|
سؤال للاخت تولييب ولمن يقدر يفيدني
الاخت توليبب
السلام عليكم عندي مشكله في سداد الرسوم على الرغم من اني مسدد من اول لكن جاتني رساله من الجامعه عبر جوالي تطالبني بسداد 330 لقرب اخر مهله للسداد حاولت اسدد لكن للاسف لم استطع من خلال مصرف الراجحي الصرافه والنت ومن خلال موظف البنك من خلال اعلانك المرفق انه بامكانا عن طريق ايقونه موجده في خدمات الطلاب نقدر نتصل بالجامعه وكل ماحاولت ادخل الرقم السري يعطيني تححق من معلوماتك مع العلم اني ادخل للبلاك بورد والافتراضي ولاعندي مشكله ولكم جزيل الشكر http://www11.0zz0.com/2013/09/08/01/981565430.jpg |
رد: سؤال للاخت تولييب ولمن يقدر يفيدني
بعد اذن توليب ..
على حد علمي فيه مشكله في موضوع السداد لاني انا سددت ولسى المبلغ طالع عندي بالنت لكن بالخدمات الطلابيه طالع عندي مسدد .. اذا انت مسدد شوف وش مكتوب لك بالخدمات الطلابيه وايضا كلمهم ع الرقم المجاني 8003030308 |
رد: سؤال للاخت تولييب ولمن يقدر يفيدني
لقد انحلت مشكله الدخول على الايقونه وقمت باظافه استفساري اتمنى ان القى حل
اما السداد فلا جديد |
رد: سؤال للاخت تولييب ولمن يقدر يفيدني
اشكرك اخوي على مرورك بالنسبه للرقم المجاني على طول يعطيني مشغوول
وبالنسله للمبلغ يظهر لي في الحاله الماليه للطالب لم تقم بسداد 330 ريال حاولت اسدد من خلال مصرف الراجحي بالنت ومن خلال الصرافه ومن خلال البنك وعجز موظف البنك من اجراء العمليه مادري شنهو الحل مع الجامعه اللي تببي زياده رسوم الله اعلم بصحتها ونظامها ماهو قابل يستقبلها |
رد: سؤال للاخت تولييب ولمن يقدر يفيدني
طيب عندي حل بحكم ان الوقت يمشي .. وعلى كل حال كلها 330 ريال حتى اذا طلعو غلطانين التيرم الجاي راح يحسبونها لك (اذا باقي لك تيرم جاي مادري بصراحه انت خذيت المقررات كامله معانا بالخطه)
الحل هو انك تدخل على النت وتشوف تسديد الفواتير وبتطلع لك فاتوره جامعه فيصل بالنظام وفيه مكان لاضافه المبلغ زي فاتوره الاتصالات .. يعني تضيفه يدويا وتقوم بإداع المبلغ بحسابهم ..وش رايك ؟ |
رد: سؤال للاخت تولييب ولمن يقدر يفيدني
اعتقد فيه مشكله بالنظام عندهم ,
انا يطلع لي "لم يتم العثور على الفاتورة " وناس مسددين وما تغير الوضع المالي بالخدمات, عمومًا انت لاتستعجل لأن الخطأ من عندهم , العميد يرد على الإيميل راسله بالمشكله >> afridan@kfu.edu.sa , ومافيه خوف رح يمددون الفتره اعتقد مثل العادهـ ^^ بالتوفيق, |
رد: سؤال للاخت تولييب ولمن يقدر يفيدني
اهلين اخوي الواضح ان المشكله عند اغلب الطلاب .. واتوقع في خلل بنفس النظام .. لذلك انا اشوف افضل حل ترسل ايميل للدكتور عبدالله الفريدان تشرح له مشكلتك بالتفصيل وبأذان الله راح يحلها لك .. afridan@kfu.edu.sa :106: |
رد: سؤال للاخت تولييب ولمن يقدر يفيدني
عزيزي الحبيب كم ساعة مسجل هذا الفصل
|
رد: سؤال للاخت تولييب ولمن يقدر يفيدني
البارح اسولف مع احد الطلاب انتساب بس تخصص ثاني ويقول وصلته رساله على جواله بسداد مبلغ 330 ريال مع العلم هو مسدد .. على كذا زي ماذكرو الزملاء في مشكله عامه ..
|
رد: سؤال للاخت تولييب ولمن يقدر يفيدني
اشكر الجميع والله يعطيكم العافيه على كل ماقدمتوه لحل هذه المشكله
حاولت السداد عن طريق اكثر من بنك لكن للاسف المشكله واحده واعتقد انها من نظام الجامعه |
| All times are GMT +3. الوقت الآن حسب توقيت السعودية: 02:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه