|
منتصف الليل
السلام عليكم ...... أخواني أخواتي الكرام ،
لا أجد الا أني أشكركم وأدعو لكم بعد منتصف الليل أن يسهل عليكم مشواركم الدراسي يا أخوان يا أخوات تكفون تكاتفو وتعاونو مع بعض لا تختلفون وخلوكم على قلب واحد الحمد لله ما بقى غير الأنجليزي وبأذن الله تساهيل تعاونو مع المشرفين والأعضاء مع بعض لا تعقلون على بعض بالردود وخليكم سمحين ولله الحمد كلكم شفتو لما نتعاون كيف نستفيد أهم شي ما نختلف يا حبايبي وقت الأختبار مثل أختبار الأحصاء مشاركات وردود بعض الأعضاءعلى بعضهم هداهم الله ، نبي لحمة تكاتف لا تختلفون الله يوفق الجميع. |
رد: منتصف الليل
:
أؤيدك الرأي .. فالمصلحة تصب علينا كلنا بعد الأتحـــاد و الترابط في أجتياز هذا الأختبارات معاٌ جميعاٌ للأفضــــل . |
رد: منتصف الليل
يعطيك العافيه كريم :004: يمكن انسب مكان بطلق العنان لمشاعري فيه :cheese: الكل متعاون الحمد لله والكل قاعد يحاول يساعد ب اي طريقه الناس باقي فيها خير , والخلافات اللي ممكن تصير بالردود ف أنا اشوف انه طبيعي شوي بما ان الكل متوتر عن نفسي والله ابد مو شايله بخاطري و اتمنى من كل اللي ضايقهم حذف رد بعد يعذروني بنختبر وبنحل واجبات وننلخص سوا ان شاء الله , مايسوى الموضوع ننزعل ونشيل على بعض :004: |
رد: منتصف الليل
الصراحه في ناس بجحه ! :139:
مايعطون المشرف ياخذ نفس !!:Looking_anim: رحمت ملاك اليوم صراحه !:sm1: بعدين طول الاختبارات اللي فاتت ماشين صح !:cool: بس اختبار الاحصاء اليوم كان جدا جدا ملخبط :sm18: 3 اسأله قسم بالله احسب مكررها :Looking_anim:<< حقت الجداول ! يعني لو ماركزت شوي كان حليت نفس بعض !! :mad: جدا جدا دقيق هالدكتور الله يعين :sm18: فلا تلومون وعد او ملاك على بعض الاخطاء !:019: ملاك : سوري على المخالفه اليوم بس كنت مسويه طاقه الصدر :biggrin: |
رد: منتصف الليل
اقتباس:
قلبي انتي :love080: الدكتور منزل اسئله كثير ويادوب قدرنا نحلها :( , الله يسامحه يختي :icon1: ههههههههه طيب لاتعيدينها :( . |
رد: منتصف الليل
اخوي كريم يعطيك الف عافية على هالموضوع هنا بنتكلم وناخذ راحتنا شوي من يوم بدينا اختبارات والتعاون موجود والله الحمد بالعكس كان كل اختبار في ترتيب وتنسيق افضل من الي قبله الكل يحاول انه يحل ويساعد ويتناقش الارتباك الوحيد الي صار كان باختبار الاحصاء بالفعل كانت اسئلة كثيرة وبنفس الوقت متفرعه ومصعبه وكانه تحدي من الدكتور لنا مع انه المفروض انه يسهل علينا الاختبار ويحببنا اكثر بالمادة مثل الدكتور ثابت بيض الله وجهه كان مراعي لضروف كل طالب فينا صحيح اغلبنا بمسمى طالب في هذا الملتقى لكن فينا الاموظف والاب والام وكل واحد له التزامات ما يعلم فيها الا الله ومع هذا كلنا اجتمعنا لتحسين المستوى وتطوير حياتنا العملية والعلميه نتمنى من جميع الدكاتره اذا كانو يدخلون ويقرون كلامنا انهم ينتبهو للنقطه هذه او من يقراء فيهم يوصل كلامنا للبقيه اختي ملاك الله يلوم الي يلومك ما قصرتي وكفيتي ووفيتي ورايتك بيضه ومثل ما قالوا بشاعر المليون فالك البيرق ولا هانو الجميع والله كل واحد كان عامود يبني ويثبت قواعد الملتقى صحيح كان في البعض مهمتهم انهم ينتضرون بدون اي حركه لكن كان على الاقل دخلو وساعدونا بالاسئلة او التاكد من الاجابات على العموم طلعت كل الي بخاطري وتراني مو شايل على احد بالعكس نبي نرتقي مع بعض وننجح وندخل هذا القسم نبارك لبعض ونتقابل بالمستوى الثاني باذن الله تحياتي واحترامي |
رد: منتصف الليل
كلمَأتك جميلةة أستاذ كريِم :rose:
وأجمل شِي أنك تقدمه أنك تدعِي لنآ .. وأن لله يسهل علينا ووفقنا :rose: التعآون أكيد مَوجود .. والمحبةة قايمة بيننَآ ْ ~ وأن شالله مَآيكون فِي زعل على الِي حصَل أمس .. اقتباس:
أنا برضِي أخطأت - ومقتنعة بالي ربي كاتبه :004: الاسالة كانت صعبة وتوتر الجميع وترني ووتر الي يساعدون أكثر وأعتذر علَى الاسَألةة الي مأنتبهت لخطَأها " وبحَآول قد ما أقدر أكون دقيقة أكثر بالمرات الجاية :icon19: . . ويعطيك الف عافية كرم على الطرح ~ " كانت مسَآحةة بسيطة أتنفّس فيها " (: |
رد: منتصف الليل
اقولها قدامكم لولا الله ثم وعد كان ماجبت 9.50وعوده يعطيك العافيه:d5:
|
رد: منتصف الليل
الله يقويكم وما ننحرم من كرم مساعدتكم
|
رد: منتصف الليل
صح لسانك يا كريم المشرفيين جزاهم الله عنا خير يبذلون جهد خرافي ويستحقون الشكر والثناء وقبل ذلك الدعاء لهم في ظهر الغيب اسال الله ان يجعل جهدك وجهدهم في ميزان حسناتكم . |
| All times are GMT +3. الوقت الآن حسب توقيت السعودية: 03:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه