|
شكوى على دكتور الاستراتيجية
السلام عليكم
اخوكم الصغير من مستوى سادس يعرض عليكم رأي وهو كتابة ملاحظاتنا على دكتور الاستراتيجية في ايقونة الملاحظات على المحاضرات وهي قصر مدة المحاضرات وعدم الشرح الكافي علشان اذا كانت اسألتة من خارج المحاضرات يكون قد عندهم شكوى تدعم رأينا وايضاً ممكن نتصل علية ونقولة انا كتبنا ملاحظاتنا علية يمكن يتعاون معنا في التركيز على المحتوى اعطوني رأيكم |
رد: شكوى على دكتور الاستراتيجية
السلام عليكم
شكلك تبي تجيب فينا العيد أنا اقول ننتظر ونختبار ونشوف اذا جاب اسئلة من الكتاب نشتكي ام الحين تبينا نشتكيه لا وبعد تبي تتصل عليه بعد عشان تكملها يعني الملاحظه يمكن مايدري عنها لا بعد الاختبار ومايمديه يغير الاسئلة ويصعبها بس تأكده له با اتصال لا تنسى قدامنا محاضره مباشره ثالثه واذا هو مصمم ويبينا نشتري الكتاب نختبار ونشوف يمكن هو بس يبي يخوفنا لا تستعجل ولا تجيب فينا العيد انا ما ادري ليش انا ملقوف الحين انا من مستوى سادس ومنزل ها الماده لو منزل الثقافه الاسلاميه ومتثقف ابركلي من الماده الي طبحت عليها. |
رد: شكوى على دكتور الاستراتيجية
بلبس البشت وارجع لك ارد
|
رد: شكوى على دكتور الاستراتيجية
ما جربتو من قبل الدوغان او الشعيبي .. ولا ما قلتو ها الحكي
الحين الدكتور يشوف كلامكم ويضبط لكم اسأله دوغانيه تعجيزية تشييبيه يعني بتشتكون ايش بتقولون جاب لنا اسأله من الكتاب ؟؟ هو فيه نظام يقول يعطيكم الاساله قبل الاختبار ؟؟ تراكم في جامعه مو ثالث متوسط /ب |
رد: شكوى على دكتور الاستراتيجية
X_5 او x_6
ليتك ما لبست البشت بافصخ الشماغ وارد عليك |
رد: شكوى على دكتور الاستراتيجية
ياجماعة ليش انتو مستعجلين على الشكوى يمكن يجيب لنا اسئلة على قد شرحه وطول محاضراته يعني اسئله سهله مره هذا الاحتمال وارد بشكل كبير من خلال شرحه وفهمه للمادة واذا جاب اسئلة تعجيزية الادلة والبراهين عليه موجوده عندنا نقدر نحجه ونشتكيه انا اقول لكم لسى بدري على الشكوى تركدوا ...تركدوا..تركددوا
|
رد: شكوى على دكتور الاستراتيجية
اقتباس:
اقولك الدوغان سوا فينا فلم هندي حزين الترم اللي راح حتى منظمة هيومن رايتس اشتكينا لهم لوا احد عبرنا الفريدان عنده خبر .. ولا احد عوضنا بشي او حتى عطانا وجه |
رد: شكوى على دكتور الاستراتيجية
يا الربع اذكروا الله
كل واحد يقول لا اله الا الله انا عرضت رأي وكان قابل للصواب او الخطاء اعتراضي على مدة المحاضرة وحده 4 د وبعضها 10 د يعني لا سلايدات ولا شرح وفوق هذا طالب ثلاثة كتب واحد منها 700 صفحة انتوا من جدكم لا يمحطكم باسئلة تدوخكم شهر وعلى فكره فية ايقونة للملاحظات على محتوى المحاضرات ... ما قلت نبي الاسئلة والا اغير فصلي من اول ب الى اول عا :d انا قلت مافيه مقرررررررر يا x_7 اعطني شماغي والفروة وشب النار لا هنت .. على العموم لازم نتفق قبل اي تصرف عوووووووووووذه |
رد: شكوى على دكتور الاستراتيجية
عليكم السلام
اخي الكريم منطقيا ليس بصالحنا اي شي من الشكاوي فالدكتور نبهنا بالكتاب واذا جاب الاسئلة من الكتاب فهو بريء من اي شكوى ضده انا اشوف ان الكتاب فينا وماراح يغير رايه وكويس اذا انه ماكتب الاسئلة من الحين خلونا نقوله على تحديد الكتاب افضل عموما انا ارسلت له رسالة ومافهمت شي منها الرسالة كالتالي الطالب /الطالبة السلام 1- توجد صفحات محددة من الكتاب ضمن المقرر (الإدارة الاستراتيجية مدخل متكامل ،تشارلز هل وجارديث جونز 2- سأرسل اليكم واجبات وفقكم الله د.معتصم حصين أبوزيد /أستاذ المقرر وش قصده ؟؟ |
رد: شكوى على دكتور الاستراتيجية
اقتباس:
|
| All times are GMT +3. الوقت الآن حسب توقيت السعودية: 04:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام