السلام عليكم

أنا من الي بيتدربون بعد العيد وراح أبدأ من بكره الأثنين أن شاءالله .. كنت أبي أعرف هل فيه أحد بيتدرب معي في هالمدرسه ؟ وسؤال ثاني متى أطلع لها بالضبط ؟ ووقت أنتهاء الدوام بالنسبه لمدرسة الأبتدائيه متى ؟

رحت اليوم للمدرسه أنا و زميله معي فيه حوالي 9 بنات 6 من الإنتساب و3 طالبات إنتظام وشكله كان فيه وحده غايبه .. مددوا لي فترة التدريب لثلاث أسابيع لأن على كلام المسؤولات عن صعوبات التعلم مايكفي 10 أيام أو 12 يوم عشان أمسك حاله وأشخصها وأختبرها .. عطتني المعلمه حالتين وحده بالرياضيات صف خامس والثانيه لغتي صف رابع ..أخذت من المعلمه ورقة موافقة ولي الأمر مع ورقة تعبئة بيانات تخص الطالبه مع ورقة نبذه عن صعوبات التعلم دبستهم كلهم وعطتيها البنت والثانيه كانت غايبه .. وهذي كانت الخطوه الأولى باليوم الأول من التدريب .. المديره عملت إجتماع مع طالبات صعوبات التعلم الإنتظام والإنتساب كلهم سوا وتكلمت عن دعوة أمهات الطالبات الي عندهم صعوبات تعلم وكيف ممكن يشرحون لهم بشكل مبسط بدون أستخدام مصطلحات كبيره وأشياء درسناها لأن بعضهم أميات وفهمهم على قدهم فمايحتاج نتفلسف عليهم يعني بختصار صعوبات التعلم = حصص تقويه لنقاط الضعف الي عند الطالبه .. هذي الدعوه محضرينها طالبات الإنتظام لأنهم بدأو من بداية الترم وطلبت منا المديره في آخر الإجتماع نكتب كل شي يصير معنا خلال التدريب أي نصيحه توجيه ممكن نستفيد منه نكتبه
أخذت جدول الحصص لمادة الرياضيات ولغتي وباقي أنسق مع المعلمات الحصص الباقيه .. مجموع الحصص في الأسبوع لكل ماده 4 حصص .. وهذا كل الي صار بأول يوم :sm18:

اليوم الثاني وصلت للمدرسه بدري طلعت من الساعه 6 ووصلت 6 و11 دقيقه لأن من بعد 6 ونص هذا يعتبر تأخير أخذت الحصه الأولى إنتظار والحصه السادسه إنتظار كلهم عند صفوف رابع حصة الإنتظار الأولى مرت بهدوء بس حصة الإنتظار السادسة أبثروني فيها البنات بنتين جوني وحده قالت تبي تغني أغنيه يوم سألتها وش الأغنيه قالت قلب قلب عاد أنا مدري وش كلمات هاالأغنيه :Looking_anim: ماقد سمعتها والثانيه تبي تغني أغنية من شفته قلت أغاني ماعرف وش كلماتهم ماراح أسمح لكم تطلعون ع السبوره وتغنونها :no: عندكم أناشيد حافظينها وتبون تنشدون تفضلوا عاد أنا عطيتهم الضوء الأخضر ماصدقوا على الله كل شوي وحده تبي تنشد صدعوا راسي :sm18: .. البنت الي كانت غايبه أمس المفروض أعطيها ورقة البيانات عشان تعبيها جت اليوم رحت لصفها وجيت بعطيها الورقه شافتنا بنت من الصف وراحت جنب البنت قالت لها أنتِ من ذولي .... التعلم ! سألتني أيش أسمهم وطالعت في البنت وشكلها بتضحك عليها كانت معي زميله وراحت وضحت لهم أن البنت شاطره وأن هي أخذت هالورقه عشانها مميزه أنا قلت لها إني بساعدك بشي بسيط بس ولا أنتِ شطوره حاولت أعزز ثقتها بنفسها قدام بنات الصف المفروض أعطيها الورقه برا الصف عشان محد يحرجها :icon9: .. رحت عند المعلمات الي أحتاج أنسق معهم باقي الحصص وكملت حصص بنت وباقي المعلمه الثانيه قالت لازم أكلم المديره أول وأتفاهم معها أخذت 4 ورقات جدول الحصص عشان لانسقت وخلصت أكتب حصص الطالبتين الي عندي وحطهم بالملف (ملاحظه) لازم يكون عندك ملف خاص بك وملف للطالبه أنا عشان عندي حالتين الظاهر لازم أجيب 4 ملفات :sm18: .. بعدين رحت للمعلمه المسؤوله عنا قلت لها هاه وش الخطوه التاليه قالت سوي أختبارات تشخيصيه للطالبه قلت لها ممكن توريني نماذج من هاالإختبارات قالت تلقينها بالنت نزليها أو شوفيها عند زميلاتك قلت طيب وسألتها عن نقطة إذا الطالبه بصف رابع أختبرها إختبار مستوى أقل قالت إيه تختبرينها إختبار مستوى ثالث وإذا هي بصف خامس تختبرينها إختبار صف رابع وعن الأهداف طويلة المدى وقصيره المدى قالت لا أختبرتي طالبتك شوفي الأشياء الي حلتها صح هذي تضيفينها لنقاط القوه ونقاط الضعف من الأخطاء الي في الورقه وعلى أساس نقاط الضعف تكونين الأهداف وتحددينها قلت لها طيب أحط أهداف طويلة مدى ولا أكتفي بقصيرة المدى لأن فترة تدريبنا قصيره 3 أسابيع قالت مدري أسئلوا مشرفكم :019: قالت لو الطالبه ماحلت ولاشي صح باالإختبار تنزلين للمستوى الي بعده يعني عطيت وحده برابع أسئلة مستوى ثالث ولاحلت فيه شي صح أنزل لمستوى ثاني وعطيها إختبارات صف ثاني.. الحين بنتظر موافقة ولي أمر الطالبتين لو وافقوا ببدأ معهم أختبارات تشيخصيه لو ماوافقوا نحاول نقنعهم الإقناع يكون بيد المرشده الإجتماعيه مو مسموح للطالبه تكلم الأهل أو حتى المعلمه المتعاونه لازم المرشده هي الي تقوم بشي هذا .. وبس :smile:

في يوم الأربعاء كان يوم دعوة أمهات طالبات صعوبات التعلم للتوعيه بصعوبات التعلم حضروا طالبات الإنتظام كل شي تقريبا وطالبات الإنتساب شاركوا بقطيه للضيافه .. الدعوه كانت من الساعه 8 إلى 9 مدتها ساعه فقط بدت بقراءة طالبه سوره قصيره من القرآن الكريم بعدين عرض أنشوده عن صعوبات التعلم ثم توضيح معلمات صعوبات التعلم عن ماهي صعوبات التعلم وشاركوا معهم كم طالبة إنتظام وإنتساب منهم أنا تكلمت عن صعوبات التعلم الي تتعلق في القراءه مثل حذف الحروف والأبدال وقراءة كلمه كلمه (القراءه شديدة البطئ) وحذف الكلمات جبت كم مثال على بعض النقاط حتى توصل المعلومه للأمهات ثم بينوا معلمات صعوبات التعلم أن أي طالبه عندها صعوبات تعلم بعد تشخصيها وأختبارها لابد تكون سليمه وطبيعيه مثلها مثل أي طالبه أخرى مايقبلون تدريس طالبه تعاني من إعاقه عقليه أو سمعيه أو بصريه أو عندها مثلا مشاكل بالنطق هذي تكون بيد مختصين علاج النطق .. عاد طالبات الإنتظام كانوا جايبين مجسم فيه صور لعلماء تحدوا الإعاقه منهم توماس أديسون وطه حسين وهيلين كيلر و بن باز رحمه الله وحده من الأمهات قالت هذا عنده إعاقه بصريه !في نهاية الدعوه أستقبلوا معلمات صعوبات التعلم أسئلة الأمهات بخصوص بناتهم ومرت عليهم طالبة إنتظام بيدها لوحه ملصق عليه ورقات صغيره فارغه وقلم حتى يكتبن الأمهات أي تعليق بخاطرهن حيال الدعوه وكانت تعليقاتهم إيجابيه ولله الحمد .. بعد ما أنتهت الدعوه حصل أختلاف ودي بالرأي حول مجسم علماء تحدوا الإعاقه معلمه قالت أحنا أنبح حلقنا وحنا نقول للأمهات مانقبل طالبه عندها إعاقه ويشوفون مجسم علماء تحدوا الإعاقه؟قالت المعلمه الثانيه هذولا يدخلون من تخصص التربيه الخاصه يعني يكونون تحت مظلة التربيه الخاصه .. قالت المعلمه الدعوه كانت عن صعوبات التعلم وتخصصنا صعوبات التعلم مالنا علاقه باالإعاقه البصريه والسمعيه والعقليه حتى وحده من الأمهات قالت بن باز هذا عنده إعاقه بصريه ! بعدين عنوان المجسم (علماء تحدوا الإعاقه) المفترض يكون (علماء تحدوا الصعوبات) بما أن الدعوه كانت للتوعيه بصعوبات التعلم أنتهى النقاش بشكر جميع الطالبات الي شاركوا بتحضير الدعوه .. رحت أنا أخذت ورقة الموافقه من الطالبتين الي عندي وقبل نهاية الدوام أجتمعوا طالبات الإنتساب مع معلمات صعوبات التعلم حتى تنحط النقط على الحروف وينتهي وضعنا المشتت سجلوا المعلمات أسماء الحالات عند كل طالبه أنا رسيت على حاله واحده فقط بعد ماكان عندي حالتين لأن المسؤوله عنا قالت كل طالبه تاخذ حاله وحده بس وتكون بسيطه حالتها ماتحتاج شغل كبير لأن فترة التدريب قصيره .
يوم الخميس بدأت أجمع أوراق الحاله الي عندي أخذت ملف الطالبه طبعت شهاداتها وإستمارة بيانتها نسختين من كل ورقه وأخذت نسخه من ورقة الإحاله حتى أحطهم بملف الطالبه والملف الخاص بي .. يوم الأحد القادم ببدأ أعطيها أختبارات تشخيصيه في الرياضيات ولغتي .. شفت ملفها حسيتها شاطره بالرياضيات لأن درجاتها كامله بس لغتي شفت ملاحظات فيه مهارات ماتقنتها للآن هي بصف رابع و راح أعطيها إختبارات من مستوى ثالث .
فيه أشياء أخرتنا عن البدء في التدريب من الأسبوع الأول منها إدارة المدرسه ماكانت محضره تستقبل عدد كثير من الطالبات لأن عددنا كلنا مع طالبات الإنتظام 18 طالبه تقريبا وماكانوا مجهزين حالات عشان ندرسها فيه مدرسة متوسطه قالت لنا عنها المعلمه أنهم مرتبين أمورهم ومجهزين كل حاله بورقة موافقة ولي الأمر وبياناتها ماينتظرون غير طالبة التدريب تجي وتستلمها لأن فيه بنات لاعطيناهم ورقة موافقة ولي الأمر تغيب اليوم الثاني أو تنسى تجيب الورقه إذا حضرت أو يكونون الأهل غير موافقين لأنهم مو فاهمين إيش المطلوب بعضهم يقتنع لا أتصلنا عليهم بعد مانوضح لهم الموضوع و بعضهم يرفض رفض قاطع وأيضا من أسباب التأخير الإداره بالدمام والإشراف بجبيل البلد بالدمام حاطين فترة التدريب 15 يوم وبالبلد حاطين 12 يوم وكلها فترات قصيره جدا للتدريب والمشرف المسؤول عن الطلاب بالجبيل مافيه أي توضيح من جهته عن الطلاب وكيف يبدأون :019: .

المشاركة الأصلية كتبت بواسطة صدى الأيام (المشاركة 9733753) كيف المعلمات المتعاونات معاكي أن شاء الله حلويين أنتي اخترتي المدرسه هذي ولا وزارة التربيه والتعليم وجهوك لها ياليت تعطينا كل التفاصيل وصور من الاعمال ودفتر التحضير