها ! انسحبت من 2 وبقى 2 بختبرهم بدون ما اذاكر ! السوال هو : لما آبي آغير تخصص هل المعدل شرط آساسي انا معدلي جيدا جدا الحمد الله بس اقصد معدل هذا الترم ! لاني ناويه ادخل الاختبارات مواد الانجليزي بدون مذاكره لانه بحول ان شاء الله لعلم اجتماع ! السبب هو : لغتي بالانجليزيه متوسطه وحسيت تخصص الانجليزي جميل بس لما اطلعت على مستوياته الجايه حسيته صعب وماعندي وقت اتقن اللغه والا ادرس كورسات وراح يدخل التخصص بعمق ويحتاج الشخص يهتم بللغه ! شيئ الثاني اهم شيئ عندي المعدل ثم المعدل ثم المعدل اطمح لممتاز بس ما اتوقع انه بجيبه بتخصص الانجليزي :smile: علشان كذا فضلت اني آحول علم الاجتماع :004: المشكلة ان اهلي يشوفون تخصص علم الاجتماع ماله مستقبل وخساره فلوس على الفاضي :_( كيف اقنعهم !؟ وعذرا على الاسئلة الكثيرة آتمنى آشوف ردود منكم :icon9::004: تبعث على نفسي التفاؤل |
رد: بخصوص التحويل + نصيحة توجهونها لي !
شوفي غير الاجتماع انا غيرت من تاريخ ومتحسف الاجتماع مواده تجيب المرض وكله نقاقط في نقاط اطلعي عليهم وبتشوفين انه قسم صعب يكفي مادة الاحصاء الاجتماعي في المستوى السابع صعب احد يعديه نصيحه مني يتخليك في قسم الانجليزي اهون واسهل من الاجتماع ولا شوفي تخصص غير الاجتماع نصيحه من محب للخير
|
رد: بخصوص التحويل + نصيحة توجهونها لي !
وعليكم السلام ..
طيب يمكن اذا حولتي للاجتماع ماتتحملينه بعد لان مواد دش انا ماقولك كذا عشان اخوفك لا .. لان كل تخصص له صعوبته وسهولته لا تتخيلين ان كل شي سهل او ان كل شي صعب .. لازم مذاكره ومتابعه اول باول عشان تحصلين معدل عالي لان هذا طموحك الممتاز ويمديك تجتهدين بتخصصك الانجليزي بما ان لغتك متوسطه غيرك لغته مشي حاله ومع ذلك ماشاء الله اشوفهم معدلات عاليه بس لانهم متابعه اول باول نصيحه لك تخصصك جميل بس حبيه و شدي على نفسك وبعد اي شي صعب استسهليه راح يسهل وهي دراسه مافيه شي بالساهل وانتي اخبر بنفسك .. الله يوفقك ويسهل عليك |
رد: بخصوص التحويل + نصيحة توجهونها لي !
شوفي الانجلش وعلم اجتماع كلها مستقبلها كويس ..
ميزة علم الاجتماع وظايفه في كل مكان مستشفيات أو أي دار اجتماعيه أو جمعية .. بينما الانجلش لازم مدرسه أو وظيفة مترجم اللي هيا نادر الحصول عليها .. علم الاجتماع دش كثير جداً واسماء علماء طوابير .. لكنه قسم مثقف جداً ومن واقع الحياه .. يساعدك على فهم الحياه بصوره أعمق .. وممكن تكوني في يوم باحثه .. ومجاله في الماستر واسع جداً .. اللغه الانجليزية تحتاج متابعه دقيقه وتدوري على أحد يحادثك انجلش ع السكايب مثلاً فيه مواقع كثير تساعد و راح تتطوري كثير .. لكن اذا لم تمارسي اللي تعلمتيه راح تنسيه فوراً .. موفقه :106: |
رد: بخصوص التحويل + نصيحة توجهونها لي !
اضم صوتي لمشرفتنا
واستخيري صلاه الاستخارة تيسر اﻻمور |
رد: بخصوص التحويل + نصيحة توجهونها لي !
..
آنا شخصيآ اشوف علم الاجتماع لحد الحين تخصص جميل :cool: وكل المواد يبي لها اجتهاد بس اتوقع انو الاجتماع الاجتهاد فيه بيكون اقل من الانقلش حبتين اذا انتي حآسه نفسك مراح تمشين بالانقلش توكلي على الله وحولي اجتماع ممرآ جمميل و الله يوفقك يآرب ويسهل لك :004: |
رد: بخصوص التحويل + نصيحة توجهونها لي !
وعليكم السلام اول شيء خذيها نصيحه مني لاتدخلي تخصص الا وانتي حابته اذا حبيته بتبدعي فيه مهما كانت صعوبته مافي تخصص مافيه صعوبه تخصص الانجليزي حلو ومثل ماقلتي يبي له انك تطوري من لغتك خذي دورات والحين فيه كثير مواقع مثل ماقالو الاخوات تتطور من لغتك علم الاجتماع متوسط الصعوبه واغلب مواده من الحياة وعن العلماء :) وحكاية كيف تقنعي اهلك ^^ اذا انتي اقتنعتي بتقدري تقنعينهم انا اشوفك انك متردده علشان كذا مو عارفه تقنيعنهم ومثل ماقالت اختي " جراح الزمان " اســــتخـــيري وربي يكتب لك الي فيه الخير بالتوفيق |
رد: بخصوص التحويل + نصيحة توجهونها لي !
اسمعوا الكلام الي ملحه فيه انا جربت كل التخصصات وما فيه اسهل من علم الاجتماع لاني اعرف زملاء كثير تخرجوا من تخصص علم الاجتماع وبتقدير ممتاز وجيد جدا وبدون ان يحملوا أي ماده فلا يكموك المحبطين لانهم يرديون كل شي بدون تعب وعناء لازم المزاكرة علشان تنجح ومن لم يذاكر لان ينجح هذا شي اساسي وشكرا
|
| All times are GMT +3. الوقت الآن حسب توقيت السعودية: 04:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام