|
ابي اترك هذا التخصص وش رايكم
السلام عليكم ورحمة الله وبر كاتة
أسعد الله اوقاتكم بكل خير واسال الله ان يطرح البركة في الامطار التي نزلت على بعض مناطق المملكة سؤالي يا أحبتي انا داج وهاج بالرياضيات وببعض المواد مثل الاقتصاد والمحاسبة وابي أغير التخصص هذا والسؤال : متى يحق لي تغيير التخصص هل بعد الترم هذا ام بعد ترمين يعني بعد سنة ؟ واتمنى الرد من قبلكم وأسف على الإطـــــــــالــــــة :sm12::sm12: |
رد: ابي اترك هذا التخصص وش رايكم
عليكم السلام و رحمة الله و بركاته آمـــــــــــــــــــــــــــــــــــــين --------------------------- رأيي لما قبل اتخاذ القرار و ما يأتي بعد هذا فنترك الرأي لمن هم افضل و اكثر خبره 1- صلاة الاستخارة قبل اي خطوة 2- عدم وضع حاجز نفسي يؤثر بالسلب على قرارك " مثل عدم القدره على فهم المواد" 3- التوقف للحظات و السؤال / هل كل من تجاوز المرحلة وجدوا صعوبه في البداية ام حالهم كان افضل ؟ 4- التفكير بشكل اكبر في الوقت الذي انقضى سواءاً ترم او ترمين والعوده من الصفر وهل التخصصات الاخرى هي الافضل و لن اواجه فيها اية صعوبات ؟ اخيراً ندعوا الله للجميع بالتوفيق و النجاح |
رد: ابي اترك هذا التخصص وش رايكم
وعليكم السلام
بخصوص تغيير التخصص لابد من اكمال ٢٤ ساعة دراسية بنجاح يعني بعد المستوى الثاني |
رد: ابي اترك هذا التخصص وش رايكم
وعليكم السلام ورحمة الله وبركاته
لابد تخلص 24 ساع يعني ترمين تروح عليك بدون مقابل !!! وترجع تعيد من اول وجديد .. بصراحه خساره وغبنه بنفس الوقت انت فكر واستخير اولا واخيرا والخيره دائم فيما اختاره الله الله يكتب لنا التوفق جميعا |
رد: ابي اترك هذا التخصص وش رايكم
استخير وانت قدها وهنا الاختبارات اختياري يبي لك شويه تركيز
دامك تبي شهاده بكالوريوس وبتدرسها بحسابك ادرس تخصص يستاهل مثل اداره الاعمال والله يوفقنا وياك |
رد: ابي اترك هذا التخصص وش رايكم
المواد اللذي ذكرت كلها مواد حسابات وقوانين ويبدولي ان ميولك ادبي او شرعي اشوف انك تغير افضل لان باقي المستويات القادمه زيها واكثر .. الله يكون بعونا وياك
|
رد: ابي اترك هذا التخصص وش رايكم
اشوف انك تفصل احسن :d
امزح معك شد حيلك وخل الباقي على الله ونعم بالله |
رد: ابي اترك هذا التخصص وش رايكم
والله انا زيك مالي بالرياضيات
لكن اتكل على ربك وكمل وبتتيسر الامور باذن الواحد الاحد واحمد ربك ما عندنا دراسه فعليه شوية تركيز وراح تعدي من تجربة ناس سبقون بهذي الجامعه ونصحية اخويه لا تحطم نفسك وتتخاذل ولو لزم الأمر جيب لك مدرس لهذي الماده وهي كلها رؤس أقلام مافيها تعمق والله يوفقنا وياك بالدنيا و الاخره |
رد: ابي اترك هذا التخصص وش رايكم
ال احسن تكمل وتتوكل على الله لان كل المواد مافيها شئ سهل لازم نذاكر في كل التخصصات بس بيضيع وقتك
|
رد: ابي اترك هذا التخصص وش رايكم
مو من حبي وشطارتي بالمحاسبه والرياضيات !
بس الحمد لله أولا وآخراً .. مع المذاكره مشى وضعي إنت سو إللي عليك وإللي تقدر عليه , ربي م بيضيع تعبك وتخصصنا جدا ً مرغوب لا تفوّت الفرصه من بين يدينك وتندم !!!! موفقين |
| All times are GMT +3. الوقت الآن حسب توقيت السعودية: 01:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام