|
" طال السكوت "
طال السكوت.. وضاق صدر السواليف والبال.. من كثر الهواجيس عايف.! والليل طااال.. وطارق الصبح ماشيف.!! وانا..وصمت الحزن..صرنا ولايف. اسج..مع هجس الطواريق..واعيف هجسي..وطاروق الضلوع النحايف.! تجوع.. سلمى.! واترك..الكم.. والكيف! واقسم..رغيفي بيننا بالنصايف.؟ اقرأ..وتكتبني..قضيه, وتعريف وتظما. وتشربني ..نحيب, وذرايف!! صمت الشعور.. احساس.. ماله تواصيف أكبر من حروف الحكي, والوصايف..؟؟ ياسيف كيف اشرح لك الوضع ياسيف؟؟ اقلامنا جفت ورفعت صحايف.!! كيف ابتدي يامسندي..وانتهي كيف؟؟ من دون كيف؟ انا مثل مانت شايف.! شفني بقايا انسان والوقت كالسيف.! وحظي كفيف..! وفرحتي.؟ حلم زايف! همي بحر..وضلوع صدري..مجاديف والعمر مركب..بين الأمواج طايف.! وقلبي وطن..وعروق قلبي تجاووويف للحزن.. وهمومي.! شعووب وطوائف..! صوعات بقعا ..والقدر ..والصواديف ورتني اهوال السنين العجايف. أتبع.."خريف العمر" في رحلة الصيف..! وازحف ..على حد السيوف الرهايف.. الليل ..مفتاح السهر والتكاليف. والصبح ..مفتاح القهر والحسايف. والصبر.. مفتاح الضلوع المناحيف.! والحزن ..مفتاح الجروح الرعايف!! والمصلحه ..مفتاح باب المواقيف . والواسطه ..مفتاح باب الوظايف ..!! والفقر..يفتح للوجيه المصاليف. باب الصلافه و الضعايف ضعايف لاصار لك حاجه ولالك معاريف بشت القناعه........,.......,....! ان قلت لك خايف! ترى ماني ضعيف ولاني شجاع !!ان قلت ماني بخايف؟ ياسيف وش عذر المعازيب للضيف؟ لامنها ضاقت صدور المضايف.! قل للسوافي لوتهب العواصيف عنها رقينا عاليات النوايف.. تسفي وحنا فوق روس المشاريف في راس نايف.. والخلايف ..خلايف وقل للضعوف اللي تحسب المصاريف حنا ترانا ماحسبنا الكلايف. لوشحت ..يدين الزمان.. المناكيف نبقى على ..عهد الوفا.. مانزايف وان طال.. بال الليل.. قل للسواليف بوح السهر من ضيقةالصدر عايف..! |
رد: " طال السكوت "
رآئــعه سلمت يمينكـ =)
|
رد: " طال السكوت "
لوشحت ..يدين الزمان.. المناكيف
نبقى على ..عهد الوفا.. مانزايف وان طال.. بال الليل.. قل للسواليف بوح السهر من ضيقةالصدر عايف..! الله الله علييكك قصيده رائعه يسلمكك ي شامخ |
رد: " طال السكوت "
صمت الشعور.. احساس.. ماله تواصيف
أكبر من حروف الحكي, والوصايف..؟؟ قلم مميز .. واحساس عذب .. وذوق عالي .. وجمال بكل مافيه من احاسيس صح لسانك يا الشامخ والله يعطيك العافية |
رد: " طال السكوت "
-
صمت الشعور.. احساس.. ماله تواصيف أكبر من حروف الحكي, والوصايف..؟؟ -:004:- شفني بقايا انسان والوقت كالسيف.! وحظي كفيف..! وفرحتي.؟ حلم زايف! سٌلمت يمينك جداً رآئعه :icon1: |
رد: " طال السكوت "
الليل ..مفتاح السهر والتكاليف.
والصبح ..مفتاح القهر والحسايف. والصبر.. مفتاح الضلوع المناحيف.! والحزن ..مفتاح الجروح الرعايف!! انتقاء رائع ومميز لا هنت اخوي الشامخ |
رد: " طال السكوت "
يعطيك العافية
|
رد: " طال السكوت "
_
الشآمخ تألق بآختيآرك آنتقآء أكثر من رائع وذائقه جميله جدآ يعطيك ربي الف الف عافيَه ’~ صح لسآن الشآعر وسلم لنآ بوحك كل الشكر لقلبَك ’ |
رد: " طال السكوت "
اقتباس:
الله يسلمك ~ والاروع مرورك الكريم |
رد: " طال السكوت "
اقتباس:
يابنت شمر باين فيك القصيد وثمر وانتي شامخه مثل النخيل الباسقات جيتي وفاء وجيت من شانك شكر والخط الاخضر اذا شفته ينسيني الشتات |
| All times are GMT +3. الوقت الآن حسب توقيت السعودية: 06:30 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه