ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   انا طالبة جديدة وعندي استفسارات (https://vb.ckfu.org/showthread.php?t=507151)

ام الآرام 2013- 10- 18 05:04 PM
انا طالبة جديدة وعندي استفسارات
 
السلام عليكم انا متقدمة على الجامعة نظام انتساب وللاسف ماعرفت لنظام الجامعة
هل يتطلب مني تشغيل المحاضرات ؟ وكيف ؟
بالنسبة لنظام الواجبات وطريقة الاختبارات ؟
بالنسبة للدفع الى الان مادفعت الرسوم ... متى اخر موعد وكيف ادفع وهل هناك نظام دفع من بنك الراجحي ؟


اعذروني ع الاطالة والاسئلة والله يوفقكم يارب 🌹

غريب إحساس 2013- 10- 18 06:19 PM
رد: انا طالبة جديدة وعندي استفسارات
 
اقتباس:
المشاركة الأصلية كتبت بواسطة ام الآرام (المشاركة 9698992)
السلام عليكم انا متقدمة على الجامعة نظام انتساب وللاسف ماعرفت لنظام الجامعة
هل يتطلب مني تشغيل المحاضرات ؟ وكيف ؟
بالنسبة لنظام الواجبات وطريقة الاختبارات ؟
بالنسبة للدفع الى الان مادفعت الرسوم ... متى اخر موعد وكيف ادفع وهل هناك نظام دفع من بنك الراجحي ؟


اعذروني ع الاطالة والاسئلة والله يوفقكم يارب 🌹

نعم لازم تشغيل المحاضره .. او تحملينها على الجهاز ..

الواجبات لازم تحل .. ولها 3 محاولات وعليها درجه ..

كذلك المناقشات .. لازم تحل

وكل هالاشياء تقدرين تسوينها اذا دخلتي النظام الافتراضي .. او البلاكبورد

بالنسبه للدفع ..

عن طريق الراجحي .. اذا عندك مباشر ..
تقدرين تسددين ..

اضافه فاتوره .. وتدورين التعليم الظاهر .. وتختارين الجامعه وتدخلين رقمك الجامعي وتسددين ..


اتمنى افدتك .. لاني عليمي .. لكن مع كثره الاطلاع .. بدينا نعرف شوي شوي

وأكل العنب حبه حبه ..

وفقك الباري ..

ام الآرام 2013- 10- 19 03:06 AM
رد: انا طالبة جديدة وعندي استفسارات
 
تسلم اخوي الله يعطيك العافية

بس لو تكرمت تعطيني نبذة مختصرة عن النظام الافتراضي والبلاكبورد للأسف ماعندي خبره فيها نهايئا وررررررربي يسعدك يا رب ويحقق لك امانيك

Abo Rahma 2013- 10- 19 03:34 AM
رد: انا طالبة جديدة وعندي استفسارات
 
تفضلي هذا الرابط بفيدك
http://www.ckfu.org/vb/t487361.html

Noooralgamar 2013- 10- 19 04:12 AM
رد: انا طالبة جديدة وعندي استفسارات
 
عليكم السلام ورحمة الله وبركاته

حياك الله اختي
كلنا اختي جدد هنا
بس نعلم ونتعلم من بعض
الموقع هنا يشرح لك كل شي
وموجود هنا بالتفصيل الممل كل شي
مايحتاج تحوسسين عمرك
تفضلي اقري المواضيع هذي
و ابحثي هنا في القسم عن اي شي
مو فاهمته كل شي موجود و مشروح
في مواضيع مساعده كثير
وهذي بعضها
http://www.ckfu.org/vb/t493818.html
و
http://www.ckfu.org/vb/t498244.html
و
http://www.ckfu.org/vb/t497551.html
و
http://www.ckfu.org/vb/t493874.html


اقريهم زين ومتاكده راح تفهمين كل شي
واي شي تحتاجينه احنا هنا نساعدك
موفقه
:icon1:

غريب إحساس 2013- 10- 19 05:33 AM
رد: انا طالبة جديدة وعندي استفسارات
 
الله يعافيك .. ومشكوره الدعوه الحلوه ..

الاخوه .. ما قصروا حطوا روابط لكل الاشياء اللي تحتاجينها ..

يعطيكم العافيه

ام الآرام 2013- 10- 21 02:25 AM
رد: انا طالبة جديدة وعندي استفسارات
 
أسأل الله أن يحرم لحمي ولحومك على النار وأن يجمعنا في جناته كما جمعنا هنا في هذا الملتقى أشكر لكم جميعا بلا استثناء وفقكم الله لطاعته وأعانكم عليها

...بس أحبني... 2013- 10- 21 02:32 AM
رد: انا طالبة جديدة وعندي استفسارات
 
الأعضــآء ماقصروا . .
لكـن بما انهم عطوك نبذة عن الأنظمة وغيرهـآ .. آنصحك تبدين بتحميل المحاضرات وحل المناقشات من الآن
قبل ينضغط الموقع .. وسوي لم ملف لكل مادة وكل محاضرة تحملينها آكتبي عندها مادة كذا المحاضرة الأولى الخ .. عشان ماتتلخبطين لو بغيتي ترجعين لأي محاضرة وربي يوفقك ويوفقنا جميعآ


All times are GMT +3. الوقت الآن حسب توقيت السعودية: 09:54 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه