ياليت تردون * ضروري*
 

السلام عليكم ..
النظام وقف عند نسب قبول 80.83
وفيه بنات انقبلو ونسبهم فوق ال 80 ؟كيف كذا ؟

هل فيه دفعه ثانيه وثالثه ولا هاذي اخر شي ؟
ياليت توضحون لنا مانزلتو لنا جدول ولا دفعات يعني ماعندنا اي خلفيه
بس اعصابنا مشدود .. ياليت تردون

ثانيا : ترسلون النتايج ع الجوال اللي دخلناه طيب فيه طريقه ثانيه اشوف فيها نتيجتي غير الجوال
لان بالبايانات حقتي رقم الجوال حاطين بين كل 3 اراقام داش / وفواصل - ؟ هذا خطاء من عندي ولا من نفس الجامعه تحط كذا

تكفون شيكو على بياناتكم وردو لي خبر بس انا كذا ولا كلكلم :( :Cry111:

اخاف يجيني قبول ومايوصل ع الجوال لان الرقم خطاء ؟ :Cry111: كيف اسوي ساعدوني

رد: ياليت تردون * ضروري*
 

ايه حتى انا لاحظت وانتظر ع احر من الجمر
ياليت احد يفهمنا وقت نزول الدفعات الثانيه اذا فيه يعني غير هذي
اما بالنسبه لرقمك مدري والله ياليت احد يقدر يفيدك

رد: ياليت تردون * ضروري*
 

اولًا هذا الكلام كله حق قبول السمستر الأول

وآخر تسجيل وقف على هالنسبة يعني مايقبلون اقل من 80 %

اما اذا 80 % وفوق ينقبلون اكيد ..

بس هذا كلام خلص .. :)

بدا التسجيل للسمستر الثاني ووقف وارسلوا رسايل للمقبولين

حركة بين كل ثلاث ارقام داش او فاصل لا ماهي غلط الجامعة كذا

لا تخافين بتوصل لك الرسالة بإذن الله

لكن السؤال اللي يطرح نفسه ..

" هل إنتي قدمتي في التسجيل اللي فتح من كم اسبوع ؟ "

هذا تسجيل للسمستر الثاني :)

رد: ياليت تردون * ضروري*
 

اان شاء الله يكون فيه دفعات :icon9:



اها دوبني افهم
طيب انا جبت 77 لو فيه دفعات فيه احتمال يجيني قبول ولا بس فوق 80 زي الكورس الأول

ايوا سجلت في التسجيل اللي فتح قبل كم اسبوع حق الدراسات التطبيقيه وخدمة المجتمع

يعني طريقة الرقم صحيحه وكلكم مثلي الحمد لله الله يطمنك :love080:

رد: ياليت تردون * ضروري*
 

والله اتعبونا ومعقدينها مره ومعسرينها ع البنات
انا الجامعات الثانيه انقبلت فيها بس اهلي مايبون الا الدمام والدليل انهم معقدينها انو كل الجامعات تتسااهل وتيسر وتفتح مجال لطالباتها الا هم بالسمستر الاول والثاني الله يصبرنا عليهم بس و ع قبولهم وتسجيلهم المعقد
والله يكتب لنا الخير كفايه مافي شي واضح كل شوي اسمع شي جديد ماينزلون اعلانات عن الدفع ولا النسب ولا شروط واضحه ولاشي صريح ابحثي ابحثي ابحثي واسمعي من كل شخص شي وضيعي انتي بينهم
لا اله الا الله محمد رسول الله

رد: ياليت تردون * ضروري*
 

السمستر الثاني نسب القبول تنزل عن الـ 80%

في إحتمال تنقبلين إن شاء الله

ما أدري إذا في دفعات ولا لا ما اقدر أفيدك :$

بس أتمنى جدًا تكون في دفعات :)

رد: ياليت تردون * ضروري*
 

بسومي : فعلاً كلامك صحيح يعني حتى رفض ماارسلو ارسلو لناس قبول طيب اللي ماجاهم قبول
ليه مايرسلون رفض عشان نعرف اذا فيه شي ولا خلاص رفض

فيونكا : تسلمين حبيبتي والله طمنيتي الله يوفقك ويكتب لك الخير

رد: ياليت تردون * ضروري*
 

لا ياحبيبتي هم بيخلونك كذا اجلسي انتي بس انتظري الى مدري متى
وان ماصار قبول ف اكيد خيره لنا
الله ييسر بس ويكتب لنا الخير بكل الامور . .

رد: ياليت تردون * ضروري*
 

اما لو يسون كذا ؟ حسبي الله بس
ان شاء الله اي صادقه الله يكتب لنا الخير

رد: ياليت تردون * ضروري*
 

الله ييسر لنا , يآرب ننقبل !
نظآم اعصآب , بلغونآ طيب , هل من دفعات ؟
هل اكتفوا ؟ هل خلاص !
الله يكتب اللي فيه الخير ..